منتدى عالم الأسرة والمجتمع - اريد حل .. تمللت .. !

اقتباس:

المشاركة الأصلية كتبت بواسطة باريسا (المشاركة 2253726)

أعتذر أخوي فارس قطر اذا أحرجتك من قبل

بس تأكد انه من غير قصد

لكن انا استغربت شلون مو عارفين تسولفون وتوقعت انكم صغار

وفعلاً انتوا صغار ... ماشاء الله أهلكم شلون مزوجينكم

عموماً انتوا في مرحلة المراهقة وغالباً في هذي المرحلة خبراتكم في الحياة تنحصر في المدرسة

وشنو كلتوا وين رحتوا .. شنو سويتوا

و البنات في هالمرحلة يستحون بالإضافة إذا طلعت خطيبتك من النوع الكتوم

الي ما تعرف تسولف .. بس تعرف تجاوب على الاسئلة بكلمة او كلمتين

مع أن البنات مع بعضهم سوالفهم ما تخلص .. اتذكر لما كنت في الثانوية يوووه تونا راجعين من المدرسة نكلم بعض

وبعد ما نخلص مذاكرة نكلم بعض .. ومن صباح الله خير سوالف ما تخلص من الطابور إلى نهاية الدوام ..

تدري ليش لأن في مواضيع مشتركة بيننا .. بينا دروس .. بينا مدرسات نحبهم ومدرسات ثقال دم

بينا امتحانات .. يعني اهتمامات مشتركة

و يمكن لأنك شاب مش عارفه شلون تسولف معاك

انا من رايي لا تتكلف السوالف خلك على طبيعتك .. سولف .. نكت .. عادي راح تضحك

لا تحط ببالك انك تبي تسحب منها الكلام .. هي راح تسولف بس تتعود عليك

ويمكن حتى هي مسكينه تشتكي من نفس مشكلتك وتقول ودي اسولف واثرثر معاه

بس ما عندي مواضيع ...

انت بس اتصل عليها .. الو .. شخبارك .. اشتقت لك .. و انتي ولهتي علي ؟؟ والا مو على البال ؟؟

على فكرة انتي بخيلة مسجاتك ما تجي إلا بالطرارة ... حتى اتصالاتك مواعيد كن احنا في وزارة

اقصد من هذا كله خلك طبيعي قل الي تبيه واذا شافتك على طبيعتك حتى هي بتظهر على طبيعتها

لكن لو شافتك تتصنع بتخاف تظهر أمامك بمظهر مش حلو أو كأنها وحدة ما تفهم شي

فتفضل الاستماع على الكلام

بصراحه انا مادري شلون اشكرج !

ثاني شي مب صغار بالعكس اخوي لما كان عمره 18 تزوج عادي .! وانا تملكت بـ 19 ..

بس للحين مالقيت الي اقتنع فيه الا شوي منج بهالاشياء الجميله الي قلتيها .. وطبعأ راح اسويها ,,

بس انا ابغا شي واحد انها تتعلق فيني وعقب برتاح هذا الي ابيه بس شلون هذا الشي الي مب قادر القى له حل الا من الي قلتيه بشوي راح يمشي الموضوع ان شاءالله

ويعطيج العافيه اختي