|
ينقل للعيادة..
سلامتك وماتشوفين شر.. |
عنقز.. بالاول ماعرفته..
لكن من قريت الموضوع كلها مواصفاته لكن ماحيد انه يترك اثار |
ان شاالله طهور والف سلامه عليك
ذكرتيني بحالي وحكايتي مع العنقز كان كابوس وكنت خايفه منه راح جاني الي يخاف من البعبع يطلعله معافايه ان شاالله |
لاباس عليك
ماتشوفين شر يا ختي |
بنت الحلوين
ان شاء الله ما يجيك مع انهم يقولون البنت احسن لها يجيها قبل الزواج عشان اذا صار عندها اطفال واصيبوا بالعنقز ما يكون خطر عليها اثناء عنايتها بهم خصوصا اذا كانت حامل زينه الغنادير الله يسعدك ويوفقك ومشكوره على مرورك الجميل حبوب وحنين الله يسلمك ومشكور اما عن الدروع فاخذناها لكن الله ينفع بالسبب ولا يتكلنا عليه كل الغلا الشر ما يجيك بنت النوخذه مو دائما يترك اثر لكن اذا ترك اثر من الصعب جدا علاجه الله يكفيكم الشر raniahasheem ويعافيك وعلى قولتك اللي يخافون منه يجيهم اما شديد او في اوقات حرجهزي ما صار لطليقي |
الف سلااامة عليك يا قلبي
والله ضحكتيني باخر هالليل الكئيب و ذكرتيني بقصتي مع الجدري ... الحمدلله ماصابني و ان شاء الله مايصبني ابد .. قبل سنتين ..و قبل موعد زواجي بعشر ايام تقريبا .. اتصل فيني زوجي (كان عايش في دولة ثانية) و كان من المقررر يجي قبل العرس ب 3 ايام اتصل يقولي لي ابشري فيني جدري طبعا انا نزل عليا سهم االله مادريت اضحك عليه و لا ابكي على العرس و العدوى و لا اواسيه و اقوله سلامتك قعدت اقول له اكيد تكذب الا اكيييد وهو يحلف ....و للاسف اتركز بوجهه اتخيل وهو عريس كيف بيدخل الصالة ؟؟؟ و الاهم بيعدني؟؟؟ كمان العروسة فيها جدري ؟؟؟؟ مسكين ظليت اتصل فيه كل يوم و اطمن ووصيته يشتري كريم اساس :) عشان يغطي العلامات المهم راحوا منه قبل العرس الحمدلله بس بين علمهم شوي بالصور :) طولت عليك بس قصتك ذكرتني بالماضي :) |
هههههههههههههههههههه
أضحك الله سنك يازهرة نجد استغفر الله أنا ضحكت من العنوان قبل لا أدخل عالموضوع وبعد ماقريت دمعت من الضحك ذكرتيني بعروسة جاها العنقز يوم زواجها تقول كنت احس بحرارة وانا عند الكوافير وقلت يمكن من الخوف والقلق مسكينة ثاني صحت من النوم وتفاجئت بأن جسمها كله عنقز تخيلي ايش سوت قفلت على نفسها الباب وجلست تبكي الين جو اهلها اخذوها وياحرام جلست اسبوعين عند اهلها والعريس المسكين كل يوم رايح جاي بالعصيرات شر البلية مايضحك |
الله يعينك ياختي ....أنا جاني وأنا في الجامعه وصرااااحة تعبني مره....
كان الله في عونك ... بس مستغربه كيف يجي مرتين ؟؟؟؟ وألف سلامة عليك |
ما عندج غير العافيةحبيبتي
|
الف حمدلله على سلامتك وعلى قولة الدكتورة الحمدلله انها جت على قد العنقز بس المناعة ما تتأثر بالضغوط واهموم لو هي قوية كفاية يعني المناعة لوكانت قوية ولا شي يقدر يهزها ويخترق صفوفها الدفاعية فأنتي مشكورة وعيتيني على شي مهم
لطالما كنت وما زلت اقرأ واشاهد واسمع عن الاطعمة والمشروبات والاعشاب والفيتامينات والمعادن و...... الخ التي تقوي المناعة ولكن لم يخطر ببالي ان لها هدا التأثير العجيب في صد الامراض وحماية الانسان وصحته فضعف الناعة شببه الاطباء بالبيت الملئ بالأشياء الثمينة لكنه بلا ابواب فسيكون حاله مقر لضيافة اللصوص والنشالين والمجرمين وهكدا الجسم فالهموم لم تضعف المناعة لان المناعة اصلا ضعيفة فلو كانت قوية فلن تأثر بها الضغوط بل الضغوط هي من تجعلنا نهمل صحتنا ونغفل عنها فجزاكي الله الف خير على طرح الموضوع لانه دكرنا بأن نتهم بصحتنا اكثر وتقوية مناعتنا وعافاكي الله واسبل عليكي ثوب الصحة والعافية عاجلا يارب |
| الساعة الآن 01:07 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©