|
اقتباس:
واعتقد الاولى انك تقول لها علمي خطيبتي |
و الله حسب كل واحد يمد رجولوا على قد لحافو .. بالنسبة ليا انا كان يصرف عليا و إحنا مملكين (و زيي كتير ).. و بعدين في عوايل تصرف و في عوائل لأ .. وكل واحد يوضح للطرف الثاني ظروفوا .. وفق الله الجميع لما يحب و يرضى .. اللهم آآمــــــــين .. |
في البداية مبروك والله يتمم على خير ويرزقكم بالذرية الصالحة
تذكرت سالفة صارت لواحد من الشباب كان مملك وكانت خطيبته عندها زواج راحت قالت لابوها انها تبغى فلوس علشان تشتري فستان المهم الظاهر ان ابوها صرفها وقال روحي قولي لزوجك البنت ماصدقت خبر ودقت على الرجال وقالت كيت وكيت وابي فلوس الفستان ,, الرجال كان منصدم وقالها مو مشكلة كم بيكلف الفستان قالت اربع الاف .. طبعا الولد ماتوقع ابدا تقول المبلغ والمبلغ هذا راح يخرب عليه بعض مخططاته وراح سوا مصايب واستفسارات والشباب كلهم راحوا سألوا اهاليهم وكانت النتيجة كالتالي العوائل تختلف . .بعض العائلات الزوج من وقت كتابة عقد النكاح لازم يصرف على زوجته والاغلبية لا مادام البنت في بيت ابوها فهو اللي يصرف عليها بالذات لو كانت فترة الملكة طويلة الشي الثاني حبيت انبهك على نقطة بالنسبة للهدايا .. شي حلو انك تعطيها هدايا وتدعلها لكن الاهم يستمر هذا الشي بعد الزواج خذ جزء بسيط من راتبك واشتر لزوجتك هدايا والله يوفق الجميع |
والله البنت لوتعرف ظروف خطيبها ماراح تكلف عليه باي شي
لكن اكيد انت ماتصارح خطيبتك بكل شي تفكر فيه مثل اغلب الشباب خلك صريح وقولها انك قاعد تخطط وتجمع علشان شهر العسل والزواج وتاثيث البيت وانكم راح تنضغطون ماديا بدايه الزواج وبعدها راح نرتاح 00 |
اقتباس:
فعلا المفروض الواحد ..يحاول يتكيف مع حالته المادية |
شبيه السيل جزاك الله خير على الدعوة الطيبة ...
وفعلا الاستمرار في الهدايا ..مطلب مهم .. مشكلة اللي يهدي وقت الملكة وبعد الزواج يقطع الهدايا أحس اللي كذا ..حق مصالح بس |
أخت ميلاف ..جزاك الله خير
الصراحة مطلووووبة ..وأنا بينت لها ..بس أحس إنها متضايقة و ما أخذت الأمر بصدر رحب |
ياحبيبي المسأله ذوقيه
حبيت تعطيها شي من عندك فـ خير وبركه ماحبيت تعطيها فهمها بس بأسلوب راقي يعني يوم قلها اليوم اخذت غرفة النوم والله غاليه جداً بس لاتقول قيمتها ويوم تقول انا بديت اشتري الأشياء الفلانيه والأسعار فوق والله يكفينا شر الغلا واذا عندك شي بين فتره وفتره وفي المناسبات خاصةً ارسل لها اللي تقدر عليه وفهمها انك انسان اذا معاك تبشر من عيونك واذا ماعندك هذي استطاعتي يعني بالعربي المسأله ذوقيه لأ أكثر لاصارت في بيتك ذا الوقت انت مجبر تصرف عليها لانها في بيتك انا وقت خطبت وملكة والله ما طلبت مني شي والى اليوم لو تبي شي تلمح ماتطلبه رسمي يعني تقول يابوجوري ملابسي صارت ضيقه < مثلاً ماتقول أبغى فلوس عشان اشتري ملابس , الحريم بطبعهم يخجلون من هالناحيه بس اذا مرتك طلبتك بصريح العباره ابغى فلوس معناته هذي انسانه ماديه الله يعينك عليها الله يوفقك يارب ويسهل طريقك وتتزوج ويهون عليك كل كبير يارب ويتتم زواجك على خير يارب موفق ان شاء الله |
شوف ياخوى ترا البنت مو شرط مثل ماقالو انها ماديه لان كثييير اعرفهم الوحده مجرد ماتملك يجيها مصروف شهري وبعضهم بين فتره وفتره يحولها فلوس وبعضهم ماعندهم هالشي او يستحون يطلبون
يمكن هي تقارن بينها وبين الى حولها انت قولها الى عندك بصدق ولاتخبي عليها عشان تراعي ظروفك والله يوفقك معاها |
اقتباس:
ابوية مااطلب منو فلوس الا اذا في شي ضرورى كيف خطيبي بنات العيله 3 ارباعهم متزوجات عمرى ماسمعت عن مصروف وقت ملكه >> اتمنى من الاشراف عدم حذف ردودي |
| الساعة الآن 03:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©