|
أختي أسمحيلي زوجك ماعرف قيمتك ويمكن أنتِ ساهمتي في هذا الشيء بدون ماتحسي شوفي أنتِ غلطتي غلطة كبيرة يوم دفعتي له 60 ألف ... ليش يا أختي . علمتية بهذه الطريقة أن رضاه ينشرى بالفلوس لذلك أرخصك ويمكن اليوم يفكر بتعويض مادي . بالسعودي دلعتيه بقوه شوفي يا غاليه خذيها قاعده بعض الرجال إذا زعل مايلاقي غير زوجتة يفرغ غله فيها عشان كذا كان من المفروض تبعدي عنه بعد مكاني وحسي يعني لو تروحي بيت أهلك وتضلي مدة حتى لو كانت طويلة بدون تواصل بينك وبينه مع الوقت وطول المدة راح يحس أنو فية شيء ناقصة وفاقده وهو أنتِ راح يشوف كيف مايقدر يدبر حاله بدونك ذاك الوقت راح يعملك حساب ، ويداري زعلك ويتوب يمد يده على رفيقة دربة وأم أولاده . أختي الزوجة هي اللي تعلم زوجها كيف يعاملها .. إذا غلط أتركية وقت يحس بغلطة ويعتذر هو ( لا تقلبي الموازين وتضيعي الحقوق ) هو غلط هو يعتذر هنا يكون للأعتذار قيمة . حتى لو كنتِ تحبيه وماتقدري تفرطي فية أو ماتتحملي يطول الزعل بينكم .. خذي موقف يحس أنك إنسانة يعد للعشره قبل مايغلط عليك . على مايبدو لي أنك عاطفية بزيادة لا يا أختى الحياة تحتاج للعقل أكثر من العاطفة . هذا الزوج يدور فراقك ،،، فإذا كان هذا صحيح ماراح تقدري تمنعية يمكن يسكت ساعة ويوم لكن راح يبقى الفراق في راسة وفي أي وقت ينفذه لكن والظاهر لي أنو يبغاك أنتِ اللي تخلعينة وتدفعي له تعويض . في الأخير يا أختي أقول شوفي إذا كان عندك صبر وبقيتي لا ترضين بسهولة خذي موقف حاسم معه . اسال الله يفرج همك وهم كل مهموم ويصلح زوجك ويهديه ويلهمه رشده ..أآمين بحفظ الله |
يعطيك العافية يا حديث الوقت ..,كلامك كله موزون وسليم ...بالفعل انا تعاملت معاه بالعواطف مش بالعقل ..بس كنت اظن انو بقدر وبقدر ..بس اكتشفت انو رصيدي عنده صفر ...وهو يدور على الخلع داريه ..والله يستر على منه...
|
صراحة غلطتي يوم أعطيته 60000ألف حسسته بأنك متمسك فيه بأديك وأسنانك بالرغم من تقصيره وهذا أعطاه الضوء الأخضر لتمادي هذا أولا
ثانيا يمكن فعلا في حياته امرأة أخرى ليش تفترضين أن زوجك هو اللي يرسلك الرسائل يمكن أول ما ياخذ منك الرقم هي تاخذه منه بدون ما يدري يعني ماني فاهم لو هو بايع بايع ليش ينكر أنه على علاقة بأخرى وهو حسب كلامك هو اللي يبيك تشكين عشان كذا يرسل رسايل على أساس أنها من حرمة يمكن يبيك تزعلين وتروحين عند أهلك ويطلبك مبلغ مثل المرة السابقة!!؟؟ تغيره بعد سنتين من الزواج دليل على أن هناك شيء استجد على الساحة ربما وجود إمرأه أخرى في حياته وربما استحلى المبلغ اللي جاه ويبي يعيد الكرة؟؟ على فكرة المبرر الوحيد اللي أعتمدتي عليه وعلى أساسه حكمتي أنه هو اللي يرسل الرسايل ماهو كافي يعني كون الرسايل تجيك من أول ما ياخذ زوجك الرقم ماهو مبرر ممكن هي فعلا تا خذ الرقم من جوال زوجك شغلة ثانيه ماهي داخلة مزاجي وهي حكاية أكلة من عند زوجة صديقة طيب إذا مايبيك وش حاده عليك ليه ما يطلق؟؟ وبعدين كيف طلب صديقة طلب مثل هذا؟؟ هل بينك وبين زوجة صديقة معرفة أو علاقة يعني تقدرين تتواصلين معها؟؟ كيف صحته النفسيه هل ترين تصرفاته طبيعيه أم لا مادري أحس القصة غامضة الله يكتب لك الخير |
