|
يا اختي طريقتك لحل المشكل غلط
ليش تروحي لبيت اهلك وتتكلمي عن الانفصال قبل لا تناقشي زوجك وتفهميه انك عارفة كل شيء وتعرفي منه الاسباب ....... اذا كنتي شاريته تمسكي باي حل وان عافته نفسك يبقى الانفصال احسن.. ... عزيزتي انا رحت لبيت اهلي لأني خلاص انفجرت يعني تخيلي انسانه تشوف زوجها الي كان مثال لكل شي يطيح من عينها بالله وش بتسوين تخيلي انسانه كانت قبل ماتكشف خيانه زوجها اسعد انسانه تمنيت شي واشتراه لي وهو بعد مو مقصر معي بس انا يالغاليه ربي بلاني بصاحب زوج مااقول الا الله لايسامحه لادنيا ولا اخره وجعل حوبتي على بنته بأذن الله اعز مايملك وربي كفال بكل شيء .. صاحبه يالغاليه تمثلت خراباته بالتالي/ اول شي معطي بنات رقم تحويله زوجي بدوام وزوجي طبعا بجد عانى وكان يقول اوقات احس انتي راسله بنات تتاكدي مني وطبعا فشل ثاني شي رقم زوجي صار يجيه ازعاجان من بنات الحرام والكحاوله فشلت بنهايه يوم زوجته سافرت طلب من زوجي يجي وانا متاكده ان صار شي اكبر مما كنت اتوقعه عاد جاب بنات كلم بنات قدام زوجي ماادري زوجي بالنسبة له الناس الي حوله مبسوطين الا هو عشان يطلعني ونتمشى وزي كذا يعني صار له فتره يقولي ترى انا الوحيد الي اطلع زوجتي صاحبي مايطلع زوجته الابشهرين مره ويمكن اكثر صاحبي يقول مايعطي زوجته مصروف الا 300 ريال بشهر وانا صحيح مااعطيك بس تصرفين اكثر يعني شوفوا كيف وصلت ..!! المهم انا بجد فاض فيني انا احبه وهو ملكي انا تعلقت فيه تعلقت باسلوبه بطريقته معي صحيح في سلبيات بحياته بس سلبياته هي اهله اولا وتعقيداته في موضوع اللبس والعبايه .. واما عن صاحبه فانا والله اني ادعي ان ربي يبلاه ببلى مايطلع منه واشوف فيه يوم ربي ينصرني عليه ... |
1 - أختي لا تدعي على أمه ، لإنه الأم ما تعرف إيش يعمل ولدها من وراها
حرام عليك ، إيش ذنبها ؟؟؟؟ يعني إنت زوجته و ماعرفتي حكاية البنات إلا بالصدفة و تقولي إنه ما كان كذا فليه تدعي على الأم ؟؟؟؟ 2 - البلى مو من صاحب زوجك للأسف ،، البلى من زوجك و لا تضحكي على نفسك زوجك رجال ، بالغ ، عاقل ، متزوج ، محصن ، موظف ، كبير ؟؟؟؟؟ إيش ناقصه ؟؟؟؟ هو مو طفل علشان واحد يسحبه في أي طريق ربي ليه أعطاه عقل ؟ مو علشان يشغل عقله ؟؟؟؟؟؟؟ 3 - الغلط منك ، دامك تبغي تعيشي معاه ،، كنت واجهتيه ؟؟؟؟؟؟؟؟ سجلتي المحادثات و واجهتيه ، و سكوتك من أول مرة خلاه يتمادى أكثر 4 - ما احترمك عند بنات الحرام و في غيابك ، إيش تبغي منه أكثر من كذا ؟؟؟؟؟؟؟؟؟؟ |
في نقاط ابغى اوضحها انا قلت لو برجع لي شروطي ..
