|
والله لو حدث هذا معي لاعتبرتها خادمه في البيت و ليست زوجه .. لن يكون لها مكان في قلبي و لن اضحي من اجلها باي شيء و سابخل عليها بكل شيء الا في ما فرضه الله لها دون زيادة و اعترف انني سامنع نفسي من كراهيتها و سابذل مجهودا لتلافي ذلك و هذا ليس الا لان الكراهية ان تمكنت مني فستمنعني من جماعها تماما ..
|
اخوي فهد ..
انت في البيت امامها دائما و اهلها مايجون عندها الا في السنه حسنه يعني طبيعي راح تبدي اهتمامها لاهلها انا زوجتي لا قابلت امها اولي امها اهتمام اكثر من زوجتي .. لان زوجتي اعطيها اهتماماتي كلها في كل اوقاتي بس حينما اقابل امها اكرم امها من المزيد و المزيد اكرام الزوجه من اكرام اهلها واكرام اهل