|
اقتباس:
انا مع رأي الاخت كيف لا تتوقعون لها الانحراف مع كل هذه الاشياء الموفرة لها في هذا السن الخطرة وفي هذا الزمن الخطير غيروا معاملتكم معاها وامنعوها من صديقاتها السيئات واهم شي اقضوا وقت اطول معاها في الخارج والداخل ممكن تكون ايضا تعاني من وحدة تخليها تلجأ لهذه الاشياء والله يحميها |
شوفي حبيبتي موضوعكم ماينسكت عليه
شوفوا لها شيبه وزوجها واستروها امزح بس بعض الناس هذي حلولهم والله .. واخرها بنت نعرفها سووا فيها كذا الله يرحم حالها .. ليش سووا فيها كذا ؟ لأنها كانت على علاقه بشبااااااب مو شاب .. وبينهم جوالات والله اعلم ايش كمان ... والمصيبه الادهى والأمر انها كانت متزوجه ... زوجها طلقها واخذ عيالها والحين ابوها زوجها لشيبه مخلف ومحرومه من عيالها الله يرحم حالها.. وليش هي سوت كذا؟ لأن برضو عمرها ما ذاقت حنان الام ولا حنان الاب لانهم مطلقين من وهي عمرها 5 سنين ..وعاشت مع زوجة ابوها الله لا يوفقها اللي خلتها خدامه..ولما دخلت النت ذابت مسكينه ...وماعرفت النت الا بعد زواجها وبعد ما خلفت .. وطاحت الفاس بالراس.. تصدقين الحين ذكرتيني بحاجه .. كنت اقول ياربي ليش اذا غابت مدرسه عنا .. تجي مدرسه ثانيه وتقعد على روسنا.. ليه ما يخلونا نسولف والا نفرفش...طلعت تربيه لنا واحنا مو حاسين ونفكرها تسلط...عشان لايكون عندنا مجال للإنحراف ...يا الله ارحمنا وارحمهم واجزاهم خير على تعبهم علينا ... فعلا اختك فاقده الكلام الحلو منكم والحب والحنان والاهتمام .. فراحت تدور عليهم برا ... واكثر من بيعطيها الشباب لأن مصالحهم معروفه في هالناحيه الله يستر لو انها متشبعه بها من داخل البيت عمرها ما بتفكر تدور عليها امك للأسف هي السبب .. ذللت لها جميع الصعوبات الماديه.. نت وجوال ولبس على كيفها .. اجل ليش ماتنحرف؟ عمر الحنان ما يكون بالثقه الزايده.. الحنان صحيح بالتربيه ... ولو مافهمت الحين بتكبر وبتفهم .. وابوك برضو السبب ... لأنه اعتقد مو متواجد ولا مهتم والدليل انك ماجبتي له سيره وان امك هي المسؤوله ماديا معناته هو مو موجود.. ومن امن العقوبه اساء الادب عارفه ابوها مو حولها واخوانها مالهم كلمه عليها ولو على رقبتها ...وامك في جيبها ..خلاص تفلها اجل... الاستاذ ابراهيم الخليفي الله يمسيه بالخير .. حذر من توفير جميع المتطلبات للأبناء لأنها ممكن تستخدم خطأ... لابد وان يبقى الابن يطلب من والديه ... حتى لا يحس بالإكتفاء ويبتعد عن الوالدين وتقل رقابتهم عليه ولا عاد يعرفون وش في خاطره وشدد على ان حتى اذا تمت تلبية رغبته لابد من موافقه من الوالدين عليها ومتابعه لكيفية الاستخدام لها ومنع اعطاء خصوصيه كامله للأبناء .. يعني مو كل واحد بغرفه.. كل اثنين واكثر بغرفه واحده... وسحب المفاتيح برضو من الغرف ...وحتى لو احد اعترض .. يقول الاب والام انا في بيتي ماعندي خصوصيه.. بس تتزوجون سووا اللي تبون .. انتم عيالي وانا مسؤول انتبه لكم ... وان الوالدين اذا ماقصروا ماديا ووفروا كل شي مع عدم رقابه ومتابعه فهذول مقصرين ولا يشكرون على خسائرهم الماديه لأنهم اهدروا الثروه الاهم وهي الانسانيه متمثله في الابناء... بل انه قال شغله عجيبه ... لما الابن او الابنه تلجأ للصوت العالي وحرمان نفسها من الاكل والشرب وتحبس نفسها في غرفه وقد تهدد بالإنتحار ... فهذا دليل على انه لا ينقصها اي شيء ابدا وانها مدلـله للغايه ولكنها تحتاج لإهتمام ... يعني احتياجها نفسي بحت لوجود الام والاب او حتى اهتمام وحب من الاخوه ... لازم امك تجلس معها وتكلمها بهدوء وبدون ماتخجل منها وتقول لها يابنتي انتي غلطتي في كذا وكذا ...