|
اما عن ظروف زواجنا هو اولا يعتبر من الاقارب وتقدم لطلبي من والدي ووالدي الله يعطيه العافيه سالني لو موافقة فقلت لا لاني ما اعرفه وبصراحة لاني كنت احب شاب كان معي في الجامعة بس بس لما رفضت زعل لوالد وهو صاحب مرض فقالي لو تبي تزعليني منك لاتتزوجيه وقبل ما اقولو اني احب شاب خر قالي لو عندك حد في بالك حجلسك في البيت وما عاد تروحي الجامعة وما حتتزوجي احد غير اللي انا اقول عليه... فما كان عندي سبيل لا الزواج ..
اما زوجي تقدملي لاني كنت اجمل بنت في العائلة ... يعني تقدملي عشن شكلي بس ولو كان في بنت احلى كان راح اتزوجها... يعني مافي حب |
انا اشكر لكم تفاعلكم معي ولانها اول مرة ابوح بمشاكلي لكن بصدق ارتحت جدا وارجو المزيد من المشورة جزاكم لله خيرا
وربنا يسعدكم ولا تشوفوا اللي انا شايفاه |
لو كانت الحياة من اجل كسب المال فلا اريد مالا عند اهلي ولحمدلله كنت عايشة في نعيم ومبسوطة انا اتزوجت عشان الحب الكل شغال وعندو دوام ولو قلتلك لو ني طلبت منو فلوس يتردد الف مرة ويستخسر فيني فلوسو حتى مرة في محل مجوهرات عجبني طقم كان ب5000 ريال في المحل قالي وبصوت مسمووع مجنون انا اشتريلك ب5000 مين انتي عشان اشتريلك بها المبلغ....
|
الله يعييييييييييييييييييينك شخصيته صععععععععععععععععععبه مررررره صعبه لاكن حاولي انك طول اليوم انك انتي اللي تتكلمي وتدخلي على مواقف طريفه في النت من خلال المنتديات يحكوها الاعضاء النسائيه طبعا عشان مايزعل 00بعضالرجال مايجي الا بها الاسلوب يمكن ينبسط ويجاوب لانه زوجي قريب منه طول اليوم اتكلم لاكن فيه تجاوب من هالطريقه ارسليله مسجات بالدوام مره نكته مره شوق وحب 00والله يساعدك
|
شكل زوجج وايد مشغول وشغله فوق راسه
الله يعينج ويعينه بس عندي اقتراح ليش ما تخليه ياخذ اجازة شهر واذا صعبة وايد اسبوع بالكثير واجلسي معاه وصارحيه لأنه في حالته هذي ومع دوامه هذا مستحيل راح يحس فيج مع كل التعب اللي يلاقيه في دوامه خليه ياخذ اجازة اسبوع واقعدوا مع بعض يمكن يحس ويبدا يغير في نفسه |
اقتباس:
لا تقارنيني زوجج الحالي بحبيبج القديم لأنه أكيد راح يجي ع بالج كل ما أساء لج زوجج أو طنش أنا ايام الجامعة لم تكن معي علاقة ولا شي ولكني كنت فتاة من النوع اللي عندها خطاطيب وااايد ورا بعض وخطبة فوق خطبة ... ولما تزوجت زوجي كانت تصدر منه أفعال ما أحبها ولحد الحين وأحسه مب من النوع اللي كنت أحلم به فقعدت أقارن مع الأشخاص اللي خطبوني وأتخيل حياتي معاهم هل بتكون أحسن ولا لأ !! بس تعبت لأني لازم أرضى بمصيري ونصيبي وصارت لنا مشاكل من أول ايامنا بس ع الخفيف ولحد الحين تصير بس أنا أقول كل شي يبيله صبر الحين علاقتنا أحسن ...وما فيه شي كامل الا وجهه سبحانه وكل انسان عزيزتي وله عيوبه حاولي ادورين ايجابيات زوجج وادخليله من ها الباب وحتى أنا عزيزتي كنت دلوعة في بيت أهلي وكل أهلي وعايلتنا الكبيرة تتمناني حق أحد من عيالها بس خلاص لازم نرضى بالواقع والواقع مو سيء ابدات لذيك الدرجة اذا اقنعنا أنفسنا وابتسمي :d |
اسمحيلي اختي اقسى عليك في كلامي .. بس لصالحك اختي .. هذا زوجك ,, ونصيبك ,, وام بنتك ,, حبيه ,, حبيه ,, حبيــــــــــــــــــــــــــه ,, عارفة المعنى صح ... كوني له زوجه ,, وصديقة ,, وعشيقة ,, وحبيبة ,, واخت ,, وام ,, زوجك يكرف في شغله عشان مين مو عشانك انتي ومستقبلكم انتي وعيالك .. احمدي ربك انه انسان مهتم فيكم ومو راعي خرابيط ... هذا جزاه بدال ماتكوني له السكن ومكان راحته وهدوئه تقلبي عليه حياته نكد ... تدري ليه لانك جالسة تفكيرك كله في الحبيب القديم ... وتقارني بينه وبين زوجك ... اولا هذا الشي حراااااااااااااااااااام ,, !! وثاني شي انتي تقولي ان زوجك تقدم لك بس عشان شكلك ,, اجل تبغيه يسوي معاك علاقة اول وبعدين يتقدم ؟؟!!! شي طبيعي اي رجال يكون ناوي يتزوج يخطب البنت اللي الكل يمدح فيها من ناحية الجمال والدين والتربية وغيرها... واكثرهم يركزوا عالجمال ,, ويمكن زوجك منهم عادي مو عيب ,, واذا زوجك تقدم لك عشان جمالك زي ماتقولي ,, اللي حبك ,, حبك ليييييييييييييييه؟؟؟ يا اختي تعوذي من ابليس واطردي الوساوس من راسك واهتمي في زوجك وسخري حياتك له ولبنتك ,, لاتخربي على نفسك ... لما يرجع من دوامه خليك الزوجة الوفية المطيعة هيئي له جو مريح وبارد ومكان نظيف وريحة حلوة من بخور وعطور وغيره ,, وجهزي اكله اللي يحبه ,, وانتي استقبليه عند الباب بشكل حلو ونظيف وريحة حلوة وابتسامة لطيفة ,, وسمعيه احلى كلام منك مثلا(هلا والله وغلا بحياتي _ كيفك حبيبي _ كيف يومك _ افتقدتك ..... ومن هالكلام ) وكوني له ام دلعيه وامسحي على شعره واربتي على كتوفه واحضنيه على صدرك ونيميه ... وكوني له اخت مازحيه والعبي معاه وتعاركي معاه بخفة وتدلعي عليه ... وكوني له عشيقة خليك مثيرة فاتنة مغرية تغزلي فيه امدحيه وامدحي شكله وجسمه وقوته .....) وكوني له الحبيبة ابحري في حبه امطريه بالكلام الحلو والصوت الناعم والرسايل الغرامية والاجواء الرومانسية ... center]وكوني له الصديقة يلجا لك وقت يحتاج صديق عندما يكون في ضيق ... وعيشي حياتك لايكون تفكيرك بس انا اسوي وهو لا فكري كيف تعطي وبس لاتفكري كيف تاخذي خليك معطاءة ... وتلقائيا راح تلقي منه ردات فعل تسعدك وتريحك ... اتمنى اني ماثقلت عليك ولا زعلك كلامي ... واهم من هذا كله اختي اكثري من الدعاء وخاصة في الصلاة واوقات الاجابة والاستغفار ورددي دائما (اللهم سخر لي زوجي واجعله سكنا لي وسخرني له واجعلني سكنا له واجعل بيننا مودة ورحمة ) |
اختي لم تجاوبيني هل عندك فكره عن بوصلة الشخصيه و ما هو نمط شخصية زوجك ؟؟؟؟ |
اقتباس:
تقول لو وحدة في العائلة أجمل منها كان تزوجها .. لا هذا مو شي طبيعي ابد .. بعد لو كان كريم معاها وبين لها الحب كان قلنا اوكي بس ليش هالجفاء الزايد .. وليش يقلل من شأنها لهدرجة أجل بالله عليكم شنو شعو أي وحدة لما تطلب من زوجها يشتري لها شي ويقول لها ( مجنون انا اشتريلك ب5000 مين انتي عشان اشتريلك بها المبلغ ) بالله عليكم هذا كلام .. اذا أنت متزوجها عشان جمالها قدر هالجمال على الأقل لكن سوء النفسية والكلام الي يسم ليش !! أنتوا تعاتبونها عشانكم بعيدين عن المشكلة وتشفونها صغيرة لأنكم مو عايشين مثلها صدق من قال ( الي ايده في النار مو مثل الي ايده في الماي ) كل وحدة تتخيل نفسها لمدة اسبوع زوجها مطنشها ياكل ويشرب وينام يعاملها كأنها جماد ومهما عملت له ومهما وفرت له هي جماد في نظرة ولا تستحق حتى كلمة يعطيك العافية .. تقولون حبيه عشقيه .. طيب هو مو معطيها فرصة .. وإذا قالت أحبك قابلها بوجه مثل الثلج واذا ابتسمت ما لاحظ .. تقول انها قصت شعرها قصير .. وشعرها الاساسي طويل ولا لاحظ إلا بعد فترة هذا دليل على شنو .. ؟!! دليل أن ما يرفع راسه في وجهها .. وين تحبه الحب يبيله وجه بشوش .. يبي له ناس عيونهم تتكلم قبل شفاهم مو ناس جامدين مثل الثلج وجافين كأنهم صحراء قاحلة واذا على الفلوس والشغل والكرف .. هي ماكانت جايعة والا عريانة في بيت اهلها عشان تقولون لها هالكلام .. والانسان اذا يتزوج بس عشان أكل وشرب وسكن .. يكون الزواج ماله أهمية الزواج سكن وراحة واستقرار .. الزواج هو الوسيلة الي نفرغ في مشاعرنا وناخذ حاجاتنا بالحلال .. الانسان مو بس مادة .. الانسان نفس وروح ومثل ما الانسان بحاجة أنه يشبع بطنه .. محتاج انه يملي قلبه |
اقتباس:
اختي باريسا قبل ما نحكم على الزوج لازم نعرف نمط شخصيته ... هل عندك فكره يا عزيزتي عن بوصلة الشخصيه ؟؟؟ فإذا عرفت صاحبة المشكله نمط شخصية زوجها راح ترتاااااح جدا و تعرف كيف تتعامل معه |
| الساعة الآن 11:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©