|
حبيبتي اذهبي الى الطيبة لعمل فحوصات ومعرفة هل هناك سبب يمنع الحمل
فاذا كان هناك شئ لا قدر الله تبادري بالعلاج وان كان خيرا باذن الله فالتصبري حبيبتي"ان كل شئ خلقناه بقدر" |
والله انا بعد صار لي ستة شهور او ما صار حمل
او قالوا لي بيتنا روحي الى وحدة تمرخج او انا اموافقة بس لازم اروح ثالث يوم من الدورة يعني راح اروح باجر لان ناس وايد راحوا الى حرمة تمرخهم او حملوا نفس الشهر اواذا ما نفع ما يضر بالعكس التمريخ يساعد في اشياء وايد مو بس لي الحمل انا اقول لج روحي جربي اذا ما نفعج روحي الى طبيبة بس اتروحين الى المراخة اذا فيج الدورة مو بعدها عشان ينزل الوصخ كله لان يكون رحمج لين فترة الدورة او يارب تحملين الشهر الجاي ان شاء الله ياااااااااااارب ربي لا تذرني فردا وانت خير الوارثين |
ممكن تروحي هلا لطبيب عادي يعني القلق بيبدا بعد مرور سنة من الزواج
وانا بعرف انو التمريج منيح كتير وطبق الظهر كمان كتير منيح لانو لو ظهرك مفتوح لا سمح الله او انتي خايفة ممكن يعوق الحمل بس ضروري ازا ناويتي تروحي للدكتور تروحي انتي وزوجك عشان الاتنين يطمنوا على صحتهم وان شاء الله ربنا يرزقنا بالذرية الصالحة |
اقتباس:
إن شاء الله مافي شيء يدعوا للقلق ... ولكن آنا كل شهر يمر علي احس بخوف أكثر من الشهر الي قبله وخصوصاً إني لاحظت الي حولي من اسوي شيء يدعون لي بالحمل والذرية الصالحة وكل من يسألني (في شيء بالطريج ؟) ... خلوني احس بالقلق ازيد وازيد ... وآنا عاد ما يبي لي , بدون شيء احاتي شلون بعد شايفة أحد يحاتيني !! بعد اصبر لي يصير لي 12 شهر ؟؟؟ أصلاً إذا جذي معناها المفروض اقول 7 اشهر ! لأن اول شهر من الزواج ما ينحسب لأن ضليت شهر تقريباً على انفض الغشاء وعلى ما صار دخول كامل .. والصراحة آنه بداية الزواج اول 3 اربع اشهر ما كانت محاولاتنا بالحمل جادة ولكن هالاشهر الاخيرة صارت محاولاتنا أكثر جديّـة لأ ن لقينا روحنا تأخرنا بالحمل ! لاا أختي أنا عمري 21 وليس تحت العشرين ... والحمد لله دورتي منتظمة جداً حتى قبل ماادخل العشرين وكانت دورتي تمام ولكن الحين من تزوجت قامت تجيني بآلام وصداع وغيره ... شكراً على ردك عزيزتي , / اقتباس:
والله مادري ليش ! آنا جذي اساساً بكل شيء بسرعة احاتي واقعد أفكر ... يااااارب الشهر الجاي آنا وانتي نحط بتواقيعنا شريط الحمل ياااااااارب رَبِّ لَا تَـذَرْنِــي فَــرْدًا وَأَنتَ خَـيْـرُ الْــوَارِثِـيــنَ اقتباس:
إن شاء الله يااااااااارب تكون تأخيرة خييير , / اقتباس:
الله يسلمك ويسمع منك ,,, وإن شاء الله احمل قبل لا يصير لي سنة اقتباس:
بس آنه بعدي ما عندي خلفية بهذي الامور واحس بقدم على خطوة صعبة شووي وبنفس الوقت احس بخووف من نتائج هذي الفحوصات ..! اقتباس:
وي خرعتيني ,, ميلان مرة وحدة ؟؟؟ اكيد اهي عندها خبرة ؟ بعدين يمكن آنا عندي ميلان اساساً <<-- اذا صار ميلان ما يصير حمل ؟ وشلون يصير الميلان اصلا ؟؟ لأني سمعت الصعود والنزول من السلم (الدرج) يؤدي إلى ميلان الرحم ولا ادري هل هذا صحيح وآنا احس بالقلق لأن شقتي في الطابق الثالث وآنا ما شاء الله علي بالصعود والنزول اركض واناطط ولا احاسب ... اقتباس:
وووي ,,, الله لا يقوله .... ان شاء الله ما يصير لي سنتين مع زوجي إلا إحنا ثلاثة اقتباس:
