|
اختي noriin,
هو قد قالي بيرجعني بس بعد ثلاث سنين ثم قال بعد سنه ثم قال متى ماتوظفت لأنه هو يدرس وانا وش يصبرني كل هالسنين مافكر ببنته المشكله اني انا الوحيده اللي بالعذاب احسه هو مو مهتم مدري ليه يعذب نفسه ويعذبني قد قلت له انا مابغى الطلاق خلينا نرجع قالي تحسبي المسأله هينه لازم اخطبك من ابوك ولازم مهر وعرس ووو قلت له وين المشكله اخطبني ومهر دبر اي شي ومن قال لازم عرس احنا بيننا بنت مدري احسه هو متناقض |
اقتباس:
يبدو أن علاقتكما متذبذبة... وردك لم يفلح الا في زيادة حيرتي..نحن لا نستطيع الحكم على طليقكِ أو عليكِ ما دامت تفاصيل قصتكما سرا! قد تفيدني اجابتك على أسئلتي عزيزتي.. |
اقتباس:
حرااام يعني لاتتهاوني بالحراام <<<< اصبح رجل اجنبي ثاانيااا<<<كيف يووقت لرجعتك بالسنين ما تحسينهاااا غريبة ؟؟؟ ثالثااا <<<< انا مع امك قلبا وقاالبا لاتكلمية ولاترسلي ونزلتي نفسك بماا فية الكفااااية لو انة زوجك كاان قلت ماافية مشكلة لايوجد كررامة بين الزوجين لو انك في العدة برضوو مافية مشكلة لكن انتي مطلقة يعني كل خطوووة بحسااب انسية او تناااسية<<<<< ادري صعب ولكن هذاااا واقعك وعيشي حياااتك وادعي ربك واستخيرررري واذااا كان من نصيبك رااح يرجعللك ان شاء الله احناا في رمضاااان اشغلي نفسك بالي يفيدك لا تشغلي نفسك بطليقك وانتي بنفسك قولتي مو مهتم مااذا تنتظري اكثر من عدم الاهتمااااام ؟؟؟ الله يكتبللك الي فية الخيرر ياااااارب |
أخني ماعدت أنا أختي انفصلت عن زوجهاوهي تحبه وهو كذلك لكن بقدر أقل منها وطبعا هو في منطقه وهي في منطقه جلست سنه تقريبا ( لا ) كلام بالتليفون معه أو رسايل وكان وسيلة الاتصال بينهم أخوي عشان الاولاد اذا جاء ياخذهم وهذا الشيء على كلامه الي هبل فيه وصار يحاول يكلمها بارقام غير حتى حاول عن طريق جوال السواق يكلمها يبي يسمع صوتها واخبارها وحس خلاص انها استغنت عنه ويمكن خاف انها تتزوج الين حاول انه يرجعها ورجعت الحمدلله
أختي الرجال فعلا يحب الوحده الي تحط لنفسها قيمه ولا تبين انها بتموت دونه وان حياتها انتهت بعده حاولي انك خلاص تقطعين اي اتصال معه وعليك بالدعاء ثم الدعاء الله يجمع شملكم يارب في هذه الايام المباركه عاجلا غير آجلا |
ياعزيزتي لابد ان نعرف اسباب الطلاق حتى نستطيع ان بحكم الله يشرح صدرك وييسر امرك ويختارلك الطيب يارب
|
يا حبيبتي اللي باعك بيعه.. يعني سايبك اله فترة وبقولك برجعك بعد سنتين او 3 او حتى سنة يعني مش مهتم وما عنده خبر وبستناكي تشتغلي عشان تصرفي على البيت يعني لو عنده نية اعتقد كان الحال غير هيك وحتى ما وعدك بعد سنين او حتى اشهر انصحك تتركيه وربنا يعوضك اللي احسن منه وان كان لك نصيب ترجعيله بترجعيله معززة مكرمة بدون ما تذلي نفسك .. الله يرزقك اللي فيه الخير
|
اقتباس:
