|
اختي الغاليه ,,, خلي كل شيء بصوب ... وركزي اول شيء على الاهم والافظع .... ( الزنـــــــــــا ) .. وقفي زوجك عند حده ... الزنا ما فيها شاورني واشاورك ... خلك جاده في الكلام معاه ... وقولي له انك خايفه على نفسك من الامراض ... ومو مستعده تعيشين مع شخص ما يخاف الله ... هو مستغل تصرفك السلبي انك تسامحينه كل ما ذرف دمعتين وتأسف .... حبيبتي ممكن تسامحينه في امور ثانيه لكن امور فظيعه مثل الزنا لا .. اجلسي معاه جلسه اخيره بعد الدعاء والتوكل على الله ... وخذي منه وعد انه يترك التصرفات والعلاقات المحرمه هذي وهو قال انه مريض ... حاولي تفهمين منه القصد ... فإذا تشوفين نفسك مستعده توقفين معاه وتغيرينه ... لا تدخلين اهلك ... وابدأي بتذكيره بالله وتشجيعه على انه يتغير ... اما اذا تشوفين انه ما منه أي فايده ولا هو مستعد يتغير دخلي احد كبير من اهلك يوقفه عند حده .... والشيء الثاني ... لا تسمحين لزوجك انه يشتمك او يمد ايده عليك ... وتفاهمي معاه بهدوء وجديه في هذا الامر .. وصدقيني ما ان يترك علاقاته المحرمه ويرجع لله ... بتقدرين تغيرين تصرفاته او هو اصلا بيتغير من نفسه ... الله يفرج همك ويوفقك ويسعدك ويهدي زوجك يارب ... |
حبيبتي روعه ..
مشكورة يالغاليه , راح اخذ كلامك بالاعتبار و افكر فيه .. و اطمنك =) لازم افكر و اقرر , ابيه و لا ما ابيه .. لو ابيه , كلامك راح انفذه حرفيا .. انثى الافندر .. تشريف لي اكون اول وحدة تردين عليها =)) .. حبيبتي لو لاحضتي اني كاتبة اللي يشوفنا مو يقول هذيلا ازواج .. كانا اصحاب, يعني احباب .. و بينا غزل كثير و مسجات حب انا اغرقه بيها .. و لما ازعل ما ارسله ايام , و اكون اشوي جافه معه , لحد ما اهو يجيني .. اتدلعله كأني عشيقه , البسله كأني عشيقه .. اسأله دائما ايش يبي: يقولي اشيا شرعيا ما تجوز .. اهتماماته كلها انا معه .. اهو من النوع اللي ما يطلع كثير من البيت .. يطلع ساعات بس لازم يقعد وياي و نسولف و نكالع تلفزيون و نتكلم .. كل اموره عندي , مشاكله كلها معي .. ما يخطي خطوة الا و سألني و انا معه .. حبيبتي انا مستغربه اصلا من خياناته ... ليشششش ... انا بنظري اني احتويه من جميع النواحي .. يمكن اهو يبا شي ثاني .. عيل علمني .. سالك دوم - علمنييييي !! فعلا كلامك يخلي الواحد يفكر !! - يمكن انا مقصرة و مادري ... مشكورة يالغالية |
زوجك مريض مرض شهوة يحتاج علاج سلوكي والعادة هي سبب البلاء
|
لمني بشوق ..
