|
اقتباس:
إن شاء الله بشوف دكتور ثاني بس كان ودي اعرف اي دكتور أفضل في جدة الله يحفظ لك ولدك ويحميه صداقة والله بنتعب كثير معاهم بس لما أشوف وجعه وتعبه اتألم على حاله والله اني حتى الأكل مالي نفس فيه إن شاء الله تجيه المناعة ويرتاح من هالألم الله يسمع منك مشكورة ياقمر وجزاك الله خير تحيـــــــــــــــــــــــاتي |
مرحبا اختي الله يشفي ولدك يارب
شدني موضوعك جدا ذكرتيني بولد اخوي قبل كم اسبوع وهو اضغر منه بكثير عمره 6 شهور قالوله جرثومه وداه ابوه في اكبر مستشفى بالشرقيه مستشفى سعد وقالوله تنويم ومغذي ومدري وشو المهم جدته ام امه مشاءالله عليها قالت له اتركك من المستشفيات وخرابيطها جيب الولد عندي والله مافي 3 ايام والى اختفت منه الاعراض هذة ورجع طبيعي انصدمنا بصراحه مشاءالله تعرفين وش السر جابت ورق التانبول الى يستخدمونه الهنود لوتعرفينه يستخدمونه مع اي حاجه ويحطونه في فمهم ويصير احمر هذا اختي علاج جابته وحطته عى ظهر وصدر الولد ودفته كويس بس الصراحه الوصفه تمام التمام ماعرف الى انها حطت ورق التابول الاخضر تحصلينه عند الهنود واذا انك قويه وبتتركين شغل المستشفيات من دماغك عطيني خبر وبجبلك الوصفه من زوجه اخوي حالا لانها نفس حاله ولدها تماما والحمدالله هذا ولدها مشاءالله عليه الله يخليه لها ويخليك ولدك وهذا ياجماعه يخليكم تتركون شغل المستشفيات من دماغكم ماغير يضعفون المناعه المهم اذا حابه ابشري بعزك |
اقتباس:
هلا فيك يادكتورتنا الغالية بالنسبة للمستشفى كتبوا لنا علة فيفادول وتحاميل موتيليوم حقت الإستفراغ ومضاد(klacid) وأنا اصلا اتخاصمت معاهم قبل ماأخرج وقلت أنا أول مرة أشوف مستشفى ومايعرفوا يستخدموا مضاد مع المغذي ....لكن الدكتور يقولي علاج ولدك يحتاج فقط لهذا ويأشر على المغذي رفع لي ضغطي والله.........ولا كأني بمستشفى خاص وهو عنده مراجعة يوم الإثنين إن شاء الله بس مترددة أروح لنفس الدكتور بالنسبة للتحاليل ماأعطوني اياها لكنها موجودة بالملف تبعه...بس قالوا ميكروب بالدم وأنا والله كل شوي براقب حرارته مرة أعطيه شراب ومرة تحاميل عشان تخف أما السوائل والعصيرات فأنا واياه في مضاربة طول اليوم لأنه رافض يشرب وصرت اصبها في فمه بالقوة لأنه مايبغاها نهائــيا لكن أنا استخدمت ادوية من عندي زيادة على اللي اعطوني هي المستشفى ومن أمس بدأت فيها مسوي نفسي دكتورة .....بس قلت لعلى وعسى بإذن الله بتفيده من البارح في الليل استخدمت معاه (أنازول) للمعدة وطبعا الشراب الخاص بالأطفال وكمان (prokinin) للغثيان والشعور بإمتلاء المعدة وهذا شفت بنت أختي استخدمته لما جاتها نزلة معوية وطبعا كابتين للإسهال أكرمك الله ماأدري عسى ما كثرت عليه يادكتورة....بس يمكن يرتاح شوي لأني اسمع صوت غريب في بطنه وباين انها مليانة غازات ......والله اني احزن عليه ألم المعده لا يطاق برد لك اليوم عن حالته وبحاول أجرب أعطيه أكل بس خايفة يرجعه كله ماأدري اش تنصحيني أعطيه.؟؟؟ جزاك الله خير ياقمر والله يحفظك من كل شر تحيــــــــــــــــــــــاتي |
اقتباس:
اللهم آميـــــــــــن الله يسعدك ياأم الأمورة ويحفظ لك اهلك من كل سوء جزاك الله خير وإن شاء الله بطمنكم تحيــــــــــــــــــــــاتي |
اختي الماسه الله يطمن قلبك على ابنك ومايشوف شر
والله ذكرتيني ببنتي لمى تعبت الشهر الي راح صابها استفراغ ومغص شديد وديتها كذا مستشفى وقالوااشتباه زائده ولازم تنويم ونومتها يومين والحمد لله مااستعجلواعليها وعملوالها العمليه خلوها تحت الملاحضه وعلى المغذيات والمضاد الحيوي والحمد لله شفاها الله اختي عندك في مستشفى سليمان فقيه استشاريين اطفال ممتازين ودي ابنك وان شاء الله تطمني عليه ولابأس طهور ان شاء الله |
اقتباس:
الحمد لله على سلامة ولد أخوكي يابنفسج ياليت تقولي الوصفة وبجربها بإذن الله........أنا جربت مثل ماقلت لك الليمون والكمون وكويته كمان في رجوله ....قلت يمكن برد لكن خليني أجربها هالوصفة وإن شاء الله تنفع الله يرضى عليكِ لا تتأخري علية أرجوكِ وماتقصري ياقمر.... جزاك الله ألف خير ومشكووووووووورة تحيــــــــــــــــــــــــاتي |
اقتباس:
اللهم آميـــــــــــــن الحمد لله على سلامة بنتك ياملك وماتشوف شر هذا باين منتشر عندنا في جدة كثير تصدقي أنا نومت ولدي بمستشفى فقيه .....واستغربت من طريقتهم في علاجه يعني انا أولادي كلهم بروح لنفس المستشفى بس استغربت هالمرة مهملين كذا اذا تنصحيني بدكتور معين أروح له ياليت ياملك الله يفرج لك همك يااااارب .....لأن عندي خطاب هو الوحيد اللي كان يتعالج أكثر شي في عرفان أخوانه لا بوديهم فقيه دايما وخاصة الكبير بس لأنه ولد في عرفان فكنت أروح على طول عليهم بس أحسهم ماديين لو أروح لشي بسيط يقولو تنويم لازم.......اش صار فيها المستشفيات ماأدري الله يسعدك ياملك وجزاك الله خير تحيــــــــــــــــــــــاتي |
اقتباس:
ماطلبتي شي اختي الله يشفي لك ولدك يارب الحين احاول اتصل بس ماترد نايمه الصبح بس ترد علي بكتبك الوصفه |
|
اقتباس:
هلا فيك ياأم جمانة الله يسلمك ويحفظك يارب ياقلبي والله صادقة نسيت الثوم لكن اليوم بسويه بإذن الواحد الأحد وأنا بعطيه السفن وهو أكثر شي يحبه وماشاء الله يشربه دايما إن شاء الله بسوي اللي قلتيه والله يسعدك حبيبتي مانستغني عنك والله الله يطمن قلبك ويحفظ لك أولادك ويبعد عنكم الشر تحيـــــــــــــــــــــــــاتي |
| الساعة الآن 04:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©