|
و الله عليكم نظريات ما أدري من وين جايتكم
من قال إن السمينة مالها حظ و أستغرب من اللي تقول ما أتوقع أن في شاب متعلم خلوق .......... وش دراك يا أختي الناس أذواق في اللي يبي السمينة و في اللي يبي النحيفة و من واقع تجربة ألحين أغلبهم يبونها دبدوبة ليتك ما حكمتي على السمينات كان أبرك روحي شوفي كيف أغلبهم يتهافتون على السمنة و خصوصا اللي قربت تتزوج يا صاحبة الموضوع خففي شوي مو كثييييييير و خليك على الـ 100 أو الـ 90 عشان صحتك أولا و لا تسمعين كلام الناس اللي يحطم أنا وزني 80 بس أهتم في جسمي و لا عمري فكرت أسوي رجيم يمكن لأن مناسب مع طولي و الحمد لله زوجي مبسوط فيني أصلا إختارني خصيصا و للمعلومية كل السمينات خفيفات دم و هذا شيئ معروووووووووووووف عنهن |
:d:d:d
عيل فديت خفة الدم لأن معروف عن الدوبات خفيفات دم :22: بس حبيبتي نزلي وزنج شوووي مو وايد عشان صحتج وعشان باجر لي كبرتي مايعوقج وزنج :25: ؛ وعلى فكره ، الريايل البحرينيين :17: يفضلون [ المربربه ] يعني الدوبه شوويات وياما ياما شفناااااااا متعلمين متزوجين دووبات ومستانسين معاهم اقولج اعرف واحد ، يعني جذي من اهلنا البعيدين تزوج وحده وزنها تقريباً ب وزنج لو انزل شويات وكل ما تقوله ماتبيني اضعف عشانك ؟؟ عشان اكون رشيقة قال لها لا انا احبج وابيج مثل ما انتي وآنه خطبتج وانا اعرف جسمج ف مابيج تضعفين ترى الناس اذواق فيه منهم من يبي الدوبه وفيه من يبي الرشيقة وفيه منهم من يبي الضعيفه بس لا تشيلين هم كل ذي أرزاق حبيبتي اموفقه يا قليبي |
اقتباس:
انا ماحكمت ولاشي والرزق بيد رب العالمين وقلت هالكلام الله يهديك وبعدين حبيبتي سمنه عن سممنه تفرق يعني الى مليانه غير البدينه وهي قالت انا بدينه الله يعطيها العافيه وهي طلب ارائنا مو ملزمه اقول شي غير الي اشوفه وياحبيبتي صاحبه الموضوع اتمني ماكون ظايقتك :28: |
اختيه عمره ما كان المظهر هوه الاساس ، الجمال جمال الروح مو الشكل الجسم و غيره
خليكي واثقة من حالك و لا تضايقي نفسك و ان الك نصيب بتاخذيه و ان كنتي مهوب مقتنعه من وزنك حاولي تخففيه حق صحتك اولا و الله يوفقك يارب و يرزقك ولد الحلال الي يسعدك و لا تضايقي حاالك ابد |
وعليكم السلام ممكن نسبة كبيرة من الشباب يحبون الفتاة الرويانة أو الزائد وزنها قليلاً عن الوزن المثالي ومع ذلك احرصي على تخفيف وزنك لصحتك وليس لأجل الزواج ثم أعرف وحدة من قريبات تزوجت وهي سمينة بمثل وزنك تقريباً أول زواج لها كانت بنفس الوزن ثم تطلقت (ليس بسبب وزنها!!) ثم تزوجت بعد ذلك مطلق وزوجها أنحف منها بكثير ومعها الآن 3 أطفال - ما شاء الله بارك الله - ومع ذلك خففت وزنها إلى 80 كيلو للحفاظ على صحتها أولاً وأخيراً والآن الحمد لله منتشر متخصصين في التغذية ممكن يرشدونك للطريقة المناسبة لإنزال وزنك بدل المحاولات العشوائية والنصائح التي تؤخر النتائج وإسألي الله أن يرزقك الزوج الصالح الكريم وأن يمتعك بالصحة والعافية عزوبي بس رجل |
مو كل نحيفه متزوجه ولا كل بدينه ايضا متزوجه
حاولي تنحفي لاجل ان تشعري بالثقه بكل خطوه ومسئله الزواج بيد الله في رعايه الله |
الله يرزقك ويرزقنى يارب مع انو وزنى الان في 70 ومن فتره كنت في 80 بس للاسف معظم الا يخطبوا كان يهمهم اول شي النحف مدري ليش وياما اتحطمت وبكيت صح في كثير اوزانهم كبيره ومتزوجات لكن يمكن حظهم حلوو او مدري ايش الحكايه انا احس ماعندي حظ ابداااا في كثير اشياء مابدي احطمك والله بس خففي وزنك قد ماتقدري وانا مازلت احاول اخفف المزيد من الوزن الا حولى والا يخطبوا همهم الاول الوزن الله يعين يااارب
|
اغلب الشباب يفضلونها ((مربربة)) يعني تكون زايدة في الوزن شوي , و اعرف قريب لي نحيف جداً و تزوج سمينة ..
لكن بشكل عام انصحك بالتخفيف لصحتك اولاً |
اعرف وحده كانت اختها كانت من الوزن الثقيييل
وياماوياما كانتتشكي لي انه اختها ما راح تتزوج و فعلا عدت الثلاثين و في وم سالتها اخبار اختك قالت لي انها انخطبت شافها واحد و سال عنهم و تزوجت وعندهم ولد ياخذ العقل شوفتني صورهم بلفيس بوك |
لا تشيلين هم
فليها وربك يحلها |
| الساعة الآن 09:30 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©