اولا/يفصل مشاكل اهله عني يعني مو يتعذر باهله امي ابوي بيطلقها وامي ووامي طفشني ثانيا/هو معقدني من ناحية عبايتي يلبسني راس انا مااقول ابغى اتبرج بس انا بجد زي الهبله فيها وغير كذا نا مااعرف امشي فيها ابدا فطبعا بقول انا ماابغى تعقيد عقدتني كنت احسبك تخاف عليا بس اثاريك لشي ثاني ثالثا/ شيل من قاموسك كلمة لا .. ابغى اعيش مثل الي بعمري ابغى اطلع اروح سينما ابغى اتمشى معه بدون قيود وهو مزهقني مانروح اماكن مكشوفه ويختار اماكن صاده ..وبالأخير / يختار صحبه مثل ناس ويطلع من عزله اهله بس حياته اهله وانا يعني يتعرف يخالط ناس موب اهله وبنهايه اذا زهق يروح للغلط.. واذا ماكتب ربي لي نصيب معه اول شي بكلم امه وبطلع كل الي بقلبي هي قالت انتي بذمتي وانا بذمتها ليوم دين وجلعها تحاسب عني حساب عسير .. وقالت ولدي مايعرف شي ومو حق بنات ويصلي ومحافظ على صلاته هو يصلي بس يتهاون فيها .. .. وبنهايه يارب استر علي ويارب انصرني على من ظلمني..[/QUOTE] ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ اغرب ماقريت بالله هذي شروط؟؟؟ تبين تروحين سينما وأماكن مكشووفة وبعدين تقولين ليش زوجي يغازل ويطالع البنات تروحين معه اماكن الفتنة وماتبينه يفتن ياحبيبتي الرجال فتنتهم النساء هذي اعظم فتنة عندهم انا ماادور عذر لزوجك الا غلطان ومليون غلطان بس انتي مافكرتي انه هذا ممكن ابتلاء من الله لك انتي عشان تفريطك في حدود الله ارجعي انتي وزوجك لله وطهروا بيتكم من اي منكر وقبلها طهروا قلوبكم وخليك من الكلام الفاضي ( اعيش سني ) عيشي سنك بس بالحلال مو اروح سينما واطلع اماكن مكشوفة وماادري وش تقولين الله يهدينا واياك للحق |
1 - أختي لا تدعي على أمه ، لإنه الأم ما تعرف إيش يعمل ولدها من وراها
حرام عليك ، إيش ذنبها ؟؟؟؟ يالغاليه انا مادعيت عليها الا انها هي السبب اول شي ام ربت عيالها على كره الناس يعني حب اخوك وبس لااعمام يعرفون الا بس اخوالهم وماتوا كلهم ..زوجي اول ماخذته بالغصب يجي عند اهلي مايبغى وجمعته بس مع اخوانه وطبعا مايبغى يتعرف وامه مافي لسانها الا كلمة مالك الا اخوانك وخواتك وياكثر ماتقول لما تشوف عندي شي جديد ياجوال او ان شاءالله لبس تقول والله انك طيب وبزياده الواحد مايعيش الا امه وخواته وبيوم انقهرت يعني مهما كان مثل مابنتك تسوي الي تبيه انا بعد لي رب ... والأهم من كذا لما خطبتني حلفت بالله العظيم ياولدي مايعرف المعسل ولا دخان وان صلاته بالمسجد وبعد زواج تعرف وعادي ويعسلوا قدامها كمان وين حلفها لأمي وين كلامها بنتك برقبتي ليوم الدين وين حلفها وين التزامها الي تصنعته قدامنا موظلم بس ربي له عين ماتنام.. يعني إنت زوجته و ماعرفتي حكاية البنات إلا بالصدفة و تقولي إنه ما كان كذا فليه تدعي على الأم ؟؟؟؟ امه تعرف انه يروح البحرين وكان قبل زواج كل وقته بالامارات يعني بيروح ياخذ عمره..!! 2 - البلى مو من صاحب زوجك للأسف ،، البلى من زوجك و لا تضحكي على نفسك زوجك رجال ، بالغ ، عاقل ، متزوج ، محصن ، موظف ، كبير ؟؟؟؟؟ إيش ناقصه ؟؟؟؟ هو مو طفل علشان واحد يسحبه في أي طريق ربي ليه أعطاه عقل ؟ مو علشان يشغل عقله ؟؟؟؟؟؟؟ اكيد انا ماابرر له او لصاحبه بس لكل شخص له حد معين وبفتره الموضوع كان في مواضيع ومشاكل بين امه وابوه موطبيعيه واتوقع هذا تبريره والله يعين 3 - الغلط منك ، دامك تبغي تعيشي معاه ،، كنت واجهتيه ؟؟؟؟؟؟؟؟ سجلتي المحادثات و واجهتيه ، و سكوتك من أول مرة خلاه يتمادى أكثر انا مسجله كل شي صوت وكتابه بس انا مااقدر اواجهه كيف باللهي عليك شخص يكون قمة بعيونك وفجاه يطيح وياليت انه يتوب ويرجع بس ربك الهادي.. 4 - ما احترمك عند بنات الحرام و في غيابك ، إيش تبغي منه أكثر من كذا ؟؟؟؟؟؟؟؟؟؟ انا اول رغبة لي طلاق مثل ماقلت وانا قلت لو مافي رجعه له انا لازم اطلع الي بقلبي وارمي له جزء من فضايحه واوريه انه مايسوى ريال حبيته وقدرته حفظته ببيته وبماله كنت له كل شي لما يتعب ماكنت انام اقعد جنبه وبنهايه هذي جزاتي اني قدرته وداريته بس ربك كريم .. يعطيك العافية |
