الناس مايعطون خير
 

ماعليش ياخوي تحمل اكيد راح تواجه مشاكل الواحد زوجه وحده ومايسلم من المشاكل فما بالك بثنتين حاول انك اتاقلم نفسك وبعدين لا تدقق علي كل صغيره وكبيره يعني حاول انك اطنش,, وبعدين شي طبيعي ان كل وحده بتاكل الجوء علي الثانيه,,,,, تدري عاد ماني شايف ان في زوجاتك مشكله المشكله يا خوي فيك انت اول شي اذكر الله وحاول تحصن نفسك وممكن يكون في احد فازلك يعني معطيك عين محترمه رح ارقي نفسك واستمر علي قراءة القران والصلاة في اوقاتها وكثر من الدعاء ,,, بس الاهم يا خوي لا تفكر في الطلاق نهائياُ فكر في الحلول وكيف تمسك العصاء من النص وحاول تجلس مع رجال معددين يعني عندهم اكثر من زوجه واستفد من تجاربهم . الله يهديك و يسر امرك ويحببك في زوجاتك ويحببهم فيك وفي بعض ويبعد عنكم الطلاق ويرزقكم الذريه الصالحه .

و اهلك و اخواتك وينهم عنك لمن سببولك المشاكل

لاتفكر ابد تطلقها المسكينه بس اعدل بينهم صدقني يمكن تضيع البنت ويضيع ولدك اللي فبطنها..

انت لازم تتحمل المسؤليه ونصيحه لاتاخذ بكلام الاهل والخوات انت من نفسك تعرف زوجتك

ولا تدع احد يؤثر فيك لان الناس صاروا مايحبوا الخير لبعض وصاروا يتقاتلون ع اتفه الاسباب

فلا تنصت الى احد اهم قناعتك... اتمنى لك الصبر عليهم وهذا نتيجه تسرعك ولازم تتحملها

الله يسعدك انت وزوجاتك ويحبب زوجاتك فبعض :)

اخي الفاضل ماقصر الجميع الله يجزيهم خير واعطوك الحل الصح

وانا تأكيداً لكلامهم أقول يااخي ولكن أتمنى أن لاتغضب من كلامي لأن قصدي الخير لك فقط مشكلتك أنك ضعيف الشخصية

أولاً : صارت مشاكل بين الحريم ورحت طلقت أم عيالك.........,هذا يدل على أن ماعندك رجاحة عقل وقوة شخصية

وإلا المفروض ماتدخل نفسك بين الحريم أبداااااااااااا وتحط لزوجتك وأخواتك حدود أنك مالك شغل فيهم ويحلوا أمورهم بنفسهم ولاتسمع لهم أبداااااااااااا

ثانياً : رجعت زوجتك الأولى بحمد الله والأن هي تزن عليك الله يهديها علشان تطلق الثانية وأنت متأثر بكلامها ونسيت كل شيء حلو مع زوجتك الثانية وهذا يدل أيضاص ويؤكد على ضعف شخصيتك أن كلمة توديك وكلمة تجيبك

لا ياأخوي الثانية مالها ذنب وانت بنفسك تقول فيها إيجابيات غير عن الأولى

وكمان أنت من دقيت بابهم وطلبتها فعيب عليك تردها وهي ماقصرت معاك



وزوجتك الأولى رضيت ترجع وهي عارفة إن عندك غيرها فغصب عنها ترضى وتوافق على الإستمرار وحرااااام عليها تطلب منك تطلق زوجتك


وخوفها وقول لها : أنتِ كذا ماتحبيني لأنك لو تحبيني ماترضي إني أغضب ربي وأدخل النار علشان خاطرك

فإذا تحبيني بصدق المفروض تعينيني على العدل والخوف من الله وتحبين لي الجنة





أما مسألة تغيرها عليك بعد الحمل فهذا ليس معناه أنها تمسكنت لحد ماتمكنت هذا يااخوي (وحام الحمل) ويختلف من حرمة للثانية يعني لاتقول ليش زوجتي الأولى ماصار لها كذا؟؟!!

لأن الحرمة الوحدة نفسها ممكن يختلف وحامها من حمل للثاني يعني الحمل الأول تكون عادية والحمل الثاني تتوحم وتكره زوجها او العكس

وكثييييييرا يتوحموا على أزواجهم ويصيروا عصبيات وعندها يكونوا بحاجة لحضن حنون من زوجها ووقوفه بجانبها علشان تتحسن نفسيتها ويولد الطفل بإذن الله بنفسية طيبة


أسمع كلامنا يااخي أنت عندك بنات وانتبهي تظلم بنت الناس وتدور عليها الغلط علشان تطلب الطلاق ترى ممكن ربي يأخذ بحقها ويبتليك في بناتك ويصير لهم مثل ماصار لها وعندها قلبك بينحرق مثل مابتحرق قلب زوجتك الثانية واهلها

اتقي الله اتقي الله اتقي الله

خليك قوي الشخصية حط حدود لكل زوجة بأنها ماتجيب سيرة الثانية أبدااااااا لابخير ولابشر

ولاتدخل أهلك ولاتسمع لأحد أبدااااااااااااااااااااااا ولو أحد كلمك في شيء لاتخليه يكمل كلامه وقول ماابغى أسمع شيء

ولو تسكن في سكن منفصل أفضل

وكن عاااااادل بينهم لاتسمح لوحدة تغلط على الثانية أو تتصل وانت عند الثانية إلا للضرورة القصوى ولا تتهااااااون أبدااااااااااااا وإذا اتصلت بدون سبب ازعل منها ووقفها عند حدها

