|
مريض نفسي ويبغى زواج مسيار وجلوسه في المجلس مع اجهزته واذا اراد اكل وخلافه يطلع برا
ماادري الوضع غير طبيعي يجب عرضه على دكتور نفسي مضبوط مع الدعاء والالتجاء الى الله شفاه الله وجمع بينكما على خير |
والله انك اصيله ...
اذا هو وده بزواج مسيار .. يعني عنده قدره يتعايش مع الناس ... ليش ما يتعايش معاكم.. عجبي منه |
تكفون شوي شوي علي
ويه ويه صرت ضعيفة شخصية والله حطمتوني الكل يغلطني حتى صديقاتي بس ياناس انا اتعامل مع انسان مريض مو طبيعي يعني لو كان طبيعي كان صح اطنشه لما ارسل الرسالة لكن اصلا لو كان انسان تفكيره كان مازعل على ابوي بالبداية لو كان تفكيره صح ماقال احط عيالي بملجأ وراح يدور ملجأ وراح للملج جا وسالهم عن الوضع وهل ممكن يستقبلون عياله زوجي مريض نفسي واوشك على الضياع حتى العمل حولوه للتحقيق مازال هو ابو عيالي واعرف ان ماحد بيوقف معه غيري اخوانه مادروا عه كلن بحاله وخواته يتفرجون وكان فيهم خير كل شوي طلعوا علي كلام وراح تهاوش معهم يقول لهم انا مااسمح لاحد يتكلم فيها مهما كان وصارت مشاكل كثيرة بسبب خواته لانهم تكلموا فيني وراح تهاوش معهم ووصل للضرب زوجي ماحد يفهم له الا انا شفته خلاص خواته يلعبون به وهو يحس نفسه ضايع ماله احد خصوصا لمن رحت عنه وفقد عيالي خفت يطيح بمخدرات خفت اكون السبب في اللي يصير له علشان كذا رجعت وتحملت الاهانة قلت لازم اوقف معه ياما وقف معي ياما ساعدني انا عارفة انه داخل نفسة يتعذب وبعدي عنه راح يعذبه اكثر وراح يحس بالفراغ اللي ممكن يدفعه اكثر للضياع مازال هو ابو عيالي اللي اتمنى انهم يشفونه قدوة لهم ويشفون كحاله لما تزوجته الحين صح انه ياكل ويدخل الصومعه حقته بس احس نفسيته ازين من اول على الرغم من انه مازال مضطرب ولا عارف وش يبي لما اسأله سؤال مباشر اشتقت لي يقول لا مادريت عنك لما اساله تحبني يقول انا مااحب احد لكن لما يجي موقف يقول اشتقت لك اشتقت لطبخك انا احبك انا عارفة انه مضطرب الحين لكن اهم شي انه ابتعد عن اللي ممكن يضيعه لما يشوفني ويشوف عياله قدامه ماراح ان شاء الله يفكر انه يرجع للشرب وانا مع اتصال مع ابوي يعلمني كيف اتعامل معه يقول لي لاتحرصين انه يختلط باحد لانه ممكن ينجرف |
أختي الفاضله ثبات ***
الله يثبتك على الإيمان وقوي عزيمتك وينصرك على أعدائك *** ماشاء الله عليك أنتِ أنسانه قليل وجودك بهذا الزمن *** وإن شاء الله يعطيك الله على قد نيتك *** لأنك تقدمين تضحيات في زمن يندر وجود أمثالك *** أختي أنتِ أخترتي هذا الطريق لذا يجب عليك أن تستمري لأخراج زوجك من صومعته *** وتتحملي مصاعب المشاكل التي تواجهك *** طبعاً هذا اختيارك ولك الأجر إن شاء الله *** بعدين كلامه أنه بيتزوج زواج مسيار هذا كله خرابيط *** لأن زوجك لا يعي مايقول *** وأنا متأكد أن زوجك يحبك ولا يستطيع فراقك *** بيان من كلامك عنه *** يجب علاج زوجك بأي طريقة *** أبحثي عن شخص مقرب من زوجك يكون أنسان صالح ويحب الخير ويكون زوجك يرتاح له *** أكيد سوف تجدين أحد أصدقاء زوجك المخلصين الذي يثق به ويسمع منه *** علشان تنسقين مع أخيك يكلم صديق زوجك ليحضر لمقابلته *** أكيد إذا حضر شخص يرتاح له زوجك سوف يقابله ويجلس معه *** ويتم التنسيق مع هذا الصديق ويشرح له عن وضع زوجك *** وأنه يحتاج علاج *** ويحتاج في الوقت الحالي إلى اصدقاءه والجلوس معهم *** وكذالك الخروج معهم حتى يستطيعون تغيير نظرته للحياة *** مع أقناعه للذهاب لدكتور نفساني لعلاجه *** بالتوفيق إن شاء الله 0 |
اقتباس:
بالنسبة للاصدقاء فليس لديه اصدقاء ابدا صديقه انا كان يخرج لي مشاعره واحاسيه ومايضايقة لكن الان حتى انا اشعر انه يرفضني عنده قناعات اتمنى مساعدتي في تغيرها 1-الافضل للواحد انه يعيش لحاله (طبعا كان اذا حضر مناسبة يرحع اما يسولف ان فلان قال وقهرني او اني سكًت فلان ) 2-قناعة جديدة توها جاية مع الاحداث هذه وهي مايهمني احد بالدنيا مهما كان حتى عيالي ولا مبالاة فضيعة 3- قناعه جديدة بعد انا مااحب احد ولا اكره احد مع ان تصرفاته عكس كلامه ودي افهم ليه يقول كذا كيف اقنعه بطريقه غير مباشرة بأنه على خطا في قناعاته وفي طريقة حياته كيف اجعل له هدف يسعى له لاني اشوفه يعيش بلا هدف ولا قادر يحدد وش يبي واكبر دليل انه قبل اسبوعين من رجوعي له