|
اقتباس:
|
الله يشفي ابنك يارب
حاولي تقتصدي قدر الامكان حددي المصروف الشهري والتزمي فيه كل شهر المصروف الشهري خليه فقط اكل وشرب وبنزين طبعا الفواتير خليها لحال اللبس ما بعرف اذا انتي كل شهر لازم تشتري ملابس تابعي العروض والتنزيلات دايما مصروف المولود الجديد متلا الحليب والبامبرز اشتري احتياجتك له على مدار الشهر من اول الشهر وهيك بتكوني مأمنه احتياجاته انتي صبوره ماشاء الله عليكي والرجال الله يعينهم مع الغلا وانتي ما شاء الله واقفه مع زوجك اعملي ظروف كل بدايه شهر ظرف لعلاج ابنك ظرف للمصروف ظرف للفواتير حاولي تلتزمي بالنسبه للسفر مش كل واحد بيقدر يسافر كل سنه في ظل الظروف مصاريف السفر احنا واولادنا أبدا فيها لو كل سنين مره مش مشكله ولما تزهقي اعملي سياحه داخليه روحي عمره بترتاح نفسيتك الله يفتحها عليكي وعلى الجميع |
تفضلي رابط بموضوع اضفته و ان شاء الله تلقي فيه الفايدة المرجوة
http://www.66n.com/forums/showthread...04#post2025604 |
شكرا لكم على اقتراحاتكم .. والله يسمع منكم ويشفي ولدي ( اللهم آمين )
وبالنسبة للصدقات الواحد مايحب يتكلم بس الحمدلله انافعلا مخصصة جزء من راتبي للصدقات وكفالة يتيم الحال مستور والحمدلله لكن اكثر شي احاتيه ولدي وشلون أقدر اوفر تكاليف العلاج لو يوم من الايام احتاج لا سمح الله علمية او علاج من وين راح اقدر ادبر المبلغ وبالنسبة للسفر .انا اهلي كل سنة يسافرون احلا الدول تغيير جو وسياحة وانا احس اني مضغوطة من ظروف الحياة الصعبة واحتاج للراحة بين فترة الثانية وتغيير جو خصوصا ان زوجي بعد نفسيته هم صعبة وشايل هم الدنيا على راسه بس ماحب اروح معاهم لأن ماقدر على تكاليف الرحلات اللي يروحون لها راح اتبع الطرق اللي قلتو لي عليها واجرب . وجزاكم الله كل الخير على دعواتكم لولدي عسى الله يستجيب والحمدلله على كل حال وعسى الله يجعل هذه الدعوات في ميزان حسناتكم |
عزيزتي...
من كلامك يبدو أنك مدبرة ( مالية ) جيدة ... ولكنك حارة شوي وتبين تضبطين كل شئ وخايفة من المستقبل (نوعا ما).. وهذا الي متعبك!!! وإلا ما شاء الله لا قوة إلا بالله الدخل المادي + بيت ملك + طفل واحد والثاني بالطريق الوضع جيد ومستقر.. أولا : بما أنك تدخرين من الراتب شهريا فهذا أمر راائع.. ثانيا : أي إقتصاد يحتاج إلى صبر وترك بعض الكماليات والترفيه... مثال على ذلك : بالنسبة للمستشفيات إذا كنت بالسعودية صح المواعيد طويلة لكن بالأخير النتيجة مرضية ولكن نحن نذهب للخاص لأن ما عندنا بال للإنتظار!! مثال ثاني : ممكن نوفر من التقليل من أكل المطاعم .. مثال ثالث : لا تشترين ألعاب كثير لطفلك ... ممكن بعض اللعب القديمة ترفعينها شهر أو أقل وبعدين تطلعينها بيفرح بها ولدك وبيعاملها كأنها جديدة .. رابعا : لا تصدقين الدعايات.. وقبل كل شئ الدعاء + الصدقة + الإستغفار كلها أمور مشاهدة تزيد من الرزق...فالله تعالى هو الرزاق ومن بيده ملكوت السموات والأرض.. وفقك الله ..وأعانك ...وشفى ولدك ...وبارك في مالك .. آمين .... |
شكرا لك أخت شيهانة على مشاركتك .. انا كنت من اتباع بالمستشفيات الحكومية لكنهم كانو سيضيعون الولد مني باهمالهم وعدم الدقة بالفحص . كم مرة يمرض ويعطونه ادوية تضر بقلبه رغم ان اخبرهم بذلك بعكس المستشفيات الخاصة التي تتحري عن كل صغيرة وكبيرة وتتطمن على الصحة العامة قبل اعطاء اي دواء
ماعدت اثق بالمستشفيات الحكومية للاسف .ز لكن كل شي بحسابه .. وجزاك الله كل الخير على الدعاء ارتحت كثيرا من أدعية المشاركين فهذي كانت احلا مشاركة .. ماكو على العافية اللهم امنن علينا وعلى كل من شارك بموضوعي بالصحة العافية |
السلام عليكم ورحمة الله وبركاته
حياك الله ياختي بيننا بصراحه قرات موضوعك امس وكنت مستعجله لكن والله انتي طول اليوم في بالي وعندي اقتراح لك ان شاء الله يعجبك شوفي يا عزيزتي مبلغ الادخار الي مخصصته لابنك لازم تستثمريه واعطيك تجربة اختي اشترت قطعة ارض في مخطط في منطقه بعيده عن سكن العائله ب 25000 ريال وبعد مرور 10 سنوات اصبحت قيمة الارض 300000 ريال والان تقول ياليتني اخذت اكثر من قطعه والعقار يا عزيزتي هو الابن البار استخيري واستشيري والله يوفقك ويشفي ولدك ادعي لي بالشفاء والذرية الصالحه اتمنى لك التوفيق |
أشكرك يا اخت سديم السماء .. وربنا يشفيك ويرزقك بالذرية الصالحة
في بلدنا العقار مرتفع جدااااااا جدااا .. والمبلغ اللي قمت بتوفيره لابني يادوب يكفي شراء سيارة ومستعملة كمان بس اقتراحك جميل وانشاء الله اذا لقيت فرص للاستثمار العقاري ساستخير واتوكل على الله حتى لو كان خاج البلد |
| الساعة الآن 10:44 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©