وتقدر تحط لهم عقاب (لو وحدة منهم اتصلت بدون سبب في ليلة الثانية إنك بتعاقبها بأنك تجلس عندالثانية ليلة إضافية ) صدقني بكذا بيتأدبوا

ولما تكون عند وحدة منهم حط في بالك كأن هي زوجتك الوحيدة وماعندك غيرها واعطيها كل حبك وحنانك وإهتمامك
وإذا رحت للثانية نفس الشيء سوي معاها

وأخيرا أقول لك (الخيل بخيالها والمرأة برجالها)

وصدقني لما تكون حازم في وضع الحدود وماتسمح لأي منهن تجاوزها مهما كان بتعيش براحة وسعادة وكل وحدة تحرص على إرضاءك وبترتاح من الهم والغم

فكن رجل حكيم عاقل محب تعدل بين الإثنتين ليبارك الله لك في صحتك ومالك ودنياك وأخرتك

ولاتجيب أخبار الأولى للثانية لابخير ولابشر ولا تجيب أخبار الثانية للأولى

وكل ماتدخل عند وحدة إذا سألتك أي شيء عن الثانية قل لها بحب وغزل : ليش هو أنا متزوج غيرك؟؟ أنا ماعندي غيرك

بمعنى حسس كل وحدة أنها كل الحب علشان ترتاح نفسها وتهدأ وماتدور مشاكل وتسعى لإسعادك



واحذر الظلم ولاتدور سبب علشان تطلق الثانية اصبر عليها وانظر لها بنظرة الحب مثل الأولى

وإلا والله لو تدعي عليكِ دعوة يمكن ربي ينكد عيشتك مع زوجتك الأولى ويصيبك بالأمراض والفقر غير العذاب في الأخرة لأن دعوة المظلوم مابينها وبين الله حجاب




وأعيد واكرر لا تتهاون أبدااااااااااااااااااا.

اخوي فتى الديرة

اسمع وانا اخوك ... سويت في حياتك خربطة كبيرة ، تطلق هذي وتتزوج وترجع الأولى وتبي تطلق الثانية ياخوووي اركد.
الآن انت تعتبر معدد وواجب عليك العدل والحزم مع الزوجتين ، كل وحدة عطها حقوقها كاملة من المبيت والنفقة وخلافه

اخوي استشير رجل عاقل فزوجتك الاولى والثانية لا يوجد مبرر قوي لأجل تطلقهم حرااااام والله ما يصير يعني خاصة زوجتك الثانية وش ذنبها ما يكفي انها فشلت في الزواج الأول وتسبب لها انت الفشل في الزواج الثاني وما لها أي ذنب والله حراااام وبعدين هي كلها فترة بسيطه وتكون ام لأبنائك. وزوجتك الأولى ام بناتك يعني لو ايش ما كان بناتك يستحقون التضحية .

اخوي فتى الديرة اياك اياك والظلم ذولا الحريم مساكين انت الرجل العاقل اللي تقدر تضع حل بإذن الله لك مشاكلك

مالي كلام بعد هذا الاخوة والاخوات وفو وكفوا خليك عادل الله يهديك اتبع سنة الله ورسولة في التعدد وخاف ربنا الاولى زوجتك والثانية زوجتك وفهم الاثنين هذا الامر ولا تطلق حد فيهم وعش حياتك مع زوجاتك بعيدا عن المشاكل ضع نقط على الحروف اتبع نصائح الاعضاء وربنا معك ويففرج عنك ياااااااااارب

الأخوان والأخوات ما قصرو الصراحة

بس أحب أضيف شيء .. وهي أن شكلك للحين مو مستوعب أنك رجل متزوج ثنتين

والدليل أنك تبي تعيش مثل الي متزوج وحدة بس ..

وهذا دليل أن كل قراراتك سواء بالزواج أو الطلاق جاءت متسرعه ومن غير تفكير بالعواقب

الحين كل شي انتهى .. في تصرفات لما نعملها نقدر نتراجع عنها .. لكن في تصرفات ثانية

مستحيل التراجع ..

هذي الدنيا مستحيل تاخذ شي صافي مصفى .. يعني تتزوج ثنتين وتبي تعيش كنك متزوج وحدة

كل الي يصير معك طبيعي جداً .. غيرة النسوان .. الوضع المادي .. عصبيتك وصداعك ..وكل شي

كل شي له ثمن في هالدنيا ..

وأنت رجل لازم تتحمل عواقب قراراتك ..

ثنتينهم زوجاتك والمطلوب منك العدل بينهم ..والاحسان لهم

وما يحق للأولى تقول طلق الثانية وقلها هالكلمة في وجهها

هي لما رجعت لك كانت عارفه أنك تزوجت

أما باقي الاشياء طبيعيه من الغيرة و محاولات كل وحدة تاكل الجو على الثانية .. تأقلم مع الوضع

و تعلم تطنش بعض الاشياء .. مو كل شي بسيط تعمله كأنه قضية عالمية ..

ومثل ما قالت أم جمانة انتبه تجيب سيرة أو تمدح وحدة من زوجاتك عند الثانية

ولا تحسس وحدة أنك تحب الثانية أكثر أو ترتاح لها أكثر .. لأنك انت الخسران في النهاية

عيشتك بتصير كلها نكد ووجع راس

وضروري تحط أبناءك في الحسبة .. سواء من الاولى أو الثانية .. ولا في واحد احسن من الثاني

في النهاية أرجع وأقول .. ضروري تستوعب أنك متزوج ثنتين ..

يعني كل تفاصيل حياتك مختلفه تماماً عن الي متزوج وحدة

استمتع بإجابياتهم وتأقلم مع سلبياتهم