|
اقتباس:
شكرا لمشاركتك في الموضوع ولكن الا تعتقدين ان الايام تمر علينا كل يوم يشبه اللي قبله..واليوم القادم مثل السابق! يعني هل يكفي أن نملأها بالطبخ ؟والترتيب؟والتلفاز؟ لو كان لي امكانية العمل او الدراسه هنا..او امكانية دخول دورات لكنت سعيده وراضيه فانا هنا أبني واطور نفسي اما ان اضيع وقتي بامور البيت واعود الى بلدي بعد الاغتراب بدون انجاز فلن اسامح نفسي يمكن تكون شخصيتي مختلفه ولكني اعشق العمل والانجاز وارى بلدي فيها ما يرضي طموحي من انجاز فهناك استطيع ان ادرس واعمل وادخل دورات ..فانا املك سياره هناك ..تسهل علي الانتقال احب زوجي ولا اطيق بعده ولكن الغربه والملل يقتلاني حتى اننا من فترة نعيش في مشاكل فانا عندما يعود متعبا من عمله يريد ان يرفه عن نفسه بالتلفاز وانا اشتاق للحديث مع احد البارحه من قهري واني وصلة الى حدي لم احادثه وضعت له العشاء ودخلت الى غرفتي اقرأ وهو في الصاله يتابع التلفاز ونمت ودمعتي على خدي احبك يا زوجي..احبك..ولا اطيق فراقك ولكن تعبت نفسيا تعبت من التلفاز ومن القراءه ومن الطبخ والترتيب تعبت من مراعات جدولك المزحوم المشكله الان اني الموضوع بدأ يؤثر على حياتي الزوجية فقد بدأت المشاكل تدب فيها اه..يا رب .. اذا كانت العوده الى بلدي خير لي..فعجل رجوعي ... |
قطعت قلبي بكلامك و ما احد يلومك ..
لكن حبيبتي فكري فيه لو رجعتي و تركتيه في الغربة .. ما راح يكسر خاطرك .. اخاف تندمين على رجعتك .. ادعي و تلحي بالدعاء ان الله يهدي سرك و يريح بالك و تتأقلمين على هذا الوضع .. دعواتي لك بالتوفيق .. |
روحي لبلدكم وحققي طموحك
اتركي زوجك يشوف نصيبه في كثير من البنات يتمنون يكونون بمكانك |
اخ او اخت واو
هل بالكلمات التي كتبتها حل للمشكلة ان كنت تظن ان بكلماتك هذه ستصدمني او تجعلني اعيد التفكير فانت غلطان ليس بهذه الطريقه يكون الحوار انا لن ا>هب الا بعد ان يقتنع زوجي 100% وانا ارى ان عودتي فيها مصلحه للطرفين فهو كذلك صارحني بتعبه من احساسه بالذنب من تركي لوحدي ساعات طويله |
ياقلبي ياعذوب
وربي حاسة بكل كلمة قلتيها تبغي الصراحة رغم اني كنت مع اهل زوجي وزوجي كان يغيب من 8 الى 10 ورغم انه عندي بنوتة الله يحفظها لكني مليييييييت حسيت اني مالي فايدة في الحياة مافي عمل مافي انجاز نفس احساسك بالضبط انخنقت من الغربة والوحدة لمدة سنتين الى ان شاء الله وقررت اكمل دراستي عند اهلي تركت زوجي وأخدت بنتي وشوفيني الحمد لله مرتاحة ومبسوطة صح صعب ما انكر لكن احسن مليون مرة من حياتي زمان واللي ما اتخيل اني ارجع اعيشها ثاني اذا رجعت لازم يكون ليا هدف ، دراسة ، وظيفة ...الخ اما جلسة في البيت زي زمان لا والف لا مادري يمكن كثير ما يأيدوني في كلامي بس حسيت افكارنا ومشاعرنا وحدة فحبيت اقول لك على تجربتي يمكن تستفيدي منها والله ييسر لك كل خير يااااارب ولاتنسيني من دعائك وأي استفسار انا حاضرة قلبي معاكي |
اقتباس:
اهلا عبير بالضبط بالضبط انتي ذكرتي الوصف الصحيح حسيت اني مالي فايدة في الحياة مافي عمل مافي انجاز والله يا عبوره تعبت طيب كيف فاتحتي زوجج بالموضوع؟ وكيف نفسيتك وانتي بعيده عن زوجج؟ يمكن زوجج في نفس البلد بس انا زوجي في بلد غربه..تبعد عن بلدي قارتين ومحيط ههه وما بشوفه الا كل 6 اشهر واحتمال الوضع يطول لسنتين على الاقل! وبعدين هل تعتقدين انه الانجاب ممكن ياخذ من وقتي الكثير؟ او ممكن يعقد الموضوع اكثر؟ زوجي حاسس فيني..ويحاول مسكين ..والله يحاول يعوضني امس دخل علي الساعه 10 بليل وبايده علبة شوكولاه من اللي احبها.. ..كنوع من الترضية دمعت عيني واليوم كنت المح له باحتمال العوده اذا خلصت اجازتي الوظيفيه.. وحسيته ضاق اللي قررته حاليا امرين الاول..اني اقدم امتحان جديد للقبول ...لعل يقبلوني واشاور الوالد والوالده والله كريم دعواتكم |
