|
السؤال عن الراتب عادي جدا ولكن هناك فرق بين من يجعل اول سؤال هو كم الراتب؟
ومن يسال عن ذلك بعد التحقق من اخلاق الشاب وتعليمه وعلاقته باهله والمسجد اللهم لاتجعل الدنيا اكبر همنا |
اقتباس:
بصراحة ما اعرف احد في الايام هذي خطب الا يسألون عن راتبه حتى ولو كان من أقاربهم وانا بالنسبة لي الاخلاق والتربيه أهم من الراتب لأن الراتب هو رزق من عند الله وفي اي وقت يمكن ربي يرزقك من حيث لا تعلم وفي اي وقت يمكن ربي يمحق عنك رزقه فـ الراتب متعلق اولا واخرا بـ توفيق الله والارزاق بيد الله |
ولماذا الاستغراب يا أخي؟ .. الراتب أحد التفاصيل الهامة التي يجب أن يُسأل عنها ويحاط بها .. مثله مثل الدين والأخلاق والطبائع والسمعة.
وهل يفترض بالأهل أن يزوجوا ابنتهم لرجل لا يعرفون كيف ستكون عيشتها معه؟! |
احسها عيب وغلط وقلة ذوق وبس
|
انا من ناحيتي اذا احد سأل عن راتبي فلن ارد عليهم , والا اذا غلبت الروم بأقول لهم ان راتبي على قد حالي (يعني اجيب من راسي اي راتب قليل) , وهذا هو الافضل عشان تجس النبض منهم ان كان الراتب يهمهم في امر الزواج والا لا , فاذا رايت منهم ان مسئلة الراتب غير مهمه بالنسبه لهم , فهؤلاء معدنهم اصيل, وان رأيت العكس فأبعد عنهم لأنهم اصحاب مادة فقط .
انا قد مررت بهذه التجربة حيث اني قدمت على بنت من البنات فقاموا بالسؤال عني عند كل الناس , وحتى في عملي واكيد وصل لهم خبر عن راتبي , فقاموا الاخوان في الله بتكليفي بمهر اغلى من مهر اختها التي انخطبت وقت خطبتي لها ,وهذا ان دل فإنما يدل على الطمع فيهم تجاهي , الحمد لله ماصار نصيب بيني وبين ابنتهم . ولما خطبت بنت ثانيه , طلب مني ابو البنت مؤخر , وكانت نغمة كلامه غير مريحه ابداً , والحمد لله ماصار نصيب . الزمن هذا نسأل الله العافيه فيه اناس ما همها الا سعادة بناتهم وبس !!!! حتى ولو على حساب زوجها . |
سؤال عن الراتب لازم يكون بطريقه حلوه
بعد التاكد من الاخلاق وجميع الصفات الحسنه لامانع من السؤال لانو مهما كان الراتب مهم يحدد درجة الحياة اللي بتعيشيها بالذات لو كانت الحاله الماديه للبنت اكتر من الشاب الافضل تعرف من بدري وتعرف هل هي قادره على التاقلم بمستوى معيشه اقل او لا بس الاهم والمهم هو اخلاق الشخص وصفاته |
شي ضروري انهم يسئلون عن الراتب يعني مومعقول بنت متعوده على الدلال والعز ويخطبهاواحد ومايسئلون عن راتبه وتكتشف ان راتبه 2000 او 3000 وش بتسوي هذي المفروض يكونون على بينه علشان ماتنظلم البنت
|
من حقي كمقبلة على الزواج أن أعرف أي مستوى سأعيش به ... وهل أوافق أم لا ...
والتي لا يهمها المستوى فلن تسأل ... لكن من حق الفتاة أن تعرف على ما هي مقبلة عليه ... ومن ثم تقرر .. |
كثير يتصورون ان اخلاق الرجل وشهامته تغني
عن المستوى المعيشي الكريم .. لذلك يستنكرون على البنات سؤالهم عن الراتب ... ولكنهم غفلو عن شغلات معينة اولا بالنسبة لاخلاق الرجل .. اقصى ما يمكن للبنت تعرفه عنه هو صلاته وتعامله مع عامة الناس (طبعا من خلال مراقبة اهلها له ) اما تعامله الحقيقي غير المتصنع وافكاره فيبان البعض منها بعد العقد وتبان في معظمها بعد الزواج ... لذلك الحكم على اخلاق الرجل قبل العقد وفترة الملكة .. حكم غير دقيق .. يعني اخلاق الرجل تعتبر بحكم المجهول تقريبا ثانيا .. في ناس يسالون عن الراتب عشان يتاكدون من مستقبل بنتهم .. وفي ناس يسالون عشان يستغلون فلوسه بمهر غالي وحفلات وخرابيط النوعية الثانية هم الي يسالون اول ما يسالون عن الراتب .. وبشكل عام من حق البنت واهلها يعرفون المستوى المعيشي المستقبلي ثالث شي .. لو كان راتب الرجل على قده .. فمو هنا الاشكالية الاشكالية بردة فعل الرجل ناحية راتبه وهو عارف انه ما يضمن له ولا لزوجته مستوى معيشة معقول .. في رجال يتوظفون بهالراتب ولكن ما يوقفون عند هالنقطة .. يحاولون تحسين مستواهم التعليمي والعملي سواء عن طريق الدوام الاضافي او الدورات او اي طريقة .. وهالنوعية غالبا يتحسن وضعهم وفي رجال يكونون راضين بوضعهم ولا يعتبرنه اشكالية .. فالي زي كذا كيف بيصرف على زوجة واطفال بهالراتب ؟؟ ممكن البنت تتزوج رجل راتبه 3000 بس فيه همة وطموح تخليه يحاول يحسن وضعه .. ولا تتزوج رجل راتبه 6000 بس خامل ولا فيه همة .. بحيث لو جاهم اطفال وازدت المصاريف ما يتحرك ولا يسوي شي |
السؤال الصريح دليل المادية البحته وقلة الحياء ..
هناك أساليب راقية وغير مباشرة .. مثل هؤلاء النساء اللي ما يهمهم اللي جيبك .. ما أحد يتشرف بالزواج منهم |
| الساعة الآن 12:05 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©