أحس بالفضول واتمنى ان اعمل هذي الفحوصات .... بغلبك شووي ,, بسأل ... يعني اطلب الدكتورة تسوي لي هالفحوصات ؟؟ والا أقول لها آنا متأخرة بالحمل واهي تسويها بروحها ؟؟؟ وهذي الفحوصات تنعمل كلها مرة وحدة ؟ والا مواعيد ؟؟ يعني هل تتأخر ضهور النتائج ؟؟ (لأني والله مااعتقد اقدر انتظر النتائج)) من كثر ما احاتي ! وبالنسبة لـ الدوالي ... هل وجود الدوالي يتطلب فحص دكتورة حتى تعرف إنها دوالي وإلا كل واحد يشوفها يعرف إنها دوالي ؟؟؟ يعني كون شيء (ينشاف) ولالا <<- احس روحي غبية !! حبيبتي مسامحة ... والله يشافي زوجك يارب ويرزقكم ويرزقني الذرية الصالحة ويرزق كل محرم وكل من وده في بيبي يااااااااارب يارب .... بحق هذي الليالي المباركة .. اقتباس:
آميــــــــن ... الله يسمع منك يارب .... في القريب العاجل غير الآجل يارب اااااااممممم التهاب بالمهبل ؟؟؟ يعني ممكن يكون فيني الهاب ولا ادري عنه ؟ وهل التهاب المهبل له اعراض مثلاً او شيء يدل إنه لدي التهاب ؟ اقتباس:
إن شاء الله عزيزتي ,, وانا اتمنى وادعوا الله بأن يكون هذا التأخير تأخير خير .... واسأل الله ان يعطيني ويعطي جميع المحرومين من الأطفال ... رَبِّ لَا تَـذَرْنِــي فَــرْدًا وَأَنتَ خَـيْـرُ الْــوَارِثِـيــنَ اقتباس:
فرحتيني بهالدعوة الحلوة ,, الي سمعك منك يارب ونكون كلنا (عاشقات حلم الامومة ) كل وحدة بطنها أكبر من الثانية وكل وحدة الله يعطيها الي في بالها .... الحمد لله إن في احد سمع عن سالفة المراخ .... وآنا بعد الماما قالت لي عن ناس راحوا لها وما شاء الله استفادوا وحتى الي كانوا عندهم مشاكل تقول لهم فيكم جذي وجذي ويرحون بعدين المستشفى يآخذون العلاج .. وزين قلتي لي ان لازم بالدورة ,, لأني خلاص اليوم آخر شيء لي مع إني ما اتمنى اشوف الدورة الشهر الجاي ولكن اذا جات لا سمح ا لله بحاول اروح لها .... مشكوورة حبيبتي والله يرزقك بالذرية الصالحة في القريب العاجل يارب ... اقتباس:
ان شاء الله ما احتاج زيارة الطبيب ... بس اذا صار وزرته اكيد راح نعمل الفحوصات انا وزوجي ... . شكراً لكم اخوااااتي كلكم ... ويعطيكم العافية يارب .... وكل ما تتمنووه ويرزقك جميع عاشقات حلم الأمومة .. |
وووي ,,, الله لا يقوله .... ان شاء الله ما يصير لي سنتين مع زوجي إلا إحنا ثلاثة
ان شاالله يارب وماتكملي سنه الاوانت حامل ولك فتره كمان انا بس حابه اطمنك انه مو ضروري الخوف هذاامر طبيعي ويارب تحملي باقرب وقت والله يرزقك الذريه الصالحه الي تقر عينك وعين زوجك فيها وان شاالله 3سنين وتكونوا اربعه يارب |
اذهبي الي طبيب للاطمنان الا اكثر ولا اقل 8 شهور قليلة مو كثيرة لا تخافي ولا شيء بس تؤكلي علي ربك
والله يرزقك الخلف الصالح |
حبيبة قلبي اسأل الله لي ولكي الحمل عن قريب يارب بالنسبه للتحاليل اللي قلتها روحي للدكتوره ويكون مستشفى خاص عشان تظهر النتيجه بنفس اليوم وقولي لها انا متأخره بالحمل وابي اسوي فحوصات عشان اطمن ماعندي شي يعيق الحمل وهي راح تقولك سوي كذا وكذا بس اهم شي في التحاليل وتأكدي انها سوتها لكي هرمون الحليب والغده الدرقيه فحص البويضات وبالنسبه للدوالي بعد مايحلل زوجك وتطمنو خليه يروح للدكتور ويكشف عليه بأيده وهو راح يحس بالدوالي اذا كان عندة وانشاء الله انه سليم ولاتوجد واي استفسار مستعده وشكرا...
((ربي لاتذرني فردا وانت خير الوارثين)) |
عادي روحي مع الوالده مافيها شيء في اشياء مايعرفوها الاطباء اختي وزوجة خالي راحو لوحده حرمه وماشاءالله خبره حملو بعدها لكن وحده تعرفونها زين وانها صادقه مو اي وحده والدكتور خليها بعد سنه مثل ماقالولك البنات
الله يرزقك يارب ويرزق الجميع تحيتي |
| الساعة الآن 02:34 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©