منتدى عالم الأسرة والمجتمع - بعد طول الغياب ..اختكم إبداع القلوب

وعليكم السلام ورحمة الله وبركاته ...

ألف مليون مبروووووك ياحبيبتي :22:

ويااارب يرزقك الدرجات العليا في الدنيا والآخره ...

وبالتوفيق في التوفل " وياارب تصيري قرقر انقليزي كويس مية مية :18:"

:d

ويااارب يقر عينك بزوجك وتشوفي منه اللى يسرك يااارب ،، وتصير حياتكم تفاهم في تفاهم واستقرار وراحة باال ،، وسعادة ...

~*~

سعمت محاضرة للدكتور عبد المحسن الأحمد(( رحلة مع القران )) بأقولك شيء قاله في قصة ذكرها بما معناه : خلي همك وكل تفكيرك رضى الله فإذا رضى الخالق أرضى المخلوق ورضى عنه..

خليني أنقلك القصة ،، وحده من الأخوات كتبتها ...

في قصة بشريط (( رحلة مع القران )) للشيخ عبد المحسن الأحمد .. رااااااائع جدا ً

يقول الشيخ:

احدى محارمي تشتكي لي من زوجها

تقول والله مابقي شئ في خدمته في خدمة اولاده في بيته إلا فعلته تقول وسبحان الله ما في شئ يملى عينه ودائما ً ً في سخط علي تقول مابقى شئ استنفذت كل شئ احرقت نفسي حرق
تقول حتى إني في صلاتي افكر كيف أرضيه

قلت ولن ترضي ولن يرضى عنك مادام انك حتى وانتي بين يدي ربي العالمين وتقرأين كتاب رب العالمين تفكرين كيف ترضينه لن ترضين ولن يرضى عنك

قالت والحل
قلت الحل ما مطلوب منك ترضين الناس كلها تحرقين نفسك كل ساعه

قالت كل الساعات
قلت ابغى ساعه في ثلثي الليل الأخر تقولين يا ربي لا أسألك إلا رضاك وتبدأين تسعين كله بس عشان يرضى سبحانه اذا رضي يرضي الكل حتى الملائكة يرضيهم عنك حتى جبريل ملائكة يطوفون سبعين الف في البيت المعمور يدعون لك

قالت وغيره
قلت مافي غيره قالت طيب في دليل من القرآن قلت يقول الله عز وجل: { وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ}

من اللي جعل بيننا مودة ورحمة هو والا احنا اللي بتعاملنا

لاااااااااا وجعل هو اذا ماجعل هو والله لو ازعل ليل نهار ما يصلح مسائل القلوب لا يملكها الا الله

قلت القضيه عند رب العالمين انتي ارضيه يرضيك الله عز وجل في كل شئ

راحت بعد شهر هي من محارمي إلا تجي وتقبل رأسي

انا ناسي الموضوع
قالت اقسم بالله اني ما أسوي 20 % من اللي كنت اسويه اول واقسم بالله انه صار يسوي لي اكثر من اللي كنت اسوي له بأضعاف

تقول صار عندي هم ان ارضي رب العالمين

ما شاء الله تبارك الله الله يزيدهم

في معادلة في القران قال تعالى (رَضِيَ اللَّهُ عَنْهُمْ وَرَضُوا عَنْهُ)
ووردت هذه الآيه في كتاب الله سبحانه وتعالى أربعة مرات:
سورة المائده آيه 119
التوبه آيه 100
المجادله آيه 22
والبينه آيه 8

سبحان الله سبحان الله نقدر نوصل لحاجات ماكنا نقدر نوصلها اذا طبقنا مافي هذه الآيه

~*~

كثرت عليكِ بس جات في بالي وأنا أقرأ كلامك قلت خليني أقولك هيا ^ــ^