|
الله يعافيك ... سويت كبسة .. يمممممممممممممي فظيعة :)
شوفي ماعندي علم بمدارس لندن لاني عايشة بعيد على بعد 3 ساعات منكم اصلا لكن دورت بالنت ولاقيت صفحة فيها اسماا كل المدارس الاسلامية .. ولانه ممنوع وضع الروابط الخارجية .. بعطي الرابط لاختي سلو قلبي و ياريت ياختي سلو قلبي توصليه لنورين رجاءا بالنسبة لمدرسة الصادق للبنين .. دورت على اراء الابا في النت و لاقيت راي لام اطفالها الثلاثة بهذه المدرسة تقول المدرسة جيدة .. بعض المدرسين كويسيين و البعض الاخر مش كويسين بس يدخلوا يعطوا اسئلة و هم يقعدوا يصححوا ورق .. زي ماكنا ندرس :) المهم تقول المدرسة معتدلة في مناهجها الدينية و تبتعد عن التطرف و التشدد و اغلبية المدرسين من الملسمين اللي ولدوا في بريطانيا ... ارا ثانية كثيييرة تمدح في المدرسة .. برجع اكمل بعد شوية ... >>> الرد بالتقسيط :) |
ييييييييييييييييييييوه نورا
الحقيني برابط استنى لييين سلو قلبي تجيب سلو قلبي جالسه تعيد وانا بكرا بروح المدرسه!!! بس يانورا سلو قلبي تقول ان صعبه دخولها هالمدرسه وانا كمان سمعت كذا ايش اسوي؟؟ نفسي ولدي يدخلها والله منى عيني يدخلها اعطيني الرابط ياام يوسف وكملي:) |
ضحكتيني يا نورين ابنك بعده صغير ومن الان شاغل تفكيرك ... بالنسبة للمدرسة
والله انا حاولت سجل اولادي فيها من زمان وللاسف لم اوفق ... في البداية سوف يعطونك فورم حتى تمليه والاسئلة دينية بحتة يعني مثلا لازم يعرفوا كل شي عنكم من ناحية الدين وتوجهاتكم الدينية وبعدين بتعطيهم الفورم وبتنتظري لحتى يردو لك الجواب وغالبا الجواب بيكون على ((waiting list)) وربما يحالفك الحظ ويقبلون ابنك ...على كل حال روحي وجربي وعلى فكرة بدهم رسالة من امام جامع يعرفكم حتى يتاكدوا بان العائلة مصلين ويحافظون على الصلاة ... هذا ما اعرفه يا نورين بالنسبة لي اولادي كلهم بالمدارس الانكليزية واخذهم يوم السبت لكي يتعلموا اللغة العربية والقران الكريم |
أختي سلو قلبي:)
شكرا حبيبتي هو ابني فارس لوحدو عشان كذا احبو كثير:) المهم::: يعني لو ارسلو لي ويتنك ايش يعني؟ مقبول ولا مرفوض ابغى كلام دوغري ياايوه يا لا والله متوتره ادعولي يابنااات (سلو قلبي نورا االغربه مره) ربي يوفقني بكرا واسجله نذر علي قبل مااروح استغفر 500مره واذا قبلوه الف مره يارب بس:) تعرفي ليش ياسلو شااغل بالي لاني سمعت مايقبلو الأطفااال اللي اعمارهم تتعدى 3 سنوات يبغوون من بدري يعني وهو رضيع :)تحطيه بالويتنك ولدي الحين متأخر مدري يقبلوه ولا لا!!!(يارب يقبلوه) عشان كذا اساارع بتسجيل:) شكلي بحط طفلي الجاي من يوم يولد:)(بعدي مش حااامل بس اذا جاه بعد 3سنين:) برد عليكم بكره بقولكم ايش يصير معي دعواتكم اللهم لاسهل لا ماجعلته سهل وانت تجعل حزن اذا شئت سهلا حسبي الله لا اله الا هو وعليك توكلت وهو رب العرش العظيم |
حبيبتي يانورين الله يوفقك وييسرلك ... قصدي على قائمة الانتظار يعني لم يرفضوه وفي نفس الوقت لم يقبلوه احيانا مثل هذا
