|
اقتباس:
أهلا باريسا... لا يا عزيزتي ما كان تمثيل... وطبعا هو ما اتوقفت اتصالاته ومسجاته واعتذاراته... خطيبي صار لا يحترمني...ووصلت المواصيل انه أغلق سماعة الهاتف بوجهي قبل أمس... ورسل مسج قاسي... واتوقعته راح يعتذر لكنه ما رسل ولا اتصل...وانا ارتفع ضغطي وكلمت والدي... وكان والدي ملاحظ كثرة بكائي وشرودي وصارت مشادة بينه وبين خطيبي ومنعه من زيارتي...بس أنا هديته وطلبت منه ما يستعجل وأبوي نفذ لي طلبي... كل هاي في غضون أسابيع!! خطيبي يتص الآن ويرسل بس ما أقدر أرد عليه...ولا راح أرد... وان شاء الله كل شي يخلص في الغد... تشكرين عزيزتي |
عدم الاحترام شي مو سهل ولا ينسكت عنه
بس يمكن أنتي عصبتي أو قلتي شي نرفزة ولا قدر يتحكم في أعصابة بس بعد المفروض يعتذر بعد ما رجع لوضعه الطبيعي طيب .. ليش ما قلتي أنه مسجاته الحين ومحاولاته للكلام معك هو نوع من الاعتذار كلميه شوفي شنو يقول ؟؟ صح أنتي مجروحه بس عطيه فرصة يدافع عن نفسه عشان ما تلومين نفسك بعدين وتقولين ياليت ويا ليت و تقتنعين تمام من قرارك و تكونين استنفذتي كافة المحاولات وبعد في شي ماهو حلو .. أنه صارت مشادة بينه وبين أبوكِ .. إذا رفع صوته في وجه أبوك وطول لسانك فهذا فعلاً ما يستحق اي محاوله وما منه فايدة بس إذا كلام أخذ وعطاء بس في نوع من التشنج .. ممكن تسمعينه ثانية |
اقتباس:
ما أقدر أكلمه..هاي مو هو خطيبي وحبيبي...هاي شخص آخر تماما... لا ولله الحمد ما رفع صوته على أبي أبدا...ولو عملها كنت تركته غير مأسوف عليه... أبوي اللي عصب عليه وهو رد عليه ب (إن شاء الله عمي اللي تبيه راح يصير)... كيف راح يكون موقفك لو شخص تحبيه أكثر من نفسك صار شخص لا تعرفينه... يعني مشاكل تمتد لأكثر من 8 ساعات يوميا...وبدون سبب واضح؟! تحياتي لكِ |
إذا مشاكل بدون سبب واضح .. شي يخوف ويثير تسأولات كثيرة
الي أولها كذا ينعاف تاليها .. أهم شي قناعتك .. وشاوري أهلك والي يقولون لك عليه مشيه بس أنا للحين مستغربة كيف ينقلب التافهم التام والمعرفة التامة إلى خلاف بهالسرعة عموماً .. الله يجيرك في مصيبتك ويخلف لك خير منها الله يعوضك بالي يستاهلك وتستاهلينه |
اقتباس:
هو ما يثير تساؤلات بقدر ما يرفع الضغط ويحرق الأعصاب...انا لمدة أسابيع لا أتوقف عن البكاء... وهو يقول أنت وأنت وأنت... وقلة الإحترام هاي خلتني أعيد التفكير والحمد لله أحس بأن قراري صائب وان كان متعب ومؤلم الى حد كبير... شكرا لردودك رزقك الله بالزوج الصالح... |
أختي طيب يمكن هو يبغى يثبت شخصيته القوية عليك !!
يمكن يسوي لك اختبار .. أنا انصحك ماتستعجلين أحس خلافاتكم بسيطة ومافيه أسباب قوية جداً تخليكم تنفصلون كذا !!! حاولي تنقطعين عنه فترة اسبوع عشان تهدأ الأمور .. ولا تكلمون بعض كثير عشان ماتكثر المشاكل .... حاولين ماتصيرين حساسة مره .. ترى الرجال تقل اطفال مع احترامي .. . . |
اختي الموضوع مو واضح
نخاف نشجك على الطلاق والموضوع له حلول اخرى يعني ا>ا كان الموضوع كلام وتسكير سماعه ما اتوقع يوصل للطلاق !!! اختي صار انه زوجها سكر على وجها السماعه بس عرفت تأدبه وما عادها بحياته |
اقتباس:
شكرا لمرورك عزيزتي...المشكلة أني لا أستطيع ذكر المواقف ولو ذكرتها لاتفقتم معي... الإنقطاع فكرة جيدة...خصوصا وأن اتصالاته لم تنقطع ووصل للبيت عندي في الساعة الثانية ليلا يبي يعتذر لي... بس هذه مجرد ردود فعل للصدمة...ولو قبلته وعدنا راح يرجع أسوأ من قبل... الله يكتب اللي فيه الخير... شكرا لمرورك.. |
اقتباس:
يا عزيزتي تعبت...بالهدوء اطلب منه ألا يقلل من احترامي يوعدني ويعيدها بعد كم ساعة...بالبكاء حاولت يوعدني ويعيدها... بالغضب..حاولت استنفدت كل وسائلي معه... يعني كان له 4 أيام مطنشني بدون أي سبب...سألته (حبيبي أنا زعلتك؟...بشو غلطت؟) يتحوقل ويتأفف ويقول اتركيني متضايق...لأربعة أيام أنا لا أعرف ما به! وتركته يرتاح..واجاني في اليوم الرابع يقول لي أنا قريب بيتك تحبي ناخذ لفة... أنا كنت متضايقة ورديت ب (لأ شكرا)... زعل ورجع طنشني... وقبل أمس يقول لي (انت السبب في ضيقي جيتك ورديتيني) طيب انت اللي كنت مطنشني وتتهرب مني...! وقفل السماعة بوجهي! ومثل هالمواقف لا تعد ولا تحصى أنا حبيت أبين لكم شوية من الوضع... شكرا لمرورك.. |
الله يفرج همك ان شاء الله
ويكتب لك اللي فيه الخير .. |
| الساعة الآن 01:55 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©