يا الله كانك تتكلمين عني انا لي اخت اقسم بالله انها نفس الحاله ويمكن ازيد شوي اجوكي يا اختي اذا شفتي موضوعك ردي على لاني انا نفسك بالضبط يهمني اعرف كيف اتصرفتي وشو التطورات

أختي أنصحك بأن ترفعي يديك الى الله في جوف اليل وأن تسأليه بأن يؤلف بين قلوبكم وأن يبعد مابينكم من بغضاءفإن ربنا كريم ومن سأله بقلب مخلص فإن الله سيعطيه سؤاله وعليك بلإستغفار فإن له فوائد عظيمه وإنتبهي ياأختي يمكن فيه ناس يوصلوا لهم كلام وهو كذب وهم زاد كرههم لك ومابيقولوا لك عنه فاأفضل شئ إنه تجمعيهم وتصاريحيهم بكل شئ وإسأليهم ليه أنتم
تعاملوني بتلك الطريقه هل ضايقتكم بشئ يوجد فيه شئ ماعجبكم هل فيه شئ أنا مقصره فيه معكم وحاولي إنك تبكين قدامهم وقولي لهم أنا أختكم ويش سويت علشان تسون في كذا وصدقيني إنهم رايح يحنون عليك وتتأثر نفسيتهم بطريقه هاذي إنت بس قولي
‏ إيش تبغوني أسوي علشان نرجع حق بعض وحاولي تظهرين محبتك لهم والمتزوجات منهم لوعندهم عيال حاولي تتقربين منهم بلهدايا والألعاب والحلويات
خليهم يتعلقوا فيك ويحبوك حينهالوشافوك تحبين عيالهم أكيد بيتغيرون وإنتي لاتنسينهم حاولي تكلمينهم وتهديهم هدايا ولاتنسين راسليهم بلجوال والله إن رسايل الجوال إنهاتقرب القلوب خصوصا لوكتبتيها بأحاسيسك ومحبه وصدق وإخلاص ويازينها لوأرفقتي معها بيتين شعرتعبرين فيهالهم عن محبتك لهم وفخرك وإعتزازك بهم وحاولي أي شئ يلبسوه إمدحي ذوقهم أوأي شئ يغيروه إثني عليهم وخذي شورهم في بعض الأشياء ولوغابواعنك إتصلي عليهم راسليهم قولي لهم إشتقت لكم والله تلقينهم يتغيرا ويصيروا يحبوك أهم شئ ماتحسيسهم إن أمك وأبوك يحبوك أكثر منهم وإنك إنتي أجمل منهم هاذاهوسبب الغيره إنهم يشوفوا إن أمك وأبوك مهتمين فيك حاولي تخلي هذا الإهتمام يخف وفهمي أمك إن ذولا خواتك ويجب عليها العدل بينكم وشوفي بقولك شئ لاتتركي لشيطان طريق يفرق بينك إنتي وخواتك ولاتسلمي نفسك لوساوس إبليس وتخلين له مجال يمزق أخوتكم فإنتبهي أخيتي فهو حريص جدا لتفرقه بين الإخوه حتالوغلطوا عليك إصبري وإحتسبي الأجر عند الواحد الأحد أطلت عليك ياأختي سامحيني أنت والقراء وأسأل الله رب العزة والجلال أن يحببكم
إلى بعض ويجمع بين قلوبكم في رضاه وطاعته اللهم آمين . ‏

بالعكس أمي عادلة بالتربية ..
وأمي واقفة معاي لأنها تدري عن أختي وتصرفاتها ودايما تذكرني بقصة يوسف عليه الصلاة والسلام..

أمي كل ما أشتكي لها ..أحس إنها ما تبي تتكلم عن أختي لأنها أختي ..
بس مرات لمن السالفة تكبر أحسها تخاف علي من أختي ..
وأمي ولا مرة وضحت لاختي بانها تعرف عن حقدها اتجاهي.. لأن اختي كبيرة وتخاف انها تتحسس وتستوي حساسية بينهم..

لا يروح تفكيرك بعيد انهم يغارو منك او يكرهوك او يحقدو عليك

هم يحبوك واكبر دليل

اختك ماحبت تضايقك وتقول لك انا مسويتها قبلك فقالت اجيها بطريقة ثانية اقول انها ماتناسبك

ثانيا المفروض ياعزيزتي ماتقلدي اختك لأنها عروس ولاتحطي دوبك بدوبهآ هي على وشك زواج

وامك تصرفها غريب بهالموقف يوم تروح تقولك اختك ماتبيك تسوي القصه علشان اختك هي مسويتها :(

بدل ماتقرب بينكم تباعد بينكم

اخواتك مستحيل يتصرفو هالتصرفات إلأ واكيد شافو او سمعو كلمه جارحه طلعت منك

او امك الله يهديها تفرق بينكم علشان كذا الفجوة هذي بينكم

شوفي انا وحده من خواتي اصغر مني بـ 9 سنين

تدخل النت وتدخل على المنتديات وتوزع رقم امي وارقامنا لشباب المنتديات وتكلمهم بالماسن
لدرجة انها وصلت تكلم واحد من جماعتنا
طبعا لما كشفتها نصحتها وسترت عليها وماخبرت امي ورجعت لعادتها قمت عاقبتها وحرمتها من النت
فصارت تقول لأمي ولأخواتي من وراي متي تتزوج ونفتك منها مرره حنا متضايقين منها وتحرمنا من النت
وتقول كمان انا اعرف انو هي تغار مني لأني انا بهالسن اجلس على النت وهي لما كانت بسني كانت محرومة من النت
لا والمصيبة تشوف نفسها مظلومة

وتشكي والكل متعاطف معاها ومايدرو بحقيقتها :(

فأنتي ياعزيزتي شوفي ايش مسويه لأخواتك علشان يتصرفو هالتصرفات لك

والله يا اختي مشاكلش مثل مشاكلي ويمكن اني اتعس منش
والتعامل معهم صعب خصوصا عندما تكونيين الأصغر فيهم فلا يمكن ان تتعاملي مع الأكبر سناا
ما في غير الجراح ولا تحسسيهم انك معصبه او غضبانه من تصرفاتهم حتى لو كانوا سيئين التعامل
تضاهري انك مأيدتهم في كل شي .
الله يكون بعونش