فعلا متناقض!!! طيب وش بعد ثلاث سنين بديت اشك فيه!! من جد كلامك انتو بينكم بنت:15: يعني مو ضروري عرس وووو والكلام اللي يقوله طليقك مو مستاااهل الموضوع اللي يسويه شيئين خطبه وشوية مهر وينتهي كل شي وبتروحين بيتك مدري ليه مكبر السالفه؟؟ للاسف يااختي انتي قلتي انه يحبك ومتأكده بس من كلامه لك واااضح العكس:( اللي يحب مايسوي كذااا طليقك مايحبك ومايبغى يظلمك بنفس الوقت اظن نظراااته لك نظرااات شفقه وحزن وتأنيب ضمير هذا اللي توقعته بس انه يحبك ماااظن لانه متردد مومستقر على شي على قولتك متناااااااااااااااقض:29::29: الله يهديه بلغيني بتطورات الله يصلحك |
أخواتي لاأستطيع ذكر جميع الأسباب
فالأهل يتصفحو الموقع ولا اريد أن يعرفني احد المهم من ضمن الأسباب انه ملتزم ومتشدد تقريبآ وفيه شك نوعآ ما رغم اني انسانه الحمدلله لاأزكي نفسي على الله لاغاني ولا مسلسلات ولا بناطيل ولا لبس فاضح ولا عباية كتف يعني نوعآ ما محافظه ومافي انسان كامل لكن هو يبغى مطووووعه احسه بيكرهني في نفسي وفي الدين حتى انه رمى يمين طلاق مع اني نصحته كثير مايرمي لأنه ممكن تدمر حياتنا لكن كثر الوسوسه اللي براسه باعتراف منه رماها واللي كبر المشكله اكثر انه يبغانا نطلع من الشقه ونسكن بملحق اهله وانا هالشي متعبني لأن الملحق ضيق وكتمه هذا غير انه ابوه هو اللي مسوي الملحق ومضبطه مو لنا لا لزوجته الجديدة الثانية ولما رفضت هي تسكنه طلقها ابوه وبدأ يحن علي زوجي بالسكن فيه وش ذنبي انا والشئ اللي جاب لي الهم أكثر انه قالي انه باع اثاثنا اثاث الشقه بعد ماأنا طلعت زعلانه هالشئ صدمني كثير وماقدرت استحمل كيف يسوي كذا وكيف وكيف بعد ماعرفو اهله اننا متهاوشين ناقشوه على حد كلامه وقالهم اشياء انصدمت منها اشياء ماهي فيني اني مااطبخ واني ارمي بنته عليه واني واني مدري ليه قال فيني كذا وين التزامه ودينه اذا انت ناوي تسرّح سرّح بإحسان ياما ايام سويت له مفاجاءت وحركات واشياء اسويه له عشان خاطره ومايزعل وبالنهايه كذا يجازيني مدري بس احسه مو هو ابو بنتي اللي اعرف هو يحبني اعرفه زين حتى اخته قالت لي كذا الشئ الثاني ياأختي نورين انه ماكان عنده وظيفه يدرس بالجامعه ويقول انه بيسكني بالملحق لأنه مايقدر عالأجار قلت له يتوظف بالعطل مو يقعد كذا لايستغل اوقاته ولا شئ انا مثل ماحملت وتعبت وجبت لك بنت انت بعد تحمل عشاننا انا وبنتك مدري ليه توه يجي الملحق يوم ابوه طلق زوجته هو مسكني بالشقه من اول ماتزوجنا يعني ماله حق يطلعني منها الآن رد على رسالتي البارح وقال الحب مايكفي لابد من التفاهم انتي شرق وانا غرب يعني باختصار انا مطوع وانتي لا واهتماماتي وتفكيري غير عنك وش هالكلام وش شايفني الصراحه انصدمت عمره ماكان الدين سبب للطلاق وانا الحمدلله وش يبيني اسوي اكثر من كذا والله كرهت نفسي الله يكون بعوني ويعوضني بخير |
امي تنصحني ومازالت اني اتركه واوكل امري لله
ولا ارسله شي ولا اقربه واعتبره خلاص ميت بس انا قلت لها لابد ارد عليه وبعدها خلاص ماعاد اقربه ابد |
نسيت اقولكم
مدة زواجنا سنتين وبيننا بنت راح طلقتين وباقي الأخيرة وهو قد قالي يخاف يرجعني وبعدها نتطلق واحرم عليه يعني هو خايف من الطلاق بعدين واحرم عليه وقال انه بيقعد هالفترة عشان كل واحد يركد ويعقل والله مدري عنه وهالحين رد علي بهالرد |
| الساعة الآن 06:36 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©