|
الصراحة أخوي أنا وزوجتي منفصلين حاليا، أنا سمعت مرة إنها خبرت صديقاتها عن المشكلة الأساسية اللي صارت بينا (اللي هي سبب الخلاف)، بس الحق يقال، ما بعمرها طلعت أسرار الفراش برة، وما تتكلم فيهم وتستحي أصلا تجيب هالطاري.
بس أنا أقول العناد عمره ما ينفع وهو السبب الأول في تدمير جميع العلاقات الزوجية. عشان ترجع علاقتك معاها لازم يكون فيه تفاهم بينكم ولازم هالتفاهم يكون في صالح الطرفين معا. يعني لا طرف فيكم يضيع كرامته ولا حقه ولا طرف فيكم يعاند الثاني. إذا تقدر توصل إنت وهي (معا) إلى هالمرحلة .. أقول رجعها أحسن، ............................... والله يهديها إن شاء الله. |
وش بقئ وماقالت واتهمت عليك؟؟؟؟؟!!!!
اعوذ بالله وش هلزوجه !!! اخوي نصيحه من اخت لك !! لاتحاول ولا تتعب راسك بلتفكير في وحده ذلتك بكلامها امام الناس !والان بعد يكابرؤن ويقؤلؤن مايترجع الا بشرؤطها وابؤها يتوعد لك بعد ...رجولها ماادري ايشّّّّ!!!!!!!! هذوؤا ناس ماتنطاق العيشه معهم وبلاخص زوجتك !! كيف اصلن تفكر مجرد تفكير باانك ترجعها !!!وبلاخص بعد الكلام الي افترته عليك !!! والله قهر افتراء من زوجه لزوجها الي عاشة معه !!كيف تقدر تفتري اشياء مثل كذا !! كيف تقدر تقؤلها للناس ماتخجل ماتستحي علئ وجهها !! الله لايقدر لو حصل بيني وبين زوجي خلاف حاد وقوي والله مايطري علئ بالي اني افتري عليه مثل ماقالت زوجتك !!يمكن الومه بتصرف معين اما اني افتري عليه ب..........الخ !!! اقؤل دور لك علئ عروس تقدرك وتحترمك ..... وعيش احلئ ايام عمرك ! سؤال مهم !!؟؟ كيف سمعت هلكلام ؟؟هل سمعته منها شخصيا او ابؤها قالها او اقارب ؟؟ اخوي ترئ الناس يفترون وكل شخص يطلع كلام!!!! من وين سمعت يمكن كذب !!تاكد !!! |
يا أخوااااان حرااام عليكم تشيرون الريال يطلق مرته خاصة وإن عندهم ولد ..
شوف أخي العزيز ... خليك هاجرها وتاركها ببيت أهلها .. هي تسوي كل ذا من حرتها وغيظها وقهرها ... لأن النساء مثل ما إنت عارف سلاحهم وقوة دفاعهم الوحيدة لسانهم ... فاشلون بتنتقم منك غير بكذا ؟؟ خلها تسوي وتقول اللي تبيه ,,, اتركها على راحتها دام إنك واثق من نفسك. والمرأة اللي تتكلم بهالأمور الحساسة جدام من هب ودب ترى حط ببالك الناس تطالعها بنظرة مو حلوة وتتحاشاها لأن هي تبين بصورة مو حلوة جدام الناس بحديثبها عن هالأمور. هي بيوم من الأيام راح تصحى وتحس باللي قاعدة تسويه وتقوله إنه كله غلط ولو بعد حين .. خليها لا تسأل عنها ولا تسأل فيهم ... بتجيك هي بعدين (ما أقول صاغرة لأنها زوجتك حبيبتك وما بينك وبينها كرامة) بتجيك عشان تتكلمون مع بعض ... تقوم إنت تتغلى بعد شوي ... وبعدين ترضى تكلمها بس تقولها إنك مصمم تطلق تخوفها شوي .... وبعد كذا تقولها بأسلوبك وطريقتك إنك ممكن تكمل معاها بس تحطون النقط على الحروف وتتفاهمون بالأشياء اللي تزعلك منها وتزعلها منك. بس كلام ...................الأعضاء اللي ردوا عليك (مع شديييييد إحترامي) ما يوكل خبز. يعني عمر ما العلاقة ترد بين الطرفين إذا كان واحد فيهم راد حق الثاني صاغر ومذلول. يا إما توصلون أثنينكم إلى حل يرضي الطرفين يا إما الاتجاه إلى الطلاق. لأن هم العلاقة الخالية من النقاش والحوار الودي والمنطقي والناضج .. صراحة أشوفها لا داعي لها لأن النقاش والتحاور هما الأساس. والله يوفقكم ويهديكم حق بعض. |
يااخوي في الاتحاد قوة......
