|
اقتباس:
أشكرك |
يا أخي ليش كل هاي العند والتحدي والمشاكل؟
اذا كان أخوها أو أبوها جافيين وغير ودودين كون أحسن منهم ولا تفكر بأن ردك لهم الصاع صاعين سيجعلهم يحترمونك...من أحب زوجته أحب أهلها... وبعدين الفتاة مالها ذنب...هي تسمع كلام والدها وربما أخطأت في ادخال أخيها في الموضوع بس بصراحة ما في أي داعي لكل هالعصبية وعدم احترام الغير... وبعدين هي لها الحق في اختيار حفل الزواج بمشاروتك طبعا...ما يصير ينفرض عليها الزواج فرض... هي عروس في النهاية... نصيحة لا تكن لينا فتعصر ولا يابس فتكسر ولا تسىء الظن بالناس... بالتوفيق.. |
اقتباس:
أشكر اهتمامك |
الله يحفظكم احبابي
الحمدالله زوجتي بكلمها وإن شاء الله نتفاهم انا واياها اشكركم من كل قلبي حسيت فعلا إني مقصر الله لا يحرمكم الاجر لأن البنت فعلا ما لها ذنب اتحمل اخوها على شأنها دعواتكم ياخوان |
الله يوفقك ويسر امرك ويهون عليكـــ |
اخي اسمحلي بس هي عروس ومن حقها تدلع وتغلى عليك
بس انت من الأول صارم معها عيل بعد الزواج والعيال شلون بتكون معاملتك لها ؟؟ والله انها كسرت خاطري ، تحسسها وكأنها عادي مو مهمه لك !! البنت ماتبي الا شوي عطف وحنان وتملكها ! لاتعاند وخذها على قد عقلها ولاتنسى ان ابليس يتمنى فراقكم فلاتطاوع الشيطان الله يسعدكم يارب |
اقتباس:
جزاك الله خير |
اقتباس:
امييييييييييين يارب العالمين الله يوفقك |
ياخي مدري ليه سبحان الله حسيت انك طيب وابن حلال .. يعلم الله هذا اللي حسيت فيه وانا اقرا كلامك ..
أول شي مسألة الطلاق حاول انها تكون آخر الحلول مو على طول الله يهديك .. ثاني شي البنت تبيك ولو ما تبيك كان نشبت لك عند النقل ووافقت انك تطلق .. ثالث شي انا عتبان عليك بخصوص الرسايل لانه يمكن جوالها ما شافته بعد ساعه او يمكن الرساله ما وصلت الا في الوقت اللي قالته .. حتى اخوها يمكن صدق ما شافها الا الاربعاء أو يمكن كان جواله مقفل في الدوره والرساله كانت في الانتظار لحد ما يفتح جواله يوم الاربعاء وانت وصلك انها وصلته حسب التقرير .. يعني الاحتمالات كثيره ولا تعتمد على التقارير في مسألة التصديق والتكذيب .. ونصيحه من أخ لأخوه انت مبين عليك حساس مره فلذلك ألغي تقارير الرسايل علشان ما تصيبك بالشك .. والله هذا أفضل لك .. رابع شي أخوها شكله ما بعد تزوج وجرب المرمطه اللي تجي فترة الملكه ويفكر ان الحق كله مع أخته .. فالمفروض أنه ما يصدقها أبد حتى لو ان معها الحق لان هذي امور عاديه ولا يكبر المسأله وبعدين الحرمه ما لها الا رجالها تروح وين ما راح .. يعني بالعقل لو كان ماخذ أختك .. هل من العقل والمنطق أنه بينقل لها الشرقيه علشان أهلها ويترك أهله والمكان اللي مستقر فيه .. أتوقع لو تقول له هالكلام بيقتنع الا اذا كان غبي << مع فائق احترامي ... وهو صدقني راح يجرب ويتمرمط وتقول ما قلته .. لكن انت اذا اخذتها