اتصل علي وقال تعالي ابيك ولما رحت قال انا ابي اودعك مع السلامة واعتبريني زي صديقك مهما صاربينا اذا احتجت لي اتصلي علي وحتى لو تزوجتي وصارت لك مشكلة بينك وبين زوجك دقي علي انا ماانسى العشرة ابدا بس مستحيل اعيش معك مااقدر ابدا انا افكر اما اعيش لحالي او اتزوج لكن انت مستحيل افكر بك او افكر ارجعك كذا بدون سبب لكن احس ان فيه حلقة مفقودة بيني وبينك ولا ادري وشو بالضبط ويامغير الاحوال بعد اسبوعين رجع يبيني ولما سألته اليوم وشي الحلقة المفقودة اللي تقول عنها قال مافيه حلقات لما قلت له انت تدري ان اللي سويته فيني مو سهل قال انت على بالك اني ماعندي احساس والله كل ليلة نام ودموعي على خدي لاني احس اني ظلمتك يرجال متقلب هو يتظاهر بالقوة لكن داخله مررريييييييييييييض الحمد الله الحين دوامه يروح عادي ويضحك ويسولف لكن مازال يعاني ومتقلب احيانا يقول لي ليه ماتفصلين لك عباية كتف لما نجي نروح منتزة لازم تلبسين بنطلون ويصير يبين من تحت العباية ولازم العباية تكون مفتوحه احيانا يطلع لي وهو حاط السماعات في اذنه يسمع اغاني اعرف والله اعرف انه مو عاجبه وانه داخل نفسه يحتقر تصرفاته بس انه بفعله هذا يشعر بالتمرد يشعر انه حر انا احس ان الموازين عنده مختله خصوصا لما اقوله مثلا خلاص ابلبس كا وابروح بكذا يقول استغفر الله طيب توك تقول ابغاك تلبسين وتلبسين انا عارف انه التعامل معه صعب جدا ولا يمكن الواحد يتوقع ردود فعله لكن لازم اوقف معه هذا قبل مايكون زوجي هو اخو في الدين والله اعلم لو اتركه وابتعد عنه وش بيصير له ابغاكم تطوني طرق وحلول ممكن تساعد في وضعه وبالنسبة للطبيب افكر اروح له واستشيره |
اسأل الله لك ياختي ان يشفي زوجك عليك بالدعاء وكثرت الاستغفار
وفيه شخص ممكن يساعد زوجك وهو الاخصائي يوسف الصالح لخصائي نفسي لعلاج الادمان والحلات بعد الادمان صدقيني خذي رقمه من السنترال حق مستشفى الالمل بالدمام جربي وماراح تخسرين واذا احتجتي اي مساعده انا حاضره جعله الله سببا في شفاء زوجك يارب |
أختي الفاضله ثبات ***
قد يكون زوجك مصاب بمرض انفصام الشخصية *** وقد يكون السبب الظروف الحياتية التي مر بها زوجك *** أو العامل الوراثي *** ومن أعراض هذا المرض :- - الانعزال . - الهياج . - التحدث بأفكار وأرآء غير مترابطة . - غير قادر على التواصل الاجتماعي . - سماع اصوات وهمية . - الإيمان بمعتقدات غير منطقية . - ردود فعل عاطفية . - فقدان الاتصال بالواقع . - القيام بتصرفات غريبة واضطراب عاطفي . - يعطي لبعض الاحداث أو الأوامر التافهة أهمية غير مبررة . - صعوبة في التميز بين الأمور الحقيقية والوهمية . - يعاني من مشكلات في التواصل مع الأخرين . - وله عدة شخصيات وليس لديه مشاعر عدوانية . - الاعتقاد بأن الأخرين يتحكمون في تصرفاته . - التحدث والكتابة بدون معنى . لذا انصحك بعرضه على طبيب نفسي ليحدد طبيعة مرضه ثم يتم علاجه بالعقاقير الطبية *** بالتوفيق إن شاء الله . |
الله يجعل زووجك سبب دخولك الجنه في اعلى مراتبها ..
.. احس الحب ( والتودد ) يساعد في مثل هذه الحالات .. .. خطر لي خاااطر .. اذا قال انا ماحب احد ==> قولي ولا انا ( طبعن قوليها بدلع وانوثه تجبره اذا ماقال ايوه انه يسكت ..... .. وربنا يحفظه ويبعده عن الحرام .. |
اختي ثبات .. كان الله في عونك .. شوفي يا اختي .. انسي انك تغيري من قناعات زوجك و او افكاره او اي شي في الوقت الحالي اهم شي انك تركزين انك تقنعي زوجك بالذهاب الي طبيب نفسي . ادخلي عليه من مدخل حبه لك .. قولي له اذا كنت تحبني زور طبيب نفسي .. وظلي حاولي فيه وان شاء الله يقتنع .. اذا كنت من سكان الرياض فيكي تزوري الطبيب طارق علي الحبيب او تقدري تتصلي عليه في برنامجه النفس والحياه على قناة الرساله يوم الاحد بالليل الساعه 10 ان شاء الله يقدر يفيدك .. او ادخلي على الموقع الخاص فيه على النت .. اكتبي على قوقل مركز مطمئنه و هو مركز خاص بالدكتور طارق الحبيب و تقدري تكتبي له رساله بحالة زوجك وان شاء يتجاوب معك الدكتور .. وربي يوفقك .. |
صرااااااااااااااااااحه بعدك الحب حراااااااام والتعليم فيك اثمر وماطلع خساره0000000000000الله يرد زوجك لك ردا جميلا00
|
| الساعة الآن 06:42 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©