![]() |
عزيزتي .. الحمدالله انك افتكيتي من الخاطب ...
ترى كلنا في الهوى سوى ... من ناحية العمر .. وما أحد يجي ... شوفي أخوك هذا وش دخل في موضوع زي كذا مدام الوالد حي الله يطول بعمره ؟؟؟ وبعدين ماله حق يطلع خصوصياتك عند المدام وعياله !!! قسم بالله شي يقهر ... أنا ما أكتب هالكلام عشان تزيد نفسيتك سوء ... لا حبيبتي ... قابلي أخوك وجها لوجه وقولي له ترضى هالخاطب يكون زوج لبنتك ؟؟؟ والله لو انه يصرف عليك ولا ساكنه عنده ... الله يخلي لك عزك أبوك وأمك ... وأي أحد يجي عن طريقه لا تستقبلونه من الأساس حسبي الله ونعم الوكيل ... الله يآثرك على من ظلمك وحسبنا الله ونعم الوكيل ... |
الله يرزقك يارب عاجلا غير اجل ترا كلنا بي نفس الاعمار لاتتحطمى ولا شي كل شي بيد الله اعرف واحده تقربلى اتخطبت قريب وزواجها بعد شهر عمرها 33 سنة اتخطبت لواحد اعزب ومهندس ومن عيله معروفه
|
يا الله المعبود يا غفار الذنوب... مالنا غيرك.... يا خالقنا... يا عالم مبتدانا ومنتهانا...
هب لي ولكل خواتي بالمنتدى ازواج حنونين ومتفاهمين يا رب :) |
الدنيا دار ابتلاء
قد يبتلى الانسان بأقرب الناس له ولست الوحيدة فهناك الكثير ممن ابتلوا بأب أو أم أو أخ أو أخت وقد لا يعرف الانسان ذلك إلا في مواقف تبين حقيقة هذا الشخص ولكن احمدي الله عز وجل أن والديك موجودين أطال الله أعمارهم في طاعته ولست تحت سلطة أخيك ولا تظهري لهم ضعفك فلست عالة عليه حتى يرميك لأي أحد وقولي له بكل ثقة انا سأعيش مع والدي الله يخليهم لي معززة مكرمة إلى أن يأتي من يستاهلني وإذا خايف على الخاطب أكثر مني وكاسر خاطرك فزوجه بنتك وخوفيه بالله وقوليله يتق الله في بناته اهم شيء خليك قوووية وواااثقة من نفسك أسأل الله العظيم في هذا اليوم الفضيل أن يفرج همك ويرزقك الزوج الصالح الذي يكرمك في القريب العاجل |
الله يرزقك ان شاء الله بالزوج الصالح
ويرقق قلب اخوكي عليك ان شاء الله لا تزعلين ما أنتي الوحيده بالعالم اللي تعاني الله يصلح امورك وامورنا ان شاء الله والرزق من عند رب العالمين ولو كان من الناس كان أقطعوه ولا ترضين علي واحد اي كلام الا بعد ما تتأكدون من دينه واخلاقه والحمدلله الله عوضك باخك ثاني واقف معاك ولله الحمد الله يخلكم لبعض |
الله يفرجها عليك ويرزقك بالزوج الصالح عاجلاً غير أجل
وياخذ حقك من الظالم ويخليلك أمك وأبوك ويطول بأعمارهم |
الله يرزقك بالزوج الصالح التقي المحب اصبري واكثري من الدعاء والاستغفار وتأكدي أن الزواج سوف يأتيك بأذن الله
|
حبيبيتي انا مابقولك كلام عشان بس ارفع معنوياتك بجد انتي لسه صغيرة شو يعني 30 سنة
والمهم والأهم انك مرتاحه ومعززه ومكرمه في بيت أهلك الله يخليلك الوالد إن شاء الله ويديم عليه صحته وعافيته لا تضايقي ولا تنهمي وقبل كل شيء شيلي من بالك كلمة عانس ترى احنا الي ننكد حالنا لو الي حواليكي شافو ان الموضوع مو ببالك ولاهامك ماحد بيتجرأ ويقول عليكي عانس وبعدين بنت في بيت اهلها أرحم مية مرة من وحده متعذبه في بيت زوجها ترى كله بأيد الرحمن الرحيم العليم هو أرحم بعباده وهو أعلم بالصالح ولو كان بصالح تتزوجي بالعشرين كان كتبلك أياه سبحان الله كله في الأول قسمة ونصيب وكله خيره الله يهدي نفسك ويريح بالك ويرزقك بالزوج الصالح عاجل غير اجل |
شيلي من بالك كلمة عانس
ما رح ازيد على اللي قالوه الاخوات الرائعات .. عندي اختين مو متزوجات وعمرهم تعدى الثلاثين ومبسوطين في حياتهم ، وبيجيهم عرسان بس مش بالمواصفات المطلوبة فطبيعي يرفضو. أخوكي الله يهديه ابدا ما له حق ، غلط بشغلتين التفريط فيكي لإنسان غير كفؤ واختراق خصوصيتك مع عيلته. انت كل كامل بزوج وبدون زوج ، (ان شاء الله) يرزقك بزوج يقدرك ويحترمك ويحبك. فرفشي حبيبتي ولا تسمحي للناس يتحكمو بصورتك قدام نفسك. |
اختي الله يوفقك يارب وماعليك من كلام الناس وش يعني عانس احنا لو قعدنا نفكر بكلام الناس ماراح نرضيهم ابدا انا عمري 29 وتوني انخطب مو ذنبي اني كبرت ومافي احد عدل عشان اوافق عليه ودخلت موقع زواج عشان من عشان كلام الناس والله ظز بكلام الناس انتي كملي دراستك وعيشي حياتك والله يخلي ابوك وامك لك واخوك للاسف انه اخوك كأننا فوق رؤسهم ما يبونا بس انتي لا تيأسيين ابدا وارفضي هذا اللي جابه اخزك ويار يجيك واحد احسن منه وراح ادعيلك يالغلا انه ربي يوفقك ويرزقك الذريه الصالحه يارب ....
|
الساعة الآن 11:53 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©