عندك راح تقدر تحكمها وتفتك من تدخلات اخوها لانها والله العالم فيه احد يعطيها شورها وما عندها ثقه بنفسها وهذا شي طبيعي لان النساء ناقصات عقل ودين ومسكينات في نفس الوقت .. فأنا حاس انها اذا صارت معك بتنحل هالامور وانت مبين عليك قدها وقدود .. أخيراً إذا خالفتك في شي حاول تسحب عليها يوم او يومين وصدقني بيلين راسها واذا رجعت كلمتها بعد التطنيشه جيبها باسلوب حلو وانك تعزها وتقدرها لانها بتكون منتظره اتصالك وانك ما اخترت هالشي الا انك تشوفه الافضل لك ولها وحاول تجيب لها اسباب حلوه خلتك تسوي هالشي .. بالنسبه للزواج اقديت يومك استأجرت القاعه مع ان الاتفاق من اول كان غير كذا لكن عادي لو استأجرت ومو شرط يحضرون العائله كامله .. لكن اقل شي علشان تمشي اوضاعك وما تقلقك بعدين لان البنات عندهم الحفله والقاعه اهم شي ويحبون المظهريات .. فالله يعينك .. انا ادري انها مندبله كبدك لكن وش تسوي انا حالي نفس حالك بس احاول امشي لامور حدها تمشي وصدقني حنا اللي نبيه بيصير بس باسلوب والواحد ما ييأس ويختار آخر الحلول .. يعني الطلاق لا تعودها على هالشي والكلمه هذي لانه لازم يكون في شي اكبر من كذا علشان تعرف قيمة هالكلمه ... وانا والله اني اعاني مثلك وحتى النوم ما يجيني بس الشكوى لله ان شاء الله تتيسر امورنا ونرتاح .. وبعدين اشتر لها اشرطه وكتب وخلها تقرا علشان تفهمك صح .. وفقك الله أخوي |
يااخي
اذكر الله مسكينه زوجتك اخوها او اهلها يشحنونها وهي سمعا وطاعه وهي عنيده وانت طفشت من عنادهم عليك بمكالمة مصارحه معها والاتفاق مع والدها مو اخوها واسئلها انتي تعزيني تحبيني وهي بتقؤل اكيد احبك قؤل ليش تطنشيني وتعانديني دامك تعزيني اسئلك تطنشين ارسلك ماتردين واذا رديتي تردين خلني ارتاح اتمنئ منك تكونين متفاهمه معي مو متعاندين نرجع مثل اؤل رسايل اتصالات ممكن والافضل ان امور الزواج مع والدها لانه كلامه يمشي مو اخوها الي كل شؤي بكلمه واتفق انت وزوجتك فيما بعد علئ امور الاثاث وغيره وصدقني ان اخوها هو الي يعبي راسها اما عن الرساااايل في هاذي مااتفق معك فيها ابدا انا بلملكه كنت اعاني وهو ان زوجي بلملكه يرسل وما توصل بؤقتها وكنت ادق اذا قطع اتصاله ويقؤل انا استغربت ان جوال مقفل فعرفنا فيما بعد ان الابراج ضعيفه شؤي 00 فاانت لاتظلم زوجتك بها الامر00 وبعدين انت قؤل لها نبي انا وانتي تصير فترة ملكتنا افضل ملكه وانا وانتي نقرر ونختار ونتسؤنس وابيك الان تتفقين معي نفتح صفحه جديده وكلها شؤق وحب ابيك مثل اؤل يؤم تدقين وتسئلين عني واشتاق لصؤتكك ويعني من هالكلام الي يكسر قلبها واتفق معها ان محد يتدخل بينكم لااهله ولا اهلك وقؤل ابي انا وانتي عايشين بسعاده مو مشاكل0 لاتقؤل ماراح ينفع صدقني راح ينفع0 وبلتوفيق0 تحياتي |
| الساعة الآن 07:24 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©