ومن ناحية الشرف والعرض والاخلاق وتقول لها كم حديث على كم اية تهديد ووعيد وكمان تبشرها بنتايج محافظتها على نفسها وتضرب لها امثله ممتازه من محيطكم والا من قصص العرب والا اي قصه تعرفونها وكمان تسمعها كم حديث وكم ايه تفتح نفسها وتبشرها بها لازم تفاجئها ببوسه حنونه على خدها... تضمها ... تدعي لها وتسمعها كلام حلو انها تتأمل فيها خير وتدعي لها بالزوج الصالح وانها تبي تفرح فيها وتشوفها احسن الناس وانتي كمان قوي علاقتك فيها اخوانك لابد يعترضون على عباية اختك اذا هي جريئه .. ويقعدون يقولون قصص عن الشباب ولو هي مفبركه كيف انهم يقعدون يسحبون في البنت لحد ماياخذون منها اللي تبيه وبعدين يقطونها بفضيحتها ويكسرونها هي واهلها... وهي لا تربح لا دنيا ولا اخره .. ولو مثلا طلعتم سوق .. اتفقي مع اخوك اللي معاكم انه اذا شاف وحده متبرجه يسبها ويسمعكم السب فيها وانها قليلة ادب ولو اهلها مربينها ما تسوي كذا .. واذا شاف وحده متستره يقول الله يرزقني وحده مثلها تصوني وتصون عرضي وبيتي واهلي ونفسها.. الله يسعدها والله انها محترمه واللي تحترم نفسها الناس يحترمونها ومن هالكلام.. اختك بتفهم ومع الوقت بتقتنع ان شاء الله... حاولوا انكم تبعدون عن الصوت العالي و لا تسبونها ولا تجرحون فيها ... عشان لا تقسى عليكم .. حسسوها بخوفكم عليها مو مراقبه عشان لا تفضحكم.. انتي يا اختها الصقي فيها اربعه وعشرين ساعه النت ممنوع يكون لها جهاز خاص .... يمنع منعا باتا .. ويكون الجهاز واحد لكل البيت وفي نص الصاله بعد لا جدران ولا ابواب مقفله .. محل ماهو التلفزيون يكون النت عشان فعلا تكون الخصوصيه صفر ع الشمال وتحاسب على تحركاتها .. ولو انه لابد من زرع الرقابه الذاتيه في نفسها... الجوال والله صغيره عليه ... وخطأ من الاساس انها تعطى جوال.. والنقص تحس فيه انه ماعندها جوال احسن ما تحس بالنقص اذا عملت فضيحه بعدين لاسمح الله حرمانها من المدرسه اشوفه خطأ خصوصا اذا كانت ناجحه ونقلها برضو اشوفه خطأ.. بيكون فقط نقلها من بيئه الى اخرى بدون اي ضمان لعدم تكرار الحاله مدرسة القران ما اشوفها حل ابدا ... هذا رأيي .. لأنه شي مو نابع من قلبها اشوف ان امك تروح المدرسه وتكلم المديره وتطلب منها انها تكلم والدات البنات ويتم تفريق البنات في الفصول ويتم استدعائهم فرديا للإداره وتوجيه تنبيه او انذار لهم .. انكم بنات سيئات اخلاقيا والبنات متأذين منكم ومن هالتحذيرات وياليت برضو ان المديره ما تعلم الامهات ان فيه ام مشتكيه .. لأن بعض الامهات تاخذها العزه بالإثم وتقول لا بنتي ماسوت شي ولازم هي تربي بنتها وووووو .. لكن لما تعرف ان التنبيه جا من الاداره ومن المدرسات .. ساعتها بتربي بنتها صح.. ادري اني طوووووووووووووووووووووووووووولت لكن لي عوده بعد الله يعينك علي |
الله يهديها
|
حرام اختك صغيره ومراهقه وترآ الضرب والإهانه والتهديد والحرمان من المدرسه ومن الجوال و النت
