|
اختي
تعرفي ايش يعني قرض يسدده على مدى 14 او 15 سنه ؟؟؟ يعني متلسف قريب ال400 الف ؟؟؟ واحتمال اكثر اول شي تتوقعي ان 400 الف مصروف زواج ؟؟ ثاني شي انتي مستوعبه ايش يعني 14 سنه ؟ يعني اذا جبتي بيبي ينتهى منه لمن يصير عمره 13 يعني لمن يكون في المتوسط ؟ فكرتي كم يبقى من الراتب لانه راح يبقى قليل ممكن تكتفي لو كان عنده دخل ثاني اما لو ما عنده الا الراتب فبصراحه الله يعينك مو سهله والله والسؤال اللي جا على بالي معقول احد يسحب مبلغ كبير زي هذا بس على مصاريف زواج ؟؟؟؟؟ |
المشكلة الآن وقعت يعني الرجل أخذ القرض
إذا كان تعرفين أنه ما صرفه كله إلى الآن ممكن تكلميه بتحديد في بعض المسائل الخاصة بحفل الزفاف أو السفر من النواحي المادي يعني بدل ما تسافرون خارج الممكلة تخلونها جوا المملكة وإنتي أدرى بأحوالك شكراً |
السلام عليكم ورحمه الله وبركاته
حياتي اني من راي هوني الموضوع ولاتعصبي وانتي مقبله على زواج خاصتا بعد طول انتظار ومادام هوة ماتكلم معاكي بالقرض ومافتح السيرة معاكي كيف راح تتكلمي معاه لانه راح يسالك وانا اعتقد انه مااخبرك حتى لاتنقهرين واني متاكده من انه اخذ القرض صدقيني من حبك الك مايحب يكون العرس امام الناس بسيط او ناقصه شي يحب يرفع راسك يعني هوة سوة هاذا على شانك لاتقهري خلي الموضوع هسه مو وكته ورتبو امور عرسكم وفكري دائما انه عمل هاذا العمل من اجلك انتي حتى لو انك مخبرته انك ماتريدين عرس فخم لكن اكيد هوة يحب يكون عرسه مميز واكيد هاذا كله من اجل اسعادك ترة القرض مو هين عليه مثل ماهوة مو هين عليكي اهم شي انك ماتجيبيله سيرة الى ان هوة يفتح معاكي الموضوع هذاك الوقت اتكلمي معاه وبلغيه انك خايفه عليه وماتريدين يزيد دينه واني متاكده انه راح يتكلم معاكي وراح يقل لكي نفس الكلام الي هسه اني دااكتبه وان شاء الله ياربي الحياة السعيده والهانئه وياربي يتمم فرحتكم على خير ويريح بالكم ويصافيكم دائما يااااااااااااارب ترة والله والله والله يحبك ولو مايحبك ماكان سوه هاذا الشي لاتخربي فرحتكم نصيحه مني |
سؤال ..
هو الحين خذا هذا المبلغ الباين عليه كبييييير جدا شو السبب ؟ كم كان مهرك ؟ انتي بغيتي العرس في صالة فخمة وكذا ؟ بغيتي شقة اثاثها فخم ؟ هو ما خذا القرض بدون سبب اكيد طالبه عليه شي وله مافي حد يحمل نفسه ديون بدون سبب بحثي شوفي انتي شو طالبه عليه .. واذا حصلتي هالشي تنازلي عنه عشان تتهيء لكم عيشة هنية وله ترى والله ان كل مايتذكر الدين بيكرهك .. وانتي مش ضامنه شراح يصير بعد 15 سنة الواحد مش قادر يعيش لو كانها بسبة " عرس " سوو حفلة ملكة كأ،ها عرس مصغر وفيها ترتيبات الكوشة وغيرها وخلاص والفلوس الباقية سافروا فيها اي مكان فلوسكم لكم مش حق الناس .. الناس بتنسى العروس والمعرس يتعبون ويشقون في العرس حق النــــــاس احط اكثر من 100 ألف درهم حق النــــاس لييييش ؟ للاســـف اغلـــب الشــباب يخســـــــر امـــوال طـــائلة في العـــرس وفي هاليوم لا المعرس بيرتاح ولا العروس حتى عشاء مايتعشون وفي النــهاية يـــوم يشـــوف المعرس انــه فــي ضـــائقة مــاليــة كبيـــرة يقـــول حـــق زوجـــته خــل نـــروح " العمـــــرة " ك شــهر عســـل عشـــان يكــون فاتـــحة خيـــر لكن والله لو عنده فلوس ومتمكن كـــان مــاحط العمرة من حســـاباته :( :( تحـــياتي |