اغرب ماقريت بالله هذي شروط؟؟؟
تبين تروحين سينما وأماكن مكشووفة وبعدين تقولين ليش زوجي يغازل ويطالع البنات تروحين معه اماكن الفتنة وماتبينه يفتن ياحبيبتي الرجال فتنتهم النساء هذي اعظم فتنة عندهم انا ماادور عذر لزوجك الا غلطان ومليون غلطان بس انتي مافكرتي انه هذا ممكن ابتلاء من الله لك انتي عشان تفريطك في حدود الله ارجعي انتي وزوجك لله وطهروا بيتكم من اي منكر وقبلها طهروا قلوبكم وخليك من الكلام الفاضي ( اعيش سني ) عيشي سنك بس بالحلال مو اروح سينما واطلع اماكن مكشوفة وماادري وش تقولين الله يهدينا واياك للحق .. انا ماقلت ابغى اغلط واخذ حريتي .. ياخوي انا الي كان يمنعني منها هو يروح لها براحته مايطلع معي لانه كيف بالله بيطلع وياخذ راحته وانا حاجز ويبي ياخذ راحته بالبحرين مثلا يروح اماكن مكشوفه وانا مره رحت وكنت ماشيه بالجهه المكشوفه بجد مافي شباب الا معاهم بنتين ولاثلاثه وانا متاكده ياوذلا معقدين اهلهم هم فرحانين بالحرام بس الحلال مبعدين عنه.. انا ببيت اهلي كنا نطلع ونروح سينما ماقلنا بندخل اشيا حرام .. بس انه نوع من تسليه ..كنا نسافر وطبعا مو كل من سافر تجرد من دينه ... وانا رحت معه مره الكويت والله كرهني فيها لا اطلع من فندق واكلنا بالغرفه طيب ليش كل هذا الملتزمين ماسوووها الي يخافون ربي ماسوووها معطين حريمهم حدود صح بس مو ظاغطين عليهم .. الواحد يثق بزوجته وبتربيتها ويعطيها حريتها عشان تعيشها بالحلال موب الحرام وهو بعد يعني يمنع عن زوجته كل الي تبيه ومن جهه الثانيه يفتخر بالي يسويه مع بنات وانه يطلع معهم...؟؟؟ وين العدل حتى بشرعنا كلنا سواسية ولا كلامي غلط..؟ ليه الرجال يفكر دايمه بأنه هو الصح والمرأة غلط ..؟ ليه الحلال عند البعض منهم مايبونه ويدوروا على الحرام..؟ بتقولون في اكيد شي ناقص ..ايه ناقصه عقولهم .. لأنه مهما كان يدور عالشي بالحلال ون مابغى زوجته يرجعها لاهلها مثل مادخل بيتهم وقدروه واحترمووه مو يطعنهم ويهينهم بحركاته.. عالعموم اذان الفجر يأذن فيارب بهالدقايق افوض لك امري فيارب انصرني على من ظلمني يارب انصرني على من ظلمني.. واتمنى ماتفهموا رأي غلط يمكن في شغلات خطأ بس فكروا فيها واحسبوها صح للزوجه حق لزوجها مو بس انه يقعد معها ساعه باليوم او يعطيها مصروفها خلاص انتهى دوره وتحمد ربها يااخوان وياخواتي الرسول صلى الله عليه وسلم في حديث له قال (رفقا يالقوارير) فمنهم القوارير ..؟؟ تقديري للجميع |
اذكركِ اختي الكريمه وجميع الأخوات بقول المصطفى صلى الله عليه وسلم: (أيما امرأة طلبت الطلاق من زوجها في غير ما بأس فالجنة عليها حرام) حديث صحيح
|
اهلييييييييييين
حاولي تدخليت في الشات باي اسم ولما يتكلم عنك ويقول زوجتي وزوجتي .... انصحيه وقولي له "عيب تحكي عن زوجتك كذا احنا بناااااااااات وماتزوجنا وقاعدين نضيع وقتنا لكن انت متزوج وقاعد تسوي كذا عيييييييب عليك " طبعا خليكي ملكعة مو علطول تروحين تكلمينه خليكي كم يوم تتكلمين مع الباقين حتى ينتبه لك ...بعدين جرجريه بالحكي ومو شرط تتكلمين بالمايك .. طبعا هذا مو معناه انو هالشغل صح بس شوفي ايش راح يرد ....يمكن يستحي من نفسه احس زوجك يحبك بس مايعرف يتعامل معاك وقاعد يسوي نفسه عليك واكبر دليل انو هو حس انك ودك فيه علشان كذا كلمتيه على المسن وقال لك ردي راح تستلمينه من ابوك ...... حسيته يبي يسوي نفسه قوي بس هو ضعيف من جوااااا ...صدقيني اللي عايش ومرتبط في امه ويرحمها ومتحمل مسؤليتها يكون فيه رقة في التعامل مع الحريم الله يصلح مابينكم آآآآآآآمين |