بالمرره ماينفع صدقيني عزيزتي ماينفع نصيحتي لك اتركي اهلك كلهم على جنب وخذيها انتي واجلسي معاها جلسة مصارحه ولا تعصبي عليها اسمعيها خليها تفضفض لك وبعدين انتي فهميها كل شي و قوليلها قصص بنات تعرفو على شباب وكانت كذا بدايتهم يكلمو وماكانو حاطين ببالهم يوصلوها لمقابلات كان كذا مجرد تسليه لكن الشيطان سحبهم وسهل لهم الحرام لين وقع الفاس بالراس بيني لها انها لو خرجت مع شاب ممكن يخليها تسكر او يعطيها مخدرات علشان تكون مذلوله عنده او الأكيد راح ياخذ منها اعز ماتملك ويرميها رمية الكلاب حتى لو كان يحبها لانو ربي راح يخليها حقيره بنظرة لانها طاوعت الشيطان وخرجت معه وبعدين علميها عن اعز ماتملك البنت إلي هو غشاء البكاره لاتقولي صغيرة فهميها تراه يمكن ماتعرف مسكينه ارجوووكي احتوويها وخليكي صديقتها لا تنصدمي وتصرخي وتسبسبي فيها لو قالت لك انها دخلت على مواقع الدردشه او انها تحب واحد او انها تشوف افلام علشان تتشجع وتكمل لك كل اسرارها لكن من واجبك تفهميها وتبين لها انو إلي تسويه جريمه بحق نفسهاوان ممكن ربي يسخط عليه بمصيبه ماتطلع منها قبل مايكون جريمه بحقكم و هولي عليها الموضوع وكيف لو عرفو اهلي ممكن ابوي يطلق امي وبعدين حنا بنضيع لاقدر الله بيني لها اثار إلي بتسويه كيف راح تكون بعدين عزيزتي ادخلي على جهازها واحفظي قصص البنات إلي تعرفو على شباب وفقدو عذريتهم وكيف كانت نهايتهم والمواضيع إلي بتتكلم عن عذاب القبر و عن الشرف وعن نتيجة إي وحده تكلم شاب بالتلفون وعن الصحبه السيئة واحفضيها على سطح المكتب وقوليلي اقرئيها يمكن تستفيدي وخليها وروحي خلي الوضع زي ماهو لأنك لو قفلتي باب عليها راح تفتح مية باب افتكر واحد قال بيتنا لو باب واحد لو قفلته وبلعت المفتاح بنتي راح تدبر لها مية باب غير الباب المقفل عكس الولد صدقيني ترى جيلهم يختلف كليا عن جيلنا هي راح تمشي معاكي بكل سهوله إذا تعاملتي معاها بكل ذووق وشوية حزم ومراقبه مستمره لكن الحرمان و حركات التهديد ماتنفع لأنها راح تحس انها مو بمكان آمن ولا مع اهل آمنين ممكن بأي لحظة يضربوها او يقتلوها وراح تبحث عن الأمان برا وإذا لقيته الله يكون بعونكم الله يهديها ويستر عليها يارب ويستر عليكم |
بعد كل هذا لسه الانترنت عندها بالغرفة !؟
طريقة التربية واسلوبها خاطيء منذ البداية صديقتي عندها ثلاث بنات اصغرهن بالرابعة عشر من عمرها .. واللاب توب في الصالة ومفتوح امام الجميع .. ممنوع منعا باااتا الدخول بالتليفون أو اللاب توب الى الغرفة ! |
أنا لله وأنا اليه راجعوون
الله يكون بعونكم ويهديها من الأاساس جوال وكمبيوتر وش داعيه لها وهي صغيره ؟؟ يعني بجد أحس من الأساس أنتو غلطانين الله يهديكم المفروض جوال ماتمسكه بيدهااا نهائي تكلم بالتليفون الثابت ووقت الضروره فقط وبمراقبه والكمبيوتر بمكان الجلسه والكل يشوف ولاتستخدم النت نهااائي تراه ضياع للكبار فكيف الصغار !! مالكم الا بالأسلوب الحلوو تراها صغيره ومحتاجه حنان محتاجه صدر حنون يضمها لاتعاملوها بقسوه وجفاا لاتحسسوها بالنقص والأهمال بالطريقه هذي تدور الحنان والحب عند غيركم الله يصلحها ويهديها |
تتعاملون معها وكأنها مجرمة قامت بعمل شنيع
الخطأ نابع منكم منذ البداية |
الفتاة في سن مراهقة !! .. يعني ما ينفع الضرب والاهانة والحبس !! .. الحل بالتقارب والحوار والثقة .. نعم الثقة وليس الاهمال .. دائما اذا اردت ان تحمي ابنتك فعاملها انها ملكة ، سيطلب الجميع ودها بكافة الطرق ولكن ولأنها الملكة لن تفتح الباب الا لمن يأتيها من الباب بكل ابهة وفخامة وفي وضح النهار وليس من الأزقة المظلمة.
طبعا النت والتلفون بدون رقابة "صديقة" اعتبره اهمال وليس ثقة ، يعني تغيير مكان الكمبيوتر ووضعه في الصالة مثلا فكرة جيدة .. ويجب اعطاء البنت ما يشغل فكرها وطاقتها غير هذه المواضيع والتي اعتقد ان صديقاتها جميعا يدرن في نفس الفلك ونفس طريقة التفكير. اذا كان هناك نادي رياضي (جم) فلماذا لا تزوره بمرافقة احدى الاخوات ؟؟ .. فتعتني برشاقتها وبنفس الوقت تقوي صلتها بمرافقتها ويصبح من السهل اجراء حوار معها وتبادل الأسرار وايضاطريقة لصرف طاقتها ... والمهم التعامل معها على انها انسة ناضجة يتوقع منها كل تصرف راق ومهذب... ولو كان هذا الاهتمام والحوار من قبل الأب لكان له مفعول السحر !! الفتاة في هذه السن ترى في الوالد الرجل المثالي وتسعى بكل طاقتها للحصول على رضاه وحبه وتقبله. مع كل الاحترام والتقدير |
غيرو اسلوبكم معها بتكسبوها البنت تصرفها مو غريب عن بنات جيلها لما يعيشو بنفس المحيط الي هيا عايشه فيه - إلا من رحم ربي- وبعدين هيا عندها استعداد للتمرد والعناد والدليل انها تعاند حتى بالصلاه . اختك اصغر من اننا نطلق عليها كلمة مخطىء بس مو اصغر من انها تتعاقب بس بوضعها العقاب والحرمان بيولد عندها دافع اكبر للتمرد والعناد حاولو تكونو الصديق مو العدو لكل شيء سبب ولكل غلط علاج وتصحيح حاولو 1- تتقربي لها ومو انتي لحالك انتي و والدتك مو بطريقه النصح( وقوليلنا واحنا نحب مصلحتك) لأ بطريقه الصداقه خليها تتكلم عن نفسها اكتر شو تحب شو تكره شو صار معها بالمدرسه شو اخبار صحباتها شو المواقع الي تحبها وخليكم ايجابين معها كأنكم مو معترضين على شي ماعليه سايروها عشان تكسبوها ومعلش اتحملو الأشياء الي ماتحبوها خليها تحس انكم متقبلينها بعيوبها اختك تلجاء لصديقاتها لأنهم مايقيموها مايحطولها معايير لازم تمشي عليها ومايغلطوها بشي إذا تريدي تحلي مشكلتها جذريا لازم بالبدايه تكسبي ثقتها وتصيري انتي الصديقه المسايره لها - بالبدايه- و وقتها بس بتقدرو تأثرو عليها وتحسنو سلوكها 2- لو في امكانيه تلجأو لأخصائي نفسي أو تربوي وتمشو معاه خطوه بخطوه اكييييد هالشي حيسهل عليكم وحيضمنلكم النجاح بإذن واحد أحد. والله يوفقكم يارب ويصلح حالها وحالنا وحالة كل بنات وشباب أمة محمد آمين يارب العالمين |
| الساعة الآن 12:05 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©