منتدى عالم الأسرة والمجتمع - والدة خطيبي فرقت بيننا وهو يريدني ..

منتدى عالم الأسرة والمجتمع (http://www.66n.com/forums/index.php)

- المقبلين على الزواج (http://www.66n.com/forums/forumdisplay.php?f=7)

- - والدة خطيبي فرقت بيننا وهو يريدني .. (http://www.66n.com/forums/showthread.php?t=196103)

اجل المشكله من عندك ..

ما ادري ليش البعض مايبين المشكله من الاول ..

ام الولد حست ان كرامتها و كلمتها غير مقبوله
لذلك رفضت ..

ليش اهلك من بدري ما يعطونها كلمة .. وخصوصا انك تحبينه
كان قلتي لامك خلاص انا موافقه واعطوا الناس الموافقه

ترين عيب ان الواحد يتقدم مرتين لاحدى البيوت و مافيها رد وتبغين يتقدم مرة ثالثه

الحل الانسب و اللي راح يرضي امه ..
انكم تكلمونهم بشكل رسمي و تقولون حياكم الله ,, البنت موافقه و حنا موافقين

غير كذا .. صدقيني امه ماراح ترضى .. لان قلب الام كبير على ولدها ماتبي تحس بالمذله
كل يوم تطق بابكم تسأل عنكم ..

هذه وجهة نظري .

نصيحه لك دام امه مب راضيه لا تتزوجيه غصب لانها راح تسوي اي شئ عشان تتدمر حياتك ف المستقبل لانها بتشوف انك السبب ف عصيان الابن لاوامرها ورغباتها لانها اهي مب راضيه واذا تزوجيته بغصب راح تحاول ترد بلمثل وتحرض ولدها عليك يمكن الحين يحبك وهايم بيك بس بعد الزواج الكثير من الامور تتغير وخاصه اذا كان ف مشاكل كثيره ف الحياه الزورجيه

والله ينور دربك بلخير والله قادر انه يعوضك بانسان احسن منه لا تقولي انا ما اقدر اعيش مع غيره لانه هلكلام ما يجوز لان وايد بنات وانا اعرفهن تزوجن اشخاص غير الي كانن يريدنهم كازواج لهن قبل الزواج وكانن نفس الشئ يقولن نحن ما نقدر نعيش الا مع حبيبنا ولما تزوجن شخص ثاتي ع طول نسن الاول واندمجن ف حياتهن مع ازواجهن وصارن يحبن ازواجهن اكثر بمية مره من الاولانيين

ومثل ما نعرف النسيان نعمه من رب العالمين

يا اخواتي سبب تاخر اهلي بالرد هو ظروف عائلية احد افراد الاسرة كان مريض والله يعلم بحالتنا وامي دقت عليها عشان تقلها انا موافقين وقالتلها احنا تاخرنا بسبب ظروف والحرمة ماخلت امي تكمل الكلام ولا سمعت من امي الموافقة على طول قالت احنا مرتبطين مع ناس مااعتقد هالشي ينقص من كرامتها لو سمعت امي للاخروالمفروض بصفتها ام وخطبت مرتين تسمع امي للاخر وتعرف الجواب

خلاص .. اعزموا العائلة يا ( قلبي انكسر ) بشكل ودي ..
وحطوا النقاط على الحروف .. وان كان في العزومة شي صعب
اجعلوا الموضوع ينتهي عند الرجال .. لان الرجال كلمتهم دائم تكون الاقوى
وقتها راح امه تتفهم الموضوع يارب ..

مافيه احلى من الصراحة

(مستر سمايل)اشكرك على ردك بس احنافي مدينة وهم في مدينة ثانية والعايلتين ماتعرف بعض لان الخطبة كانت عن طريق وحدة من المعلمات الي كنت ادرس عندهم فترة التطبيق والموضوع بالنسبة لاهالينا انتهى بس الله يصبرني جزى الله خيرا كل من اهتم بموضوعي ورد علي اوحتى قراه ادعولي في ظهر الغيب واذا حصل اي شي رح ابلغكم لاني حسيت ان لي اخوات واخوان وقفوا معاي وعطوني اراءهم الله يسعدكم جميعا وييسر لكم حياتكم