اختي ام البرا .. كل ما ذكرتيه عن زوجك من صفات و طباع فهي للشمالي الشرقي .. فهو لا يحب الاختلاط و هو تقليدي جدا يريد منك ان تلبسي عباية الراس و لا يريد ان تخرجوا الي اماكن مفتوحه .. و يهتم بأهله كثيرا .. هذا انت عارفه انها من صفات الشمالي الشرقي ... و طبيعه الشمالي لا يبيّن مشاعره .. انت قلتي ان زوجك لا يقصر عليك في شي و كان قمه في نظرك اما الان فهو بسبب صديقه انجرف اعتبري ما قام به زوجك زلّه .. فبدل ما تتركيه لصديقه و للشيطان و لبنات الحرام كان الاولى انك تحتويه و تقفي معه ضد الحرام .. زوجك اخطأ لكن هذا الغلط يمكن ان تصلحيه و تغفري له اذا هو اعتذر و ندم و وعدك انه يترك هذا الطريق .. كل انسان معرض للغلط يا اختي .. دام انك مسجله عليه محادثاته كان واجهتيه مباشره بدل ما تروحي بيت اهلك وينفضح امره .. اختي ارجعي بيتك و اجلسي مع زوجك ودعيه يسمع كل المحادثات و اطلبي منه ان يوضّح لك كل هذه الاشياء .. بيني له انك مصدومه منه و انك تعتبريه زوج مثالي .. وانت لا تريدي ان تخسريه امسكي بيد زوجك و ارجعيه الي حضنك .. خاصه انكم تحبوا بعض و باسم الحب اللي بينكم ان شاء الله زوجك يتوب و يرجع الي صوابه .. في امور لازم يتم فيها المواجه لكن بدون انفعال وبدون تجريح او انتقاد ينقص من قيمة زوجك و يقلل من احترامه .. تكلمي معه لكن باحترام و هدوء .. اختي هناك دائما حلول افضل من الطلاق .. انما انت محتاجه للمحاوله حتى لا تهدمي بيتك .. حاولي تحلي الموضع بشكل ايجابي و ليس بشكل سلبي .. اجعلي الحل في صالحك و ليس بخسارة حياتك و زوجك ... |
اقتباس:
انا ادخل ويتكلم عن الموضوع حقنا صحيح مافي سبه شخصية ليا بس اكبر اهانه لما يتكلم عنك زوجك مع بنات ساقطات مالهم اي قيمة في المجتمع .. هو بالفعل يحب امه واوقات احس يبغاني نسختها حتى باللبس ... وترى هذي ثاني مره ارجع لأهلي اول مره كانت مشاكلنا تختص بموضوع لبسي وكان يبغاني البس جلابيات ملابس بجد ماحد يلبسها بسني وكان ينتقدني على مكياجي وكان يبغاني لما اروح لاحد مااحط مكياج بحجة ان امه ماتحط وهي زي القمر على قولته .. وسلامتكي ياعسل |
اقتباس:
طيب يالغاليه وش اسوي معه ..؟ بجد انا ابغى اعرف كيف اتعامل معه..؟ وهل يوم الخميس بيكون يوم رجعتي ولا انتهاء مشواري معه..؟ يالغاليه كل الي حولي يقولوا طالما بدأها وهو لسى مااكتشف فيك كل شي فكيف لما يكون معكم عيال وش راح تسوين..؟؟ ابرر له خطأه بسبب الضغوط طيب الضغوط في رب اسمه نتقرب منه ..؟ مو نبعد زياده ونسوي الشي الي ماسواه عزوبي .. المشكله مابين ليا وش نهايتي معه يعني بجد مسوي نفسه قوي شخصية وبقوة مو معترف لي بغلطه وفوق كذا يقول ترى ردي بيجيك عن طريق ابوك .. سالته وشهو .؟ قال ابوك بيعطيك الخبر.. انا قلت للوالد ماله داعي اصلا تقابله لان الموضوع مايبيله تفسيرات هو سؤال واحد تقدر تستمر .. ولا لا؟؟ والله يصلح الحال ويارب ان كان في رجعتي شر فيارب عوضني خيراً ... واتمنى بالاخير ماحد يفهم رأي غلط لان احس في ناس فهموا كلامي خطأ ..ولاتنسون انا كأي انسان على وجه الارض يبغى يعيش وينسعد بدنيته ومااتوقع هذا شي كبير صعب ان اي احد يحققه لأي شخص... |
| الساعة الآن 03:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©