|
انتظر الامومة .. شكرا لكـ
|
نااني .. شكرا لكـ تعاندني .. لاهنت .. تميم .. وش دخل البورد في الولادة ؟ وانا قلت عجايز ما قصدي سخرية قصدي ان مالها زميلات بسنها حاول تقرا وتفهم اهـ يا قلب .. شكرا لكـ جسار .. ضعيفة شخصية من ناحية الناس .. وتتحكم في أقصد { تحاول } فيه فرق بين المحاولة والفعل المقدور عليه ..؟!! ركز في القرأة ..!! |
لا تطلق بل حاول الصلح معها وابدأ حياة جديدة معها ولكن
تغير سياسة حياتك معها وخاصة السكن بعيد عن اهلها وجعل زيارة اهلها منتظمة وليس عشوائيا ومادام انها باردة تستطيع ادارتها بكل سهولة وحاول اشباعها عاطفيا وقضاء اكبر وقت بالبيت حتى لاتحس بالفراغ واجعل هناك نزاهات ورحلات حتى لاتفكر في قضاء وقت خارج البيت وحدها حافظ على بيتك وخاصة ان هناك ابناء سوف يكونوا ضحايا |
اقتباس:
|
اخي اقراء كلماتي بتمعن شديد وافهم المقصد منها
( العمر نعيشه مرة واحده تكفى لاتضيع عمرك وزهرة شبابك ) |
اخي لا تفرط لكن انها تكلم حد والله اني ما اقدر اتخيل هذا الشي لأنو كلو الا الخيانه والله اني اخاف اقول طلق لكن بينكم عشرة عمر حرام حاوبل تهدي الامور وانا اعتقد انها انصدمت يوم قبلت الطلاق لو هديت الوضع ورجعتها ممكن تعود لصوابها وحذرها انك لو حسيت لحظة انها تكلم حد انو اخر ما بينكم الله يفرج همك ويكتب لك الي فية الخير |
أنا أشوف الحل المثالي هو بعدكم عن أساس المشكله إللي ألاحظه أغلب الرجال يقومون بلوم المرأه واهل المراه بقولك شي وبصراحه في حديث للرسول عليه الصلاه والسلام أغلبنا نعرفه بس للاسف ما نحطه نصب اعينا لو كنت فظا غليظ القلب لإنفظو من حولك يمكن عصبيتك وكونك فظ معاها خلاها تبعد عنك عشان تتجنب الإحتكاك فيك وتجنب تسوي مشاكل معاك فصارت تبعد وتروح عند أهلها تغير جو وتشوف صديقات أمها وتنشغل بالحديث معاهم وكونها بارده كل أطباء النفس إجتمعوا على عدم وجود انثى بارده وإللي يتحكم في برودتها وحرارتها هو الرجل وهذي المعلومه أنا أكيده منها 100% إلحين إللي صاير أخي العزيز اول شخص بيفرح إذا تطلقتوا الشيطان تبا تفرح الشيطان طلق لأن هو أبغض الحلال عند الله الطلاق صدقني أول من بيزعل إنت وهي وأولادكم تخيل إنت تبني بيت من 10 سنوات في يوم ممكن تهده لأنك رجل ولأنك تملك كلمت طالق وكونها تجلس مع نساء اكبر منها صدقني هذي نقطه إيجابيه جدا جدا لأن في مثل عندنا يقول إللي أكبر منك بيوم أفهم منك بسنه ومجالسة الكبار تزيدها وعي وحكمه الله يهديك ويهديها إلحين الشيطان يالس يكبر السلبيات جدام عينك عشان يعزز فكرة الطلاق إخذله يا أخي وحط الحلو فوق والمر تحت تذكر اللحظات الحلوه يعني تبغي تقنع نفسك إن طيلة هالعشر سنوات ما كان فيه لحظات سعاده تختزلها ذاكرتك أبدا؟؟؟بالنسبة لموضوع الخيانه يوم شفت رقم الريال هذا والمنتدى والرسايل صارحتها؟؟ صارحها اعرف منها الموضوع يمكن تكون ظالمها لا تظلمن إذا ما كنت مقتدرا الظلم ترجع عقباه غلى الندم ويمكن عصبيتك وفظاظتك معاها عشان عندك صراع نفسي داخلي إنها تخونك
