مشكلة والله

الله يجزاك خير حبيبتي

المتفائلة

هلا وغلا والله انا كل يوم ادخل الموقع لكن ماقدرت اكتب شي اخاف من المشاكل خصوصا بعد ماصارت لي مشكلة مع اهل زوجي بسبب موضوع كتبته بموقع اخر

بالنبسبة لزوجي راح للطبيب وكتب له علاج اسمه الدباكين بالاضافة الى سيروكسات

قال لي الطبيب بعد اسبوعين من تناوله العلاج راح يبدأ يرجع لطبيعته

الان بالضبط له اسبوعين وراجع الطببيب لكن ماادري وش قاله اللهم انه قال له استمر على العلاج وبعدين نشوف

ويقول انه تكلم معاه كثير لكن مدري وش قال

واذكر ان الدكتور قال لي قبل فترة
الاضطراب يولد افكار مضاربة وفعلا هذا اللي اشوفه
انا اكثر شي اكثر شي مضايقني اني مو قادره انسى موضوع الخيانة مو قادرة اقتنع انها نزوة وقد يكون بسبب الاضطراب

عجزت اقتنع عجزت مررة

افكر متى تعرف عليها ؟
وش فيها من الزود ؟
ليه خلته يناسني ؟
وش اللي جذبه لها؟
وشلون تركها الحين ؟
هل كرهها ام الى الان يحبها ؟
متى انخدعت بالضبط ؟
ليه يرفض اوجه لها الاتهام ؟ مع اني متأكده انه اكتشف انها لعابة ؟

هل كل اللي صار بسببها ؟
هل انا ظلمتها ؟
هل هو ماكان يحبني مع ان تصرفات كانت تدل على حبه لي؟

احس اني اعيش بغموض


كل هذه الاسئلة مالقيت لها جواب ومن يوم مااقوم وهي تدور في ذهني والين ماانام

وزيادة على كذا افكر شلون احببه بالمسجد وشلون اشغل وقته بالمفيد وشلون ارجعه زي ماكان وشلون اخليه يكره الاغاني

قلب القمر

رابع

مشكورين والله على الدعوات الله يجزاكم خير

طارق

ان شاء الله انا مستمره على الرقية لانها خير وبركة وشفاء من جميع الامراض باذن الله

دلوعه حسين

مدري وش اقولك

بس هو ماكان كذا علشان كذا اصبر واصبر واصبر لعل وعسى ربي يهديه ويرده اليه ردا جميلا

الله يعينك على زوجك ويارب يغير حياتكم للافضل


اما بالنسبة للخيانة


الخيانة شيء عظيييييييييييم وشيء لا يحتمل سواء من ذكر او انثى ..


مع ذلك فعندما تعلم الزوجة ان زوجها يخونها مع غيرها سواء في الهاتف او غيرها


تحط في بالها ان زوجها :

1- لا يحبها.

2- كل الكلام الجميل كان مجرد اكاذيب.

3- كل اللقائات والاهتمامات كانت مجرد مجاملات ليس إلا.

4- تشعر بعدم الثقة بالنفس

5-تفقد الثقة في زوجها.

6- تفكر وتفكر وتفكر بما كان يقول لها طوول هذه السنين وكيف باستطاعته الكذب طول هذه السنين.



اما بعض الرجال فعندما يخونون .. لا يفكرون في حجم الخيانة.. و ماهي عواقبها ويضع في باله انه يستطيع السيطرة


تجده يقول

" سوف اكلم هذه البنت دون ان تعلم زوجتي ثم اتركها بسلام


طبعا الحب الاول والاخير يكون لزوجتي فقط .. لكن هذه مجرد تسلية "


وبعد ان ستر الله عليه وتماديه في الخطأ تكتشف الزوجة امره


فى يبدأ بالبكاء ندما على ما فعله .. لن يصحى من غفلته حتى تكتشف زوجته امره.



لكن اقول لكم ايها الزوجات الفاضلات


عندما يخون الزوج لا يعني انه يكره الزوجة .. بل لها مكانه خاصة في قلبه.


عندما يخون الزوج لا يعني انه باع العشرة بينه وبين زوجته ..


عندما يخون الزوج لا يعني انه طول هذه الفترة كان يجامل زوجته ..


الزوجات تعرفن صدق ازواجهم اليهم مجرد النظر في اعينهم ..


ليس دائما خيانة الزوج تكمن في تقصير الزوجة في حقوقها


بعض الازواج مهما عملت لهم تظل " عيونهم زايغة " ..


ربي يهدي زوجك إلى الصراط المستقيم

اكثري الدعاء له بالهداية

اطلبي منه الذهاب الى العمره معا


اخبريه ان شهر شعبان شهر يغفر الله تعالى ذنوب لجميع المسلمين الا مشرك او مشاحن

اخبريه بإن هذا الشهر ترفع الاعمال الى الله

اجعليه يتصدق وانظري المفعول السحري للصدقات على حياتكم



تحياتي

الفهدي

صدقت والله كل اللي قلته افكر فيه

واللي زاد الامر ان زوجي فقط اعتذر وقال نزوة وراحت غير كذا ماقال وطلب مني اني انسى الموضوع

أميرات

هلا وغلا

عارفة والله يااختي بس شكلي انا جاني وسواس صرت اقول معقوله في مرض بخليه يخون يمكن كلكم تقولون كذا علشان تواسوني

مدري ليه كذا افكر

هو هالايام لاحظ اني متضايقة وسألني قلت مدري احس بضيقة بلا سبب قال عندك اكتئاب ووعدني بكرة يكلم الدكتور ويطلب منه يكتب لي علاج للاكتئاب

انا ماجرأت اقول له سبب ضيقتي ماودي اذكره بالموضوع لانه يتضايق مرررة

بارد جزاك الله خير على التذكير

اختي جواب تساؤلاتك كلها تدرين وشي













الشيطان


لأن الشيطان يزين للانسان سوء عمله

لأن الشيطان يجري من ابن آدم مجرى الدم



الله يحفظنا ويبعدنا وكل غالي عنه

ويريح بالك ويسعد قلبك دنيا وآخره ومن تحبين