اختي انا اخذ عاملتي معانا كل اسبوع لان عندي ولد
عمره 3 سنوات علشان تخلي بالها منه بس
وقت الوجبه اسألها ايش تبغى و اجيب لها و تجلس معانا
على نفس الطاوله اهي بشر و متغربه علشان
لقمة العيش حرام نحسسها انها ما لها قيمه بسبب
شغلها

جناين ورد2008 .. وليش آخذ رايها في الأكل؟؟

بدون مبالغة آنه شغالتي تلبس احسن لبس وتاكل احسن اكل وآخذ لها اشياء شهرية غيرها خدم يتمونون .. مثلا ما يعجبها آخذ لها شامبو (هيربال اسنسز) تبي شامبو (برت) وما تبي كريم (نيفيا) تبي كريم (دوف او جرجنس) وتبي فير ان لوفلي على اعشاب ما تبي على فيتامينات .. اقسم بالله ان هذا اللي اعانية معاها .. بس آخذ لها اللي تبيه .. يمكن تقولون اني ادلعها بس انا اسكت لأني تعبت منها كل تبي كل تبي تعبت معاها ..

وهي كفاية عليها اني اوديها مجمع محترم وتاكل من مطعم محترم .. غيرها من شغالات عندنا ما يشوفون باب السكة .. يعني محبوسين .. وشغالتي يا طويلة العمر .. مو عاجبها الراتب مع اني متفقة مع المكتب وهي موقعة على عقد من كانت في ديرتها ان راتبها يكون 60 دينار يعني 600 درهم .. المهم، عشان رضى المدام (اقصد شغالتي) زيدتها من عندي 10 دينار يعني 100 ريال والمجموع 70 دينار وغير الدنانير اللي اقطعهم عليها من فترة لي فترة .. وغير بطاقات التلفون اللي تكون على حسابي .. يعني حسبي المصاريف .. يعني انا المفروض جايبة شغالة مو متبنية بنت ... وهي اكبر مني في السن .. وتعبت حتى قدرت اسيطر بشخصيتي على شخصيتها .. يعني (اجرح واداوي) اعطيها وفي نفس الوقت في اشياء افرضها عليها ..

ترى هذي شعره من بلاويها .. ما راح اطول عليكم بس عشان تعرفون ان وراء كل تصرف راح يكون قصة او قصص ..

والنهاية اننا محتاجين فلازم تنحمل ..


تحياتي ..

اقل شي نفسها ونفسيتها حرام عليهم كلها 22-33 الطلب بلاشي اي شي والله قمة الاستحقار
راي شخصي

[QUOTE=أم كريم;2124948]جناين ورد2008 .. وليش آخذ رايها في الأكل؟؟

اختي ام كريم عارفين ان شغالتك تتشرط وتبغي وتبغي

ولكن كملي جميلك معها
انا وحده اذا ذهبت الى المجمع اعطيها نقود وتشتري لها ما تشتهي بتسأليني ليش
اولا عشان انها انسانه ولها نفس مثلنا
ثانيا عندي اطفال واخاف انها تسوي شيء من المعامله القاسيه
ثالثا انا خاسره عليها 800 ريال في الشهر ما راح يضرني اني ادفع 25ريال زياده للوجبه او اكثر
واذا ما حبيت اخسر عليها المفروض من الاساس اطلعها مرات قليله على الاقل تغير جو عن شغل البيت
واعاملها بما يرضي الله حتى لو هي طبعها مو حلو وما تستاهل
دمتى عزيزتي

طيب يمكن الشغالة ماتحب اكل المطاعم جتني شغاله كذا واي طبخ فيه مرقة لحم او لحم ماتاكله
والموضوع مايستحق كل هذا التضخيم فنحن لانستطيع الحكم على الاخرين عن بعد
واطلاق اتهامات لانعلم مدى صحتها لمجرد رغبتنا بكتابة موضوع لشد الانتباه
واقول لاختي ام كريم انتي ماقصرتي وموب ملزومة تشتري لها كريمات وفيتامينات ومدري ايش
الجود من الموجود
واذا مو عاجبها تشتري من راتبها
عليك فقط اللبس والاكل اما الكماليات فترضى بالموجود
واذا راعية البيت موب موظفة كيف تقدر تجيب لها كريمات وشامبوات غاليه؟؟
خلونا نكون واقعيين ونفكر بالمنطق
ولانتكلم بمثالية زايدة ونحن بعيدين عن الواقع وعن مشاكل الخدم

اوكي ماقلنا اقسو عليهن احنا قلنا لاتحكمو على الناس عن بعد
كون الخادمة ماتعشت يمكن لها اسبابها وموب شرط يكونون الناس اللي مشغلينها قساة
نحنا نتكلم عن موضوع مطروح
اتمنى تكون الفكرة واضحة وكان بودي طرح موضوع للنقاش دون التطرق لحادثة معينة
ولكل موضوع عناصر تطرح ولنا الحرية في طرح الاراء
وانتي حكمتي علي اني مستهينه بالخادمة!!!!!!!!!
عجباً اليس هذا يدخل في سوء الظن؟؟؟؟
الى متى ونحن هكذا؟
نوزن الامور ونحكم على البشر من خلال الظن السئ؟
اتقي الله فيما تكبين عنه

اللي اشوفه انه ملا داعي تجيب الشغاله معها المطعم

الا اذا كانت المطاعم في السوق ممكن تحتاجها

الله المستعان