المشاركة الأصلية كتبت بواسطة هدوء الكون$ (المشاركة 2387208)

بسم الله الرحمن الرحيم

كييييييفكم أخواتي..

بصراحه حابه أتكلم عن قصتي وأبي رأيكم فيها وبكل صراحه..

أنا مطلقه في 22 من عمري وهذي السنه الثانيه من طلاقي

تزوجت وأنا عمري 20 واستمر زواجي شهر فقط وأنا اللي طلبت الطلاق ..

لاني ماقدرت اعيش مع انسان خدعي.. وطليقي هو اخ صديقتي هي اللي خطبتني له

بس للاسف ماتوقعت انها تخدعني وتكرهني مع العلم كانت علاقتنا حلوه مع بعض زي الاخوات واكثر

ولليوم ماني عارفه ليه سوت كذا بس الله يسامحها وعلى كلامها انها كانت من كثر حبها لي تبيني قريبه منها

اكثر بس اللي يحب عمره مايكون اناني .. الموهم اختارتني من اخوها اللي تعبان نفسيا وماكتشفت هذا الشي

الا بعد زواجي ولا كنت ادري ومع الا سف اهلي ماسألو عليه يمكن هذي الغلطه في زواجي لأننا كنا واثقين فيهم

بس ماقدرو الثقه هذي واستغلو طيبتي وحبي لصديقتي عفوا كانت صديقتي لاني قطعت علاقتي فيها نهائيا

بعد طلاقي طبعا وعمري ماكرهتها ولا بكرها واتمنالها كل خير وسعاده في حياتها .. وهي متزوجه الحين

ولا هي مرتاحه بزواجها .. الحمدلله انا مقتنعه بالقرار اللي اتخذته واهلي معاي وهذا اللي مريحني بس

احيانا افكر اللي سويته صح ولا ؟؟ هذي قصتي

أتمنى أشوف ردودكم .. أختكم هدوء الكون $