|
الصورة التي سترسخ في ذهن زوجك عنك , هي الصورة الأولى وخاصة في أي مشكلة بينكم , ولن تنفك بسهولة
وسيبني تعامله معك على أساسها .. فتعلمي كيف تحسنين الحديث والنصيحة مع زوجك اكثر من أبوبك لأنه جنتك ونارك .. ان كنت تعرفين ذلك .. |
جزاكم الله الف خير اسفه مارديت كنت مسافره.....وللحين مشكلتي قائمه لا اتصل ولا سال ولا حتى اهله ...وانا كمان طنشت .....اذا يبي يطلق ليش ماطلقني للحين ساكت على ايش؟؟؟؟؟
|
اختي الكريمة ليس نهاية كل مشكله زوجية خلاف وطلاق
الحياة الزوجية الناجحة مشوارها طويل واساسها الصبر والحكمة والمدارة ومواجهة اي مشكله بالحوار الهادئ وعدم نقل المشاكل خارج اسوار البيت واذا كان زوجك يرى محرمات لماذا لاتحاولين تغيره باسلوب دعوي هادئ مثلا حثه على صلاة التراويح وقراءة القرآن معا مع الداء والاستغفار ومحاولة استبدال القنوات المفتوحة بقنوات هادفة سوف تتعبين ولكن النتيجة مبهرة زوجك يحبك وهذا سوف يساعدك على تغير حياته للافضل الآن انتي في بيت اهلك اجلسي هاليومين راحة وتزودي بالاعمال الصالحة مع الدعاء والابتعاد عن المعاصي وبعد ذالك اذا لم يرد ارسلي له رسلة تسألينه عن صحته وتباركي له بالعشر مع رسالة حلوة دعوية ثم بعد يوم رسالة محبة حتى يكلمك اطلبي منه التفاهم معه لوحده وفي مكان خاص كالمطعم مثلا وابدئ الحديث معه بتودد وشوق وضعي النقاط على الحروف وانكم سوف تبدون الحياة معا بالتفاهم --الخ اختي لاترفعي صوتك على زوجك ابد نصيحة ذهبية ولا تخرجي مشاكلك الى احد اذا كانت في حدود التجي دوما الى الله سبحانه وابتعدي عن المعاصي وتقربي الى الطاعات يمكن اذا رأى زوجك حالتك تتغير حالته والله نمر بمواقف عصيبة في حياتنا ولا نخبر احد والحمدلله نطلع من ازمتنا بسلام بسبب الدعاء ومحاسبة النفس وفقك الله ياأخيتي ورد الله زوجك ردا سليما وهداه وسخركما لبعض |
الله يوفقكم ويكتبلم ابواب السعاده والرزق ....تعبنا من النقاش اي مشكله صغيره ولا كبيره نقاش يومين رضى وباقي الاسبوع نكد وزعل ....والله ماهي حياه
|
زوجك تركك في بيت اهلك و لم عنك
اما انا فزوجتي تركتني في بيتي و ذهبت لأهلها ولم تسأل عني نصيحة لوجه الله حاولي الاتصال به لان هذا الشي سيزيد من قدرك عنده و يقول ما نستني حاولي تراسلينه و تبينين انك هميمانه فيه و مو اي شي يغيركم و الله راح يتغير شي كثير انا الان لو جتني رساله من زوجتي و لو حتى كولمي كان طرت لها لكن متكبره على شريكها و ش الحل معها ادعي و استغفري ان الله يفرج همك وهمنا |
اسال الله العلي العظيم انه يفرج همي وهمك ويجعلنا من كل ضيق مخرج ويسخره لي ويسخرها لك.....نصيحتك عالعين والراس بس مااقدر اتصل ليش؟؟؟؟
حفاظا" على كرامتي وكرامة ابوي وبعدين لما جابنب ماقصر اتصل على وقالي انتي طلبتي اوديك لاهلك وانتي منت سعيده معاي قلتله لا انا احبك وسعيده معاك وماابي من الدنيا الا حظنك ....بختصار وش اتصل اقول وهو اللي جابني وتركني وراح |
وين الراي السديــــــــــــــد؟
محتاجتكم حيــــــل |
شوفي حنا يالرجال على بالنا ما همنا و حنا متقطعة قلوبنا لكن بشرط يكون اللي قدامي زوجة مقدرة
نصيحتي اتصلي به مدامك تقدرين و قولي يا خي ما قدرت اعيش و انت بعيد عني و على سالفة كرامه لا يهمك زوجك هو جنتك ونارك صدقيني ابوك كرامته في السماء ابوك كرامته لما يسألونه الناس عنك و يقول لا ابشركم معها بنية و لا ولد ابوك كرامته لما يشوفك في بيت رجلك مو لما يشوفك راجعة له اختي انا على اللي سوته زوجتي فيني لكن مستعد اروح و اهين نفسي من اجلها لأن اللي راح اسوية دين راح يرجع لي صدقيني انا مشكلتي مو مع زوجتي مع ابوها ترى ما ذبحنا الا الكرامه في هالأيام يا اختي نحن قوم اعزنا الله بالاسلام يعني حنا فوق فوق فوق بس اقولك اذا في حياتك راح تناظرين ابوك و ش يبي و ش ما يبي مصيبه ليه ؟ لأن الزوج مهمل في هذه الحالة اختي و الله ان الزوج هو جنتك و نارك حاولي بأسرع و قت كلمية مدامه يحبك و تحبينه يا اختي الناس يشيلون هم الحب و يقولون عساه يجي و عسى الله يوفق وانتم ترزقون الحب و تتعالون على بعض نصيحة طلعي ابوك برا السالفة خليه يحس انك مره عن حق و حقيق خليه يحس انه جاب رجال ما جاب بنت بأفعالك مع زوجك و صدقيني محد راح ينفعك الا زوجك يعني ابوك راح يخليك عقب عمر طويل ان شاء الله و الله يعطيه طولت العمر ، و انت وش راح تسوين في هالحالة مالك الا زوجك هو اللي راح ينفعك ياختي اقرب شي للواحد و شو ؟ اكيد ملابسه و الله عزوجل و ش يقول هن لباس لكم و انتم لباس لهن و ان شاء الله يرزقكم الله ولد يكون لكم ذخر و يبرك ان شاء الله إذا صرتي في حاجته و حاولي قدر المستطاع ان تجعلي حياتك الزوجية كشعره إذ شد هو ارخي والعكس عشان تمشي الأمور على ما يرام و لكي لا تجعجع الرحى بلا طحين |
محتاجتكم حيــــــل
|
فارس الهم الله يفرج همك وترجع لك زوجتك عاجلا غير اجلا يارب العالمين
الاخت بصنع انا حظي...الاخ فارس نصحج وكفى ووفى... نفذي اللي قاله حرفيا..ولاتقولين كرامة هو لما رجعج لبيت اهلج يبيج تفهمين ان اللي سويتيه غير مقبوووول..!! وعلشان ترجعين لابد من الاعتذار له ...لو بمسج صغيرووون الله يوفقج ويغير حالكم الى احسن حاااال |
| الساعة الآن 08:51 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©