حبيبتي حاسه فيك ولا بقولك لاترجعين لبلدك وخلي زوجك
لاني مجربه المعاناه للي انتي معانيتها مع اني عندي ولد وبنت والمفروض يملون حياتي بس لا صارت نفسيتي كل يوم اسوء من اللي قبل وعصبيتي تزيد وعيالي صغار ولا سلموا من ضربي لهم هاذي في بدايه سنه بس نزلت لاهلي قعدت عنندهم 4شهور تجددت النفسيه فيهم رجعت انسانه ثانيه زوجي لاحظ هالشيء خليت حياتي تنشغل في كثير من الاشيار احيانا ماالحق ما اخفي عليك اني في ايام تسيء نفسيتي بس الحمدلله انصحك حبيبتي تنزلين فتره 4 او3 شهور جددي نفسيتك وانتي بتلاحضين التغير نزلي جددي من نفسيتك ورجعي لزوجك والله يوفقكم ان شاء الله سؤال لك كم بقى من دراسه زوجك وبعد الاجابه على السؤال لي رجعه ماحد يحس باللي اني تمرين فيه ا اللي مجرب نصيحتي لك حبيبت انك تنزلين لاهلك4الى5شهور تجددين نفسيك وان شاء الله ترتاحين وترجعين لزوجك نفسيتك احسن من قبل حاسه بمعاناتك لاني مريت فيهاا ونزلت لاهلي 4شهور ورجعت انسانه ثاانيه والله يوفقك |
سلامتك من التعب حبيبتي
بصراحة نفسيتي بسبب بعد زوجي مش ولابد بس بصراحة برضه فيه حاجات كثيرة تهون علي وجودي بين أهلي دراستي وطموحي ناس أشوفها كل يوم رايحة جاية يعني كاني في فترة الملكة المشاعر تتجدد بس بيني وبينك احيان كثيرة اشتاق لبيتي .. مملكتي بس لما افتكر السلبيات اللي هناك .. اقول الحمد لله مافي أحد مرتاح .. لا هنا ولا هناك انا وزوجي بدولة وحدة بس هو ببلد وانا ببلد وما اشوفه الا بالاجازات لانه يداوم الين الخميس ومايقدر يجيني فاضطر انا اروح له ايام الاجازات اما الاطفال فبصراحة احس انهم يزيدوا الوضع ويأزموه لانك تحسي نفسك وحيدة والمسؤلية كلها فوق راسك ومافي أحد يساعدك عليهم التربية مو سهلة ، ومسؤلية مشتركة بين الوالدين ، مو الام لوحدها اصلا الطفل اذا كان وحيد مع امه في البيت يتعلق فيها ويرفض يروح لاي شخص ثاني حتى ابوه وهذا بحد ذاته يشكل عبء كبير عليها تتسنى موعد رجعة الاب بفارغ الصبر عشان ترتاح شوية وهو ياعيني يرجع تعبان وهلكان ومافيه حيل لشي صراحة الوضع مرة صعب وغير محتمل حاليا استنى بنتي كمان كم سنة وادخلها الروضة وقتها اكون خلصت دراستي يصير اقدر اتركها بالروضة واروح انا اشوف حياتي اما دراسة اما وظيفة ...الخ فكرة الاخت ري ري كمان مقبولة خاصة انه زوجك غير متقبل موضوع روحتك لاهلك وصدقيني اذا ماجات منه ماراح تقدري تروحي راح تحسي بالذنب باستمرار انك تركتيه وحيد فانزلي اجازة لاهلك غيري نفسيتك وارجعي له يكون باقي على بداية الكورس فترة بسيطة تهون وتعدي وبعدها تبدأي حياتك صح في الغربة اما انك تتركي زوجك وهو غير مؤيد للفكرة تماما صراحة .. كأخت في الله أبدااا ما انصحك مايندرى ايش تكون العواقب !! الله يوفقك وييسر لك كل خير |
اقتباس:
زوجي باقيله على الاقل سنتين وباذن الله بدرس موضوع النزله لفترة مؤقته |
اقتباس:
ريحتيني والله لانه الكل يقولي جيبيلك طفل وتسلي فيه وانا ما اشوف الاطفال تسليه اشوفهم مسؤوليه وانا فعلا راغبه انه يتربى ابني بين اهله وناسه ويتعود عليهم مو بالغربه حاليا رتبت وقتي علشان اقدم امتحان قبول قبل شهر 6 القادم واذا جبت المجموع المطلوب... راح اشوف الجامعه..ان صار قبول خير وبركه وان ما صار...بنزل فتره عند اهلي..وبتشاور مع زوجي عن الحلول المطروحه دعواتكم لي |
| الساعة الآن 03:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©