|
توفي والدي رحمه الله من عشرين سنة بحادث سيارة وقبل عشر سنوات تقريباً توفي أخ لي رحمه الله في حادث سيارة ايضاً وكل يوم وفيات بسبب الحوادث فهل من معتبر؟؟ |
اخ يابنت مكة ايش اقول بس
موضوعك هذا على قد ما هو مهم جدا جدا .. على قد مالواحد يقول في نفسه ايش الفايدة مهما كتبنا و قلنا .. ماحد يسمع .. اغلب عمري عشته مغتربة ... و النظام موجود و ماعمري حسيت بمشاكل المرور الا هذه المرة لما رجعت بلدي .. انصدمت من طريقة السواقة العشوائية و من كثر الحوادث و من تساهل المرور ؟؟ يتساهلون بارواح ناس مقابل رشاوي و ياليتها حتى مبالغ ضخمة .. بالاضافة الى الي ذكرتيه بكلامك اعلاه اضيف المهازل اللي تصير اوقات الافراح (( في الزفة )) مهازل مابعدها مهازل .. اولها الصوت العالي و الالعاب النارية بالله في العاب نارية تظل من الساعة 10 بالليل لغاية 5 الفجر ؟؟ مافي احترام لا للغير ؟ و ثانيا ...تفحيط و سباق سيارات من الدرجة الاولى اتخيلي باحد الافراح و بسبب التفحيط و السباق .. سيارة انقلبت فيها اسرة من 7 اشخاص كانو من اهل المعاريس .. اي فرح هذا ؟؟ كل عرس يصير لازم ينتهي بمأساة بسبب الزفة و بلاويها .. و انا هناك بيت عمي على شارع رئيسي و لازم كل زفة تمر من قدام البيت . تصدقي كل يوم حادث اخرها كان رجال عجوز جالس جنب باب بيته بامان الله جته سيارة زفة مسرعة .. طلعت من الطريق لناحيته و مات بساعتها و قبلها حرمتين ماشيين مع طفلة عمرها سنتين .. جت سيارة مسرعة صدمتهم .. من قوة الصدمة طارت البيت لبعيد .. يسوقوا سرعة خيالية بطرق وسط مدينة و طرق زحمة الله يستر علينا يارب و يهدي شبابنا .. مو ناووين يعقلوا الا اذا جاتهم مصيبة اعوذ بالله هذا طبعا كووم .. و قلة الذوق كووووووووووم اخص ماعلي لما تكوني نايمة بامان الله و الساعة تعدي ال 12 بعد منتصف الليل و تمر سيارة من جنب البيت معليين صوت المسجل للاخير تقولي عرس ؟؟؟ لا و بعضهم يبلطوا مكانهم .. الله يهدي امة محمد |
اختي بنت مكه افرحى اللي شاهد شارك :14:
:17: |
اقتباس:
اختي العزيزة انتظآر الفرج صدمتني حقيقة آسآل الله ان تكون آخر مصابكم برحمته وفضله وان يجعل قبرهما روضة من رياض الجنة اسكنهما المولى الفردوس الاعلى برحمته : لآ شي اصعب على المرء الحي من آن يكون سبب مبآشرة في ازهآق اروآح غيره ولكن اللامبآلاة والضمير الميت والتصرفآت الطآئشة حآلياً اعمتهم الله يهديهم اختي بنت مكة لم افهم حقيقة ادخآلك لهاتف بلاك بيري في الموضوع اتمنى ان توضحي لي اكثر او من غيركِ:25: بارك ربي فيكِ نسآل المولى السلآمة : |
اقتباس:
الحمدلله وبدا في جده كمان ماشيين تمام حتى اخويه يقول ماصرت اقدر اسوي شي على طول يلاقي الدورية الحمدلله :30: طبعا حدوا سرعه عقبال مكه قريب على رمضان ان شاء الله :25: لمن يطلعوا فلوس مايخالفوا شعب يمشي كده:29: تسلمى على مرورك |
اقتباس:
لاحول ولا قوة الا بالله الله يغفرلهم ويرحمهم يارب قلبت عليكم الماسي والمواجع مافكرت ابدا انى ممكن اذكر احد بي مواقف مولمه اقتباس:
<<اكره الازعاج جدا الله يعين يارب المصيبه قدام المستشفيات في اشارة اكس على استخدام الاصوات المزعجه للاسف تلاقيها اكتر مكان مزعج:23: تسلمى على مرورك |
اقتباس:
:17::17::17: الحمدلله |
اقتباس:
تسلمى على مرورك |
بكل بساااااااطه يااااااا بنت مكه كل اللي تشوووفينه لانك في (مكه)
|
اقتباس:
اولا شكلك ماقرات الموضوع كويس دا شي منتشر في جميع المدن انا ماخصصت مكه بي سلوك معين :29: في كذا منطقه زرتها نفس السلوك والحمدلله انى في مكه اطهر بقاع الارض الظاهر انها مو عاجبتك الله لا يحرمنى منها ولا من ترابها |
| الساعة الآن 02:29 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©