انا ابسئل سؤال ... وبصراحه اذا زوجتك قالت نفس كلام زوجة صاحب الموضوع بالله تفكر انك ترجعها !!!!؟؟؟ والله ان يعوفها قلبك!!! ولو تسئل اي زوج بيقؤل مابرجعها ابد ...ماابيها لانها اهانتني ومسحت بكرامتي ...ولا بعد تبي ترجع بشرؤط وابؤها يتوعد بدل مايحل المشكله ... الان زوجتك ماغلطت بحقك وسويت انت الي مايتسؤئ فيها !!فما بالك لو سوت نفس زوجتة صاحب الوضوع !!!! |
اقتباس:
صح لسانك اخوي في الاتحاد قوة والله يصلح حالك يا رب انا مع راي اخوي بس مو بكل شي الفقرة الاخيرة ( المحذوفة) انا مو معاك فيها ابدا |
تدري .. بنت الرجال الاصيلة .. حتى لو فعلا زوجها طلب منها هالامور
تطلب الطلاق و ما تقول سببه و تستر عليه عشان ربي امر بالستر و عشان سمعة اولادها مستقبلا و من سألها عن الطلاق تقول ماحصل نصيب .. فمابالك باللي تفتري افتراء .. معقول في زوجات كدا ... على الاقل المفروض تفكر بابنها اللي هو بالنهاية ابنك و سمعته من سمعتك وابوها فعلا لا تعليق ... في اب كدا ..؟؟ لو كان فعلا عاقل و مصدق كلام بنته المفروض ينصحك او يجيب شيخ ثقة و يشرط عليك ما ترجع الا لما تبطل هالامور مو فلوس و شغالة و يجي يبوس رجولها ؟؟ ان دل على شي دل على نقص حكمته .. اخي صدقا اكره انصح بالطلاق.. لكن في حالتك هذه زوجتك ما منها امل ... و عيلتها ما منها امل اتركهم غير مأسوف عليهم و دور على بنت الحلال اللي تصونك و تصون سمعتك ,, لكن .. لا تنسى ابنك تكفل بمصاريفه و لا تنساه اذا تزوجت .. شوفه اسبوعيا و حببه فيك و تقرب منه الله يوفقك و يهديهم |
الإخت همس 2009 ... زوجتي وايد كانت تغلط علي بس صراحة بيني وبينها ما تطلع تقول هالكلام حق الناس.