انا اتخوف كثير من هالناحيه .. و خايفه على نفسي .. لكني ما ذكرتله هالخوف .. قلتله الا الزنا , و نكر .. و حلف , و اقسم .. مع اني حاسة انه يكذب .. - شفته كم مرة يرد البيت و يغتسل! - سبحان الله ان بعض الضن اثم, لكني متأكدة انه يزني .. ياما قعدت وياه و اهو ينكر .. يقول انه مريض من ناحيه انه يكلم عالنت , و يستمتع بالكلام مع الغرباء .. عن الجنس طبعا .. و قرأت بنفسي .. لأنه نساه مفتوح .. بخصوص مد اليد و الهواش و السب .. ان شاءالله راح اكون حازمه معه .. انا نشأت في بيت كله حب و دلع , و الوالد الله يطول في عمره ابد ما مد ايده .. و لا شتم .. و لا كان فيه هواش .. و الوالده الله يحفظها يا رب , حنونه جداا لابعد الحدود .. فكل ما يهاوشني احس بخوووف شدييييد .. و ابكي طووول الليل .. مو متعوده .. مشكورة يالغاليه |
الرماني - شو الحل ؟
|
اذا انتي من ابوظبي بوصف لك استشارية نفسية
مادام انه يصلي عليك بوعظه وخليه يحضر محاضرات وأعطيه اشرطة او سي دي محاضرات متنوعة لعل يتذكر او يخشى لكن لا تكلميه الان عن الزنا والعادة هذه لازم يتركها لأنها لها تأثير على عقله وجسمه تجعله ما يصبر ولا يحس بالامور كما ينبغي وعلى سلوكه العام |
الله يعينك حبيبتي ... هذا خطأ تقع فيه الزوجه دائما ... المفروض من اول مدة إيد او تجريح توقف الزوج عند حده... شوفي يالغاليه محتاج منك شوية حزم وقوة ... ولا تتناقشين معاه عطيه كلامك وقرارك الاخير ... هذا مو مرض حبوبه ... زوجك إيمانه ضعيف وما يخاف الله ... ممارسة العادة السرية والعلاقات المحرمه ومشاهدة الافلام الاباحيه كلها تسبب ضعف الايمان ... ذكريه بالله ... ومثل ما قلت لك ... قولي له انك خايفه على نفسك من الامراض ... وشوفي شو قراره ... وخذي منه وعد انه ما يكرر تصرفاته ... سمع الكلام كان بها والا خبري اهلك ونصيحتي .. لا تبكين ولا تضعفين ... ولا تخافين ... انتي محتاجه للجديه والقوة علشان تحلين المشكله ... الله يوفقك يالغلا ... |
يليت الاعضاء يعلقون تعليقات مفيده
وتحل المشكله بعيد عن التعصب وادعاء المثاليات هذا منتدى يعني للحلول مو لتكبير المشاكل اتمنى الكل يقدر هالشي كثير مواضيع قريتها من شهور فيها تكبير وتفخيم للمشكله بينما الحل سهل رجاء اللي يحس او تحس ان ماعندها خبره وحل مجدي لايعلق / تعلق رجااااااء يااعزائي |
لمني بشوق : ان شاء الله .. راح اجلس معه و اوضحله هالشي .. الغريب انه يصلي كل الصلوات في المسجد .. و ينصح الناس ببر الوالدين مثلا, و يصلح في الناس .. لكن فالبيت - خلااااااص .. يتحول =( لكن باذن الله اليوم راح اكلمه |
حياكِ الله أختي الكريمه ..
أدام الله المحبة والألفه بينكما .. أختي هناك أمر توقفت عنده كثير .. ! وهو الفترة الطويلة بين حفلة الزواج والدخول (الجماع) أربعة أشهر .. أعتقد أنها فترة جداً طويلة وغير طبيعية إطلاقاً .. ثم لجوءه الى العادة السرية .. سبحان الله .. زوجه بمثل تلك المواصفات يدعها زوجها ثم يذهب الى الحرام .. ( العادة السريه ) .. هذا فضلاً عن الزنا .. وأعتقد لجوءه الى البحث عن اللذة مع أُخريات ماهو إلا ابتعاداً عن الإرتباط الذهني الذي عَلُقَ بباله خلال الأربعة أشهر حين اللقاء الخاص بينكما .. فلربما حين الجماع قد يعجز أو يصيبه فتور !! ماهو إلا فتور خوف للإرتباط الذهني السابق ..!! فارتبط الخوف مع الجماع فيصاب ببرود أو خوف .. لذا هو دائما الحذر من اللقاء بكِ والتحجج بالدوام وخلافه ..!! إذاً أختي الكريمة العلاج يبدأ من العرض على طبيب نفسي يحلّ هذه المشكلة .. متى مااقتنع في زيارة الطبيب بإذن الله هذا هو أول العلاج 0 يبقى لدينا مشكلة الخيانة .. هذه أمرها أيضاً خطير لكن لعله حين يبحث عن علاج للأولى . أن يقتنع بالحلال ..! وإلا يجب عليكِ متابعته ونصحه .. في ذلكِ .. وعدم التهاون فيه .. ولو وصل الأمر الى تهديده بالحسنى بإعلام أُسرته في ذلك لأن مثل هذا الأمر لايمكن السكوت عليه . العادة السرية مرض .. وهذا يدل على الإدمان عليها في مرحلة الشباب . أو هي أحياناً الهروب من مشاكل جنسية تحدث مع الزوجه . والإخوة والأخوات لم يقصروا في إيجاد حلول للمشكلات الأخرى . إلجئي الى الله سبحانه وتعالى فهو المنقذ من كل معضله والمخلص من كل مشكله . أسأل الله سبحانه وتعالى يوفقكِ الى كل خير . |
| الساعة الآن 08:42 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©