أشكركم جميعا"
وأنا من يوم مللكة كنت النصح زوجي إنه يبتعد عن القروض.. لأني أعرف حياة الناس المقترضة وكيف صعبه حياتهم.. وكنت أبغى زواج بسيط ويكون عائلي.. وماثقلت عليه بشي.. والله يفرج همي وهم جميع المسلمين.. وتسلمون أخواني وأخواتي على مشاركتم.. |
آآآه بس آآآه خلاص وإيش ينفع الصوت بعد الفوت.. الرجال أخذ القرض وخلصنا.. 15 سنة من العمر يا ربااااااه.. أخوكم أخذ قرض علشان يتنيل قصدي يتزوج أو بالأحرى أخذت سيارة بالأقساط وبعتها كاش علشان أثث البيت ويوم الزواج وتكاليفة وإلا الآن 5 سنوات يا حظي ولسى ما خلصت وما أدري أحسها تزيد مو تنقص خخخ وكمان الواحد ما يفوق إلا بعد الدخلة :d لأنه يكون متلهف على العروس ومشغول في تأثيث البيت والزواج وكذا وفجأة بعد أو ترويشة يقول أنا هببت إيش يا ربي وتبدأ حياة النكد والضيقة ولأنه طبعاً الواحد ما يحب يحس بالضيق فيضطر يلجأ للفيزا ويا عيني على الفيزا ما فيه إلا سحب وهما ما شاء الله ما يقصروا كل 6 شهور يزيدوا الحد الإئتماني وبعد كذا شفنا الوضع ما يخارج وقلنا نجرب نشوف دخل ثاني خخخ وطبينا في الأسهم طبعاً منتفين من أساسه فما في حل غير قرض أو سيارة ثانية :d وعينك ما تشوف إلا النور والواحد ما يفوق إلا ساعة ما يشوف المؤشر بالأحمر :30: وأهو الحمد لله أدينا عايشين ومش عايشين الحمد لله على كل حال بس أبشركم باقي يمكن سنتين علشان أغلق كل الديون إن شاء الله وبعدها إن شاء الله كمان سنة علشان أرجع ذهب الحرمة وشوية من ذهب الوالدة :30: المهم يا أختي نصيحة من مطحون في الديون لا تورطوا نفسكم وكلمي زوجك عاااادي جداً إذا هو ما صارحك قولي له سمعت إنك أخذت قرض وكذا أسمع حبيبي أنا ما أبغى أتدخل في شؤونك وكذا لكن والله إنك تعز عليا شوف أنا مستعدة أتنازل عن أشياء كثير وما تهمني الفشخرة ولا البيت يكون جاهز من مجاميعة يعني نبدأ حياتنا من تحت لفوق مو العكس نبدأ من فوق ونطيح على رؤسنا وتنكسر رقابنا وإذا يقدر يتدارك الوضع خير وبركة ولا حل ثاني بما إنكم مطحونين مطحونين خلوها بفايدة يعني بفلوس القرض يا تأخذوا لكم بيها قطعة أرض أو شقة تمليك أو إن شاء الله لو حتى بيت شعبي أهم شئ الفلوس تكون في شئ محرز وممكن تفيدكم في المستقبل وممكن كمان تسددوا القرض من أرباحها.. وإذا زوجك ما إقتنع وهذا الغالب مالكم إلا تستعدوا من اللحين لتكسير الضلوع خخخخ وحتى لو قال لك الراتب يسمح يعني وما راح نتأثر قولي له قالوها قبلك الرجال وما زبطت معاهم لأنه المصاريف كل مالها تزيد والدنيا كل ما لها تولع وإذا فيه شئ زايد الأفضل يجمعه بدل ما يروح للراجحي ولا عبد اللطيف جميل :23: أسأل الله الكريم رب العرش العظيم أن يفرج همكم وينفس كربكم ويقضي دينكم ويتمم لكم الزواج بخير.. |
| الساعة الآن 02:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©