|
ايه استخرنا...
لحظه الكلام هذا يخوف يعني من خلال تجربتك اخليها تبطل ؟؟؟؟ |
أخوي ماشاء الله لاقوة الا بالله الله يديم المحبة والألفة بينكم ولايغير عليكم
لازم يكون فيه حل وسط ياأبيض يا أسود ياأنها تترك دراستها وتجي عندك وتسكنك وتملى عليك البيت وتعيشوا في سبات ونبات وتخلفوا صبيان وبنات سوري أمزح حبيت ألطف الجو وأخرجك من الفلم الهندي ياتصبر الين تخلص دراستها 000 مااتوقع فيه حل غير كذا000 |
احباط
في رد غير كذا |
ما أقدر أستنتج أشياء يمكن تختلف عن حالتي أنا و زوجي ؟؟؟؟؟؟؟؟؟؟
أنا كنت كذا ، ما أقدر أتخلى عن زوجي و لو يوم واحد يغيب أصير مثلك و هو كان نفس الشئ و كان دايم يدور على مصلحتي ، يعني سافري شوفي أهلك و كلها كم يوم و أنا أقول له ما أقدر أسافر من غيرك و من جد ماكنت أتحمل يوم يغيب عني و يقولي ما أقدر أسافر عشان نوفر الفلوس و مصاريف المهم ، شوي شوي عشان أعالج نفسي من ألم الفراق و عذابه بديت أأقلم نفسي ، و بديت أحاول أعوض غيابه بأي شئ يسليني مثل ما إنت بتعمل دحين لحد ما وصلت الآن لمرحلة إنه ما عاد يفرق معاي و كنت ما أحب أجلس مع زميلاتي و لا مع أحد و ما أتونس إلا بوجود زوجي جنبي بس بعده هو ( لأسباب هو كان يشوف إنها لمصلحتنا و مستقبلنا و كذا ) خلتني أبحث عن سعادتي و صرت مع زميلاتي و أهلي و وجوده و غيابه ما عاد له طعم مثل قبل و كنت دايم أنبهه على النقطة هذه بس يقول ( مستحيييييييييييييل أتغير و لا تتغيري ، فترة و تعدي ) يمكن هو مثل ما هو و الله أعلم ؟ بس أنا تغيرت مشاعري علشان أريح نفسي و ما أجلس أتعذب مثل ما إنت متعذب ألحين و طبعا ، بديت أرفض السفر من غيره و أصرررررررررر على كذا ( يمكن ظروفي تختلف عن ظروفكم ، يعني أنا سفر لكم يوم ، و إنتوا سنتين ، فكيف بالله تتحملوا ؟؟؟؟ ) راح تنشغل هي بدراستها و إنت بأصحابك و شوي شوي تتعودوا على البعد هذه نصيحتي ، و إنتوا أدرى بمصلحتكم و بنفسكم ، يمكن أنا قدرتي على التحمل تختلف عنكم ؟ و إذا شايف إنه دراستها مهمة مرررررررررة فالله يعينكم |
الف شكر روح الطير على ردك
والله كلام من جد يخوف وكلام منطقي بنفس الوقت معقول بتعود على غيبها او هي تتعود على غيابي مو قادر اتخيل بصراحه لكن المؤلم بالموضوع هو اذا كان الحل هو انها تترك دراستها انا اشوف انه حرام اقتل طموحها وحلمها ورغبتها في دراستها اجل وين الحب والتضحيه اللي كنت احكي عنها لها طول الليل من جد احس ان همي زاد هم وكنت اعتقد اني بلقى شي ثاني |
الحب والانسجام اهم من الف شهادة انت في نعمة وزوجتك في نعمة اكبر خليكم لبعض و أخروا موضوع الدراسة حاليا يبدو لي ان مشروع الدراسة ليس حاجة ملحة لكما حاليا رجع زوجتك واكسب حياتك اللي قد تخسرها للابد وهي بعيدة عنك ومشروع دارستها اجلوه الان مؤقتا الى ان تتغير ظروفكم ، كأن يتغير محل اقامتكم او غيره في المستقبل الحياة الزوجية الهادئة التي تملئها المحبة والعواطف والانسجام اغلى من كل كنوز الدنيا فما بالك ان كانت مقابل شهادة ليست حاجة طارئة لكما. |
الله يعينك على حالك
لكن الخساير هتبقى كثير ليه ما تاجل حلمها وطموحها لفترة وفى خلال الفترة تكونوا انجبتوا ابناء اذا ما عندكم وتمشى الحياة وبعدين الدراسة ممكن تكملها فى اى وقت خصوصا انها دراسات عليا مش شهادة الله يوفقكم للخير |
اضغط على نفسك شوي ولا تحسسها بهالشئ
حرام تخليها تتخلى عن مستقبلها ودراستها غداً تتخرج وتعمل وتساعدك في امور الحياة وبناء بيت العمر ان شاء الله |
بلا دراسه بلا هم
ماشالله تبارك الله الله يحفظكم لبعض وش تبي زوجتك بالدراسه دام انت عندها الجامعه ومخلصتها لاتتعبون انفسكم ما دام مو مظطرين بعدين تراها صدق تقسي القلوب وتسبب الجفا |
لكن السؤال اللي محيرني بعيداً عن موضوعك !
ليش اسمك المستعار : عايشة بروحي << اسم بنت ! وإلا يعني تقصد زوجتك ! معليش ع التطفل ! ! |
| الساعة الآن 07:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©