بس في حالة الأخ صاحب الموضوع، يبدو على زوجته صغر السن وقلة الخبرة وهذه مشكلة كبيرة !! فإذا كان يحبها، لازم يعلمها درس لا تنساه .. وذلك يكون بالهجر والتجاهل حتي تربى. بالنسبة حق أهلها .. ما يشكلون مشكلة لأن البنت إذا تبي ترجع رح ترجع غصب عن الكل. وهذا شي حتى بالشرع والدين إذا الزوج والزوجة اتفقوا على الرجعة ليس لأحد أن يقف في طريقهما ولا حتى ذويهم (أهلهم). يا جمااااعة الأهل موقفهم طبيعي لأن هذي بنتهم وحسوا إن بنتهم إنهانت. خلوا وحدة متزوجة تروح تقول حق أمها ولا أبوها زوجي سوا كيت وكيت .. تشوفون قلبة الوجه على الزوج هالكبر، فما بالكم مخليها عند بيت أهلها ويبي يطلقها !!! منقفهم هذا لا إرادي بيسوونه إلى أن يشعروا أن الزوج فعلا شاري. الحين مثل ما قلت سابقا ،، الاثنين إذا اتفقوا كان بإمكانهم أن يسكتوا أهلهم بكلمتين طيبتين حلوين يبردون على القلب. بس يكفييييهم يشوفون بنتهم ردت صارت سعيدة مع هالإنسان. ومثل ما سبق وقلت يا إخت هميس 2009، الرجال اللي يفهم طبيعة المرأة ،، ترى سلاحها كله لسانها وكله بيرد لها يشوه صورتها هي مو رجالها. ولأنها صغيرة ما بتفهم هالحجي ده الحين. شكرا الإخت موهبة الكويت ... بس ليش الفقرة الأخيرة انتي مو معاي فيها؟؟ وين الغلط لما قلت "يعني عمر ما العلاقة ترد بين الطرفين إذا كان واحد فيهم راد حق الثاني صاغر ومذلول. يا إما توصلون أثنينكم إلى حل يرضي الطرفين يا إما الاتجاه إلى الطلاق. لأن هم العلاقة الخالية من النقاش والحوار الودي والمنطقي والناضج .. صراحة أشوفها لا داعي لها لأن النقاش والتحاور هما الأساس." |
لا.. لايغتفر
|
الله يهدي زوجتك انا اشوف انك تادبها احسن لانها شوهت صورتك ولانها تعودت انها مع كل مشلكه تسبك وتعيد نفس الشي والله يصبرك
|
ياخ في الاتحاد قوة زوجتي ليست صغيرة
وهي نفس اطباع زوجتك لاني سبق وان شاركت في موضوعك ولكن مايزيد على طبع زوجتك انها تبغى تكون في موضع قوة نفخ وتعالي وغرور وكبر ماادري من وين جاها ياخي زوجتي ختمت القران مرتين او ثلاث حفظ ماشاءالله وتمنيتها ام اولادي ايش غيرها ماادري وتدور شي مايعرفوه الناس انا ولله الحمد انا واهلي معرفوين في مدينتنا بين الناس فما تقدر زوجتي تتكلم عن شي معروف لدي الناس تحاول تجيب مواضيع من الخفى يعلم الله يعلم الله العلي العظيم انه فيه اشياء مايصبر عليها اي شخص صبرت عليها كل اقول يمكن تتعدل وينصلح حالها اهدد اتكلم تقولي القرار في يدك لية ماتتخذه اهجرها بيت اهلها بالاسابيع والشهور واقول يمكن تتادب لكن مافية ويجو اخوالي ويقلبوها قبيله لين الحين جاني خالي الكبير قالي صلح قلت والله لو انا بمشي في الشارع مثل المجنون من فرقاه راضي ولا ارجعلها مشكلتهم في البيت مافيه نصيحة مافيه هذا زوجك عيب كذا مافي عندهم الا تحريض لاترجعيله بعدين يزودها اذكر مرة تخاصمت معها على حاجة بسيطة زعلت وراحت بيت اهلها اليوم الثاني رحت ارجعها قلتلها انزلي قالت خلني استاذن من ابوي اقولها ايش دخل ابوك قالت ابوي لازم استاذن منة قلت طيب اتصلت عليه قالت انا ماشية مع زوجي قال والله لو نزلتي من الدرجة فانا برئ منك لين يجي يعتذرلي هههههههههه والله مت من الضحك وسبتها كم اسبوع على مشكله تافه وعلى هذا قيس خلاص انا نويت الطلاق والله يعين عليه |
| الساعة الآن 03:21 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©