أختى الحبيبة مشاعر
الأكياس اللى عندى عبارة عن رول زى رول القصدير بالضبط ولكنة كيس مش قصدير ومكتوب عليه إنه يصلح لدخول الفرن والميكروويف وبيكون سعره حوالى 15 ريال سعودى أو 23 جنيه مصرى تقريبا حسب المكان اللى بتشتريه منه وهأصور لك اللى عندى وأوريه لكى بس يارب الصورة تبان لأن كاميرتى بايظه شويه
أما عن طريقة اللف فهى سهله جدا ، انتى أصلا وانتى بتعجنى اللحليط كله هتلاقيه متماسك جدا ويعتبر ناشف مش لين قوى فممكن تقعدى تلفيه على طاوله عندك او على الرخامة فى الأول لحد ما يأخذ شكل اسطوانه وتتأكدى ان مافيش اى فراغات او هواء فى وسط العجينه علشان ما تطلعش من جوا مخرمة بعد ما تستوى وبعدين تجيبى الورق البلاستيك وتفرديه قدامك على الرخامة وتضعى به اسطوانة اللحم وتلفى الورق حولها باحكام وبعدين تمسكى الطرفين بتوع البلاستيك بايديكى الاثنين وتبرميهم كويس جدا لحد ما ياتصقوا تماما باللحم ويقفلوا عليها جدا وتحسى انهم ضغطوا اللحم جوا كويس وما عادش فيه اى فراغات فى اللحم ولا بين اللحم والبلاستيك وتحسيها بقت ناشفه وماسكه نفسها كويس (بتكون شبه السجق اللى هو النقانق يعنى بس على كبير) وبعدين لإما تربطى الطرف وتعقدية عقدة منه فيه يعنى تعقدى طرف الكيس أو انك تجيبى دوباره اى فتله عريضه مخصصه لربط اللحم وتربطى بها الطرفان باحكام وأنا عقدت الطرف على بعضه فى واحده وربطته بدوبارة فى التانيه اللى فى الصورة وبعد كده لفيته كمان بقصدير فوق الكيس لضمان عدم التسريب ولكن لم يكن بحاجه لربطة فى القصدير فالكيس حرارى وتحمل ولم ينفجر
أختى توته 2 تسلمى على المرور واتمنى اكون جاوبت بشكل واضح على التساؤلات واى سؤال انا فى الخدمة
أختى ماريا شكرا على مرورك وربنا يخلي لك الوالده أكيد عمايلها أحلى من عمايلى مليون مرة واتمنى تجربيها لأولادك

أختى العزيزة الصائمة لله مرورك أسعدنى ومشكوره على الاطراء والدعوات الحلوة ولكى بالمثل يارب
وأتمنى تجربيها هتعجبك جدا ان شاء الله

سلمت يداكِ عزيزتي

ما شاء الله تسلم الايادي


ايه الافكار الجميلة دي


ما شاء الله عليكي شاطرة

أخواتى الحبيبات
بنت مكة
أطياف
مستكة مستكة
مشتاقه
الف شكر لمروركم الكريم واطرائكم واتمنى تجربوها