الجواب يفهم منه الرفض ... لانه ممكن الانتظار يطول ... واذا تم الرد سوف يرسلون لك رسالة يذكرون فيه ان هناك مكان شاغر ... واظن سوف يتم تحديد موعد لمقابلتكم مع حبيب قلبي فارس ومن ثم يتم اتخاذ قرار الموافقة او عدم الموافقه على قبوله .... هذا مااعرفه ولا اعلم ان كان هناك تغيير عما كان في السابق وان شاءالله يتم قبوله وتبشرينا هنا حتى نبارك لك ... |
والله اني حزينه:(
|
رحت المدرسه اليوم وطلعت مدرسة صااادف اهليه وماهي مدرسة يوسف اسلام
سألت عن مدرسة صااادق قالو ان العربي يعني نص ساعه باليوم ومش قد كذا قلت كم الرسوم قالو 3000 بوند قلت طيب وين مدرسة يوسف اسلام قال قدااامنا طبعا نزلت ورحت حسبي الله عليهم من ناااس اول مايشوفو شخص يقولو غير متاااح حتى مااافي وجه بشوش ولا اي شي غير متاح غير متاااح قهرتني ماتعرف عربي جلست اكلمها واقولها انت خير وش فيك منتي عاارفه ايش ابغى على طووول كذا غير متاح غير متاااح تأدبي وقابليني كويس استحت وقال طيب وش تبين؟ قلت ابي اسجل قال كم عمره قلت عمره سنتين ونص وابي اسجله بدري عشان لاتقعدو تتفلسفو قالت لالالالالالا بعده صغير المهم كلامها الانجليزي غير مفهوم ولا العربي كله مكسر قلت ممكن اكلم غيرك ليه حاطينها مدري جااابولي الشيخ نفسه مب يوسف اسلام لا واحد ثاااني اسمه الشيخ أحمد:) قابلته وكلمته وقلت الا ابغاه ياخذ هالمدرسه قاللي لسع الفووم ماجى حق ولدك يعني حق عمره بسنه الجااايه يجي وقالي كل سنه يتغير شي وجلس يتفلسف المهم بالعربي مانقبل حزنت وقلت والله ماااسيبهم في حالهم واخذت الرقم وبرجع بعد شهر مالي صلاح:( |
ابغى مدااارس اهليه بشرط تكون فيها التعليم العربي والقران
كيف ادور؟؟؟؟ ساعدوني والمشكله ان فارس بس يتكلم انجليزي مايعرف عربي وادري ان انا السببب بس شسوي؟؟؟:( حزينه جدا والله |
نورين الله يعينك ياقمر ..
سامحيني والله ماعند اي علم بالمدارس في لندن لاني زي ما قلت لك اعيش بعيييييييييييد في شفيلد اذا سمعتي عنها ... جطيت رابط صفحة المدارس في موضوع خاص تحت اسم الاخت سلو قلبي و ان شاء الله يوصل لك ... اعذريني حبيبتي .. الله يحفظ لك فارس ياارب .. بس ابدأي من الان علميه العربي وحدة وحدة لازم يبتدأ من البيت .. لانه المدرسة لحاله مش كفاية .. حطي له قانون من اليوم ممنوع الكلام الانجليزي بالبيت و اذا طلب منك شي بالانجليزي لا ترددي عليه الا لما يقوله بالعربي .. و افتحي له قنوات الاطفال العربية كثير .. كثير اطفال اعرفهم يروحو مدارس عربية بس في البيت يتكلمو انجليزي فا ما ما استفادو كثير من المدرسة ... اهم شي البيت .. الله يعينك على تربيتهم يااارب وييعينا كمان |
كما ذكرت لك يانورين الموضوع ليس بهذه السهولة على كل حال اذا كنتِ لا ترغبين
باالانتظار الى السنة القادمة سجليه في اكاديمية الملك فهد السعودية في اكتون افضل حل اصدقائي مسجلين اولادهم فيها وماشاء الله الاولاد ممتازين بالانكليزي والعربي لكن مشكلتها بعيدة عن منطقتكم ... بعدين انا مستغربة كيف بيحكي انكليزي وبعده لم يذهب الى اي مدرسة !!! ياريت تكتبي رسالة باسمي في قسم مراسلة الادارة |
| الساعة الآن 06:23 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©