الله يهديك ويهديها فكر أخيرا بما تركتم بينكم ستة أطفال حلمتوا في يوم تجمعوهم في بيت آمن لا تتركوهم لتفاهات قالت وفعلت الزمن هالأيام مخيف مع وجود الأم والأب فما بالك بأحدهما أخيرا انا مع إخواني إللي شاروا عليك بتغيير البيت والله يهديك ويرجعكم كما كنتوا وأحسن يا رب |
:
بصراحة كل الاشياء اللي ذكرتها صعب يتحملها أي انسان ولكن : بيدك تصلح من حالها بالشخصية القوية / وانك ماتتساهل معها ابتعد من البيت اللي جنب اهلها ..هذي اهم نقطة بإمكانك إلغاء النت من البيت والجوال بعد اذا انت تشك في سلوكياتها ! حاول تفهمها ان الطلاق بيدمر الاطفال ..من كل النواحي وان امها وخواتها ماراح ينفعونها بكرة لاانهدم بيتها خلي تواصلها معهم قليل انا ضد الطلاق والله .. مهما كانت الامور > الاطفال كسر ظهر اذا شفت ان الحياة استحالت معها وماتعدل حالها ابد.. تزوج عليها بس لاتطلقها هذا رأيي |
سحابة صحرا ء .. شكرا لكـ البنت عند اهلها كيف أغير سياستي وهي عند اهلها رافضة تبغى الطلاق .. معدن الرجال ..شكرا لكـ والأولاد مامصيرهمـ ؟؟!! فارس الكلمات .. شكرا لكـ .. اخي اقراء كلماتي بتمعن شديد وافهم المقصد منها وهل الأاولاد يكونوا ضحية مصلة للنفس فقط البعد قتال .. شكرا لإطلالتكـ bent elno0or روعة الرد ولكنه صعب .. ما ادري أحس أني ضايع ما بين الصراحة والمجاملة على حساب نفسي روح لا يمسها عابر .. شكرا لكـ .. لكن أنا أفكر بالزواج .. كيف اعلقها وهي مو راضية ترجع لبيتها .. |
الحمدالله الحمدالله الحمدالله الحمدالله احمده واشكره ......احمد ربي واشكره لااله الاالله ....بصراحه قريت موضوعك واحمد ربي ..... يااخي الكريم قبل لاتطلق فكر بالاولاد الي راح يكونون مثل لعبة البلياردو كل واحد منهم يبي يروح في جهه .... انت راح تتزوج .... وزوجتك راح تتزوج بعد ماتطلقها والي يظهر لي انها ماتعدت الثلاثين يعني عمرها عمر الشابات ... بالعربي انت واياها ماراح تواجهون مشاكل ... لكن اولادكم المساكين ضحو علشانهم خلو الكبر عنكم وخلوكم عاقلين والا الواحد جيد يجيب عيال ويهملهم ...يااخي الكلام لك ولغيرك الي مو قد المسؤوليه لايتزوج واذا تزوج يضبط وضعه مافيه شي بالحياة مافيها مشاكل لازم تصبر وتحتسب وكل شي يتعدل للاسف الطلاق صار هالايام مثل السلام عليكم لاتفه الاسباب يطلق ... ياجماعة الخير وخاصه الرجال ترا العصمه بيديكم يعني لازم انك تكون حكيم في امورك تقدر الكلمه الي تطلعها تحسب نتائجها ..... يارجل بلا مشاعر اسمعني اطرد الشيطان جب زوجتك وانسى الماضي حتى لو كانت كلمة رجال سامحها واستر عليها الكل منا يغلط والكل منا يمر بمصائب .. الله يعينك ويستر عليك .....مااقول الا انتبه لاولادك .. وخلها عندهم اذا تبي تتزوج ثانيه تزوج لكن طلاق ابعد عنه لانه ابغض الحلال لعيون عيالك خلهم بكرا اذا كبروا يعرفون انك ضحيت لاجلهم ويحترمونك وش ذنب الصغير الي الجاي بالطريق راح يجي من غير اب يحتويه ... وشكرا لكم واسف على الاطاله
|
| الساعة الآن 02:42 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©