يعطيك العافية يا اطياف الرياض ..والقصة مش غامضة ...اضرب لك مثل ..اكلمه على جواله ..يعلقني على الخط ويقول عنده مكالمة ..اوك...تجيني مسج سكري السماعة.... انا جالسه اكلمه...واقوله على الي صار يحلف انو يكلم رجال..وانو ناس يبون يفرقون بينا ويراقبونا...واحيانا يقول اشك في امي وابوي انو هم اللي يرسلوا...ما احد يعرف اني معاه على الخط غيره ..وغيرها كثير هالامثلة...وهو يكلم بالتلفون واجد...كثير...فوق ما تتصوري....يعني هو مستغل خوفي من الم الطلاق ..وقراري النهائي اني اتحمل هالالم ..مقابل حياة سويه خاليه من الامراض النفسية ..,الله ما اعود له ...والله..ظلمت نفسي بما فيه الكفاية ..حتى لو لليوم ما كرهته ..لكن ما ابيه ..ولا راح ادعي عليه ..كل اللي اعرفه اني ما ابيه.....والله يجزاك خير
|
هلا فيك اختي واتمنى انك ماتخشي معانا في عالم المطلقات
اختي زوجك كان بايع بايع ومو فارقه معه انك تبعدي عنه وانت ماالومك من تمسك بحياتك وبأب اولادك وان غلطتي بدفع المبلغ ليسامح لأن التسامح ان لم يأتي من صفاء القلوب لن يشرى بالمال وانت كعادتك وعادة حواء مع آدم الغير مبالي والقاسي تفرد عضلاتها ضاربه اروع الأمثله في التضحيه والصبر اختي / انا مع اختي اطياف في سؤالها كيف صحته النفسيه وايضا الجسديه ؟ لأن الرجل اذا تغير فجأه على زوجته من دون سبب فهذا دليل على ان هناك حلقه مفقوده من هم رفاقه ؟ هذا مهم لأن تعرفي لأنه لاقدر الله يمكن مرافق رفقاء سوء وبعض الرجال من النوع الذي يندفع بسهوله للحرام والعياذ بالله ويمكن هذا سبب تغيره كيف هي علاقته بربه صلاته ؟ اجيبيني لعلنا هنا نمسك بخيط يوصلنا لحل قبل ان يقع الفاس بالراس لاتستسلمي بسهوله وتيأسي الجئي الى الله بالدعاء والصدقه والأستغفار لعل الله يحدث بعد ذلك امرا اسأل الله ان ييسر امرك ويفرج همك ويجبر كسرك & |
بصراحة ما اخفيكم..زوجة صاحبه هذه غير سوية وعليه قضية اداب في صعر سنها....وعلاقتها فيه مو طبيعية كفاية ..دايم تشتري له اي شي يحتاجه ...وتجهز له اكله ..وهو يقول لو يموت ما ترك هالعايله...من ظهرت في حياتنا وهو متغير ..بس هي متزوجه وزوجها واولادها راضيين عن طبيعة علاقتهم ..واهله تعبوا معاه من هالناحية ..وانا بايعني واولادي من الاساس ...تراني كلي الم لم أذكر هالنقاط ..واني ما قدرت أءثر عليه واكسبه ...بس لانو هو نفسيته مو صح وأنا واثقة من هالنقطة ..لانو ما يقدر يكون علاقات سليمة مع الاخرين بشكل جيد..المشكله حلها الوحيد الطلاق ..وأتمنى يكون لي مكان بينكم ولا أعيش مع هالانسان اللي مو معبرني اصلا..انا انسانه واحتاج من يشعربي ويهتم فيني وعلى الاقل يتقبلني مو مثله يكرهني ..تعرفون شو يعني يكرهني ..عمري بحياتي ما قابلت صد ونفور من بشر كثر ما قابلته منه وهذا وانا ما غلط بحقه ..بس لاني ما سكت لانه مديده...حقد علي وكرهني ..,دي اتركه خلاص ..افهموني وساعدوني...قولوا انها بدايه جديدة ونور شمس ..مو نهاية وليل مظلم..ارجوكم..اذكروا ايجابيات الطلاق ..مو معقول كلكم متفقين على شي انا ما اشوفه ..كلكم تتطلقتوا بالغلط وهالحين ندمانين ..فهموني ليش الندم؟؟؟ على بشر ما يستاهل من عمرنا دقيقة وحده؟؟؟
|
شوفي اختي بعطيك رأيي وهو مجرد رأي اذا ما اعجبك طنشي ولا كأنك قرأتيه :) بالنسبه لتعلق زوجك بعائلة صديقه اقولك هالوقت يخوف ولا تثقين فيهم ... واذا انتي لاحظتي تغيره بعد ما تعرف عليهم فأنصحك ترقين نفسك وترقين زوجك. أما زوجك وتعامله معاك بهالطريقه تدرين ليش يسوي كذا؟ لأنه يعرف نقطة ضعفك .. بعض الرجال يحب يشوفك تمسك زوجته فيه وركضها خلفه مثل ..... انتي غلطتي يوم عطيتيه الفلوس؟ هل سبق سمعتي ان المرأه هي من تراضي الزوج؟إلا اذا انتي ما وضحتي السالفه وكنتي غلطانه... بصراحه تعامل زوجك معاك بهالطريقه من شخصيتك انتي انتي راضخه لزوجك معطيته اهتمام انه اهم شيء بحياتك عشان كذا ما هميتيه ويعاملك كمخلوق ضعيف يرضخ له متى ما أراد والدليل المبلغ اللي عطيتيه حتى يرضى عنك.. انصحك تبدين بالرقيه والدعاء ثانياً تغيرين من نفسك اهتمي بنفسك اختي وبشخصيتك وبأطفالك وهو طنشيييييه خلي عندك اهتمامات أخرى زيارات لصديقاتك وأهلك بعدها هو بيحس انك تغيرتي وممكن تعيشين أحلى عيشه من دونه هذا اللي اقدر أقوله لك أكثر من كذا راح اخرب الموضوع :) |
يا اختي احنا هنا الأعضاء نحاول ان بني لانهدم ونصلح لانفسد ونحاول ان نرجع المياه لمجاريها قبل الطلاق لأن هنا ك فرص
ويجب استغلالها لصالحك انت تحاولين ان تغلقي على نفسك الباب بيأسك وتهربي من المواجهه انت تلعبين دور المنهزمه وهو المنتصر هو وتلك المرأه التي لم افهم قصتها وطبيعة علاقته بزوجك ؟ وكيف يرضى زوجها بتلك العلاقه بينهم ؟ المهم يااختي تمسكي بحياتك وحياة اولادك لاترضي بالدخلاء لحياتك كوني قويه اعرف ان بين عينيك الطلاق لأنك يائسه مجروحه معذبه محبطه لاتفكرين الا بالطلاق وشراء راحتك النفسيه لكن ليس حلا منطقيا حاولي وحاولي اما جراحك صدقيني مصيرها تندمل دعيها للزمن وهو كفيل بتضميدها ومع طول المده صدقيني ستحنين لزوجك وان كانت حياتك عذاب ابقي بعيده عنه عند اهلك لاتطلبي الطلاق حاولي بالحلول وفكري وفكري كيف ستعالجين المشكله جربي هل تستطعين تحمل الفراق ام لا ؟ |
الجمتيني بوضع زوجك
هذا مريض طالما انه متغير من بعد هالعايله فمو بعيد يكون انسحر مع انها متزوجه بس تحب واحد يكون المتيم فيها واللي تجيبه وتوديه على كيفها حركة الجوال من جد مو عارفه اتكلم !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!! جربتي تجيبين مويه مقري فيها وتشربينه بدون مايدري وتشوفين وش يصير فيه؟ |
منذ البداية قلت بأن الموضوع غامض وها أنت تأكدين ذلك
ماسر علاقته بزوجة صديقة وما طبيعة تلك العلاقة وأين زوجها من القصة كلها؟؟؟ شكه في أمه وأبوه أنهم هم يعمل كل هذا أيضا عليها علامات استفهام؟؟؟ هل هو مرض نفسي؟؟ حركة الرسايل أن صح ظنك ماهو الهدف منها؟؟؟ هل يريدك أن تخلعيه ليحصل على المال؟؟ إذا كان ماهو متمسك فيك إلا عشان ينكد عيشتك لتطلبي الخلع فهو لا يستحق العيش معك لكن لا تطلبي الطلاق إلا إذا استنفذتي كل الحلول فرج الله همك موفقة |
| الساعة الآن 04:09 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©