|
في رأي أنه اكيد راح يتأثر ولكن قد تختلف درجة التأثير يعني لو هو فعلا يريدها ومتمسك فيها وفي الأخير تم رفضه فرق عن إذا كان راح بمجرد ترشيح من أهله للعروسه
أخوي تاثر كثير بعد رفض عمي الله يسامحه له لان أخوي كان يريد بنت عمي وهي تريده كثير والحين وبعد اربع سنين ومع أنه تزوج والحمد لله عنده ولد إلا انه مازال يتأثر أول ما نجيب سالفة بنت عمي. |
بالنسبة لي .. لا أحزن أبدا إذا رفضتني اي فتاة بل اقول إن الله يسر لي ما فيه الخير لي ، و لكن أحزن إذا رفضتني فتاة احببتها بصدق ، فقد يؤلمني ذلك لفترة ليست بالقليلة .
|
انا اخوي خطب بنت عمي قبل لايخطبني اخوها
وجلسوا تقريباً شهرين وردوا علينا قالوا مو راضيه لان في ناس خاطبينها حسيناها كذبه او تصريفه منهم ولما خطبني اخوها ووافقت الا اليوم يقول اخوي المفروض ماوافقنا عليهم عشانهم رفضونا بس امي وابوي قال هذا نصيب وبس فااتوقع اكيد تتاثر نفسياتهم |
ايه يتاثر وعندي مثال اخوي يضييييييق صدره اذارفض بسبب ان معه التهاب الكبد ...كثيييير ناس يجهلونه الاكثييير من عائلتنا فيه وفيه من قرايبي مصاب وقبل الزواج لازم الزوجه تاخذ التطعيمات قبل الزواج وماشاءالله توفقواوجاهم عيال ..الله يشفيهم ويعافيهم..ويوفق اخوي ويرزقه..
|
في حال انه شاف البنت وعجبته (بغض النظر عن إنه يعرفها من قبل أو لا) وجاء الرد بالرفض.. أكيييد بيتأثر وأنا أول واحد ((الله يستر)).. بس ممكن البنت ما عجبته أو حتى ما ارتاح لها تمام أو كان متردد.. إذا جاء الرد بالرفض.. أتوقع يرتاح ويستانس وبيقول جات من الله. |
اكيد الرجال يتاثر وماابالغ لو قلت ان بعض الشباب يتاثرون اكثر من البنات بالذات اذا كان متعلق في البنت وباني آمال عليها. بالنسبة لي كنت احب بنت من طفولتي وكبرت وكبر الحب معاي , الي حببني فيها هو دينها وجمالها ورزانتها وعلماها وعقلها وحسبها وووووو الخ والله ياناس كل صفه فيها تخليني اتعلق فيها و احبها اكثر واكثر. وطبعا الحب كان من طرف واحد (الي هو انا) وهي ماتدري اني احبها ويوم ان الله وفقني وتخرجت وتوظفت قلت حق امي تروح تخطبها, وللأسف رفضوني, وانا من يوم سمعت انهم رفضوني واناعايش حالة نفيسة سيئة وقد مضى على هذا الموضوع سنه كامله بس كل ماتطري على بالي واتذكر انها رفضتني ابدأ اصيح كأني طفل مع اني ماينقصني شي شاب مملوح وموظف ووضعي المادي ممتاز وعلى خلق ودين. مااقول الا الله يجبر خاطر الناس المكسورة |
اقتباس:
أخوي نصيحة إذا البنت ما تقدم لها احد فروح تقدم لها مره ثانية و ثالثة و رابعه بعد لحد ما يطفش منك أبو البنت و يزوجك إياها علشان بس يفتك منك و من خشتك :d ترا هذي مجربه و 90% تنفع و تحسس البنت أنك شاريها و تمووووت فيها و عندي واحد من الشباب تقدم لبنت دة مرات و كل مره أبوها يرفض علشان الولد يعسل بس بعد كم مره من المحاولات واافق و بعد شهرين عرسه :14: |
| الساعة الآن 05:46 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©