|
اهااا
يعني راح يبقون طول عمرهم مع امهم لو ما تزوجت ما اتوقع خاصة إذا بين هالاطفال بنت .. الأب ضروري ياخذها عموماً خليها تفكر وتتخذ قرارها .. هذي حياتها الله يسهل لها أمرها إذا في خير لها ويبعده عنها إذا في شر لها |
أمممم طيب أنا عمري أقل من الـ 25 : ) بس عن نفسي عادي اقبل اذا كان ذو دين وخلق بالعكس عيال جهازين وش تبين أكثر ( وحدة تحب الأطفال : ) ) وحده من جماعتنا تزوجت وعمرها 23 من مطلق وعنده ولد وهي لسى بكر .. بس أتوقع لو العكس لو المرأة هي اللي عندها أطفال بتكون شوي فيه إشكال .. يعني الأم تحاتي أكثر من الأب ثم الرجلأكيد بيحط أولاده عنده بخلاف المرأة اللي لا حول لها ولا قوة وبالأخير النصيب والتوفيق كله من الله الله يوفقنا واياكم لكل خير |
اقتباس:
وشكرا على الرد |
اقتباس:
فعلا هذا ما اصبحت تفكر به .. لذا اصبحت مشوشه اكثر وقد طلبت منها أن تسأل عن اعمار الأطفال ولكنها رفضت وقالت تريد وقت اكثر للتفكير وسوف اطلعها على ردودكم في اقرب وقت لاعدمناك ياغاليه |
اقتباس:
لا أعلم هي صحيح انها تحب الأطفال ولكن ضعي في الحسبان كلام الأخت باريسا .. كلام منطقي جدا .. مهما كان ستظل زوجة اب والأطفال هم كبير حتى ولو كانو يعيشون مع والدتهم .. كان كلامي سابقا مثل كلامك ولكن بعد ذلك تغير .. والله يوفقنا واياكم للخير .. اشكر لك تواجد ايتها الغاليه |
اين الطرف الآخر لماذا لم يدلوا بما لديهم ..
يهمني رأيكم ايها المطلقون .. |
اقتباس:
بالنسبة لنظرتك لتحمل مسؤلية أولاده عن نفسي أنا تقدم لي رجل مطلق عنده ولد و بنت بس رفضت لأنهم مسؤلية فكيف أربي عيال غيري انا ماني متقبله الفكرة و لا عندي الخبرة أصلاً يعني برايي اللي بيتزوج زوجه ثانية و الأولاد عند أمهم و هو عادل بين الثنتين و معطيهم حقوقهم أتوقع يكون وضع الثانية بهالحالة أفضل و الله أعلم |
لو كانت البنت صغيرة ما يفضل إنها تقبل بمطلق عنده أبناء
وحتى لو كانت كبيرة شوي فالقبول بالأمر يبغاله تفكير يعني تحمل مسؤولية أطفال الغير صعبه وخصوصا أمهم موجودة يعني الوحدة بتحس في قرارة نفسها إنها مو المسؤولة عنهم وهذه الأشياء المفروض أمهم تسويها لهم يعني لو يتيم من الملجأ الوحدة بتحس بمسؤولية أكبر لأن مالهم أحد غير الله وبعدين هي اللي بتكون معاهم لو الأب خذهم يعني العبأ الأكبر عليها ... الأب ايش بيسوي ؟ بيروح الدوام ويرجع البيت يلاقي الغذاء جاهز يآكل ويحط راسه يعني نادرا ما بيكون أب يتابع دارستهم ويدرسهم ويأدبهم ويشوف سلوكهم وتصرفاتهم بتصير زوجة الأب هي المسؤولة أما لو صارت الحرمة هي اللي عندها أولاد المفروض يكون الوضع أسهل لأنها بتربيهم هي ... وزوجها الجديد حتى يقدر ما يشوفهم ولا يتدخل عادي محد بيقوله شيء لكن الواقع يعكس هذه المعادلات تتضطر هي تقابل أطفال مو عيالها وتعاملهم برفق ولين صحيح هم أطفال ومساكين ومالهم ذنب لكن الانسان له طاقات إذا الوحده مننا مرات ودها تخنق عيالها من الضغط ولا تصرفهم توديهم أي مكان عند أمها خواتها لأنها خلاص تكون مو قادرة تتحمل فكيف بأطفال مو أطفالها وهي ايش ما سوت مثل ما قالت الاخت باريسا تبقى زوجة أبوهم ولاهم ولا غيرهم بيتحمل تقسو حتى لو كان ضروري والأمر يتطلب الحزم أما لو أمهم وذبحتهم ضرب عادي تبقى أمهم العيال سواء بنات أو أولاد لو بيضمن إنه بيخلهم مع أمهم وهي مالها دخل فيهم ممكن توافق لكن إن كان بيآخذهم معاه فيكون القرار بيدها هل هي مستعدة تقبل هذا التحدي وتحتسب الأجر عند الله على كل اللي بيصير لها أم لا والله يكتب لها الخير |
اقتباس:
تقريبا نفس ماكان يدور بخلدي .. لاعدمناك يالغاليه |
اقتباس:
عزيزتي كلر .. قرأت كلامك اكثر من مره .. منطقي جدا وهي ليست كبيره مره 28 سنه واتوقع ستغير رأيها .. ولكن لا نعلم الغيب اشكر تواجد ياغاليه |
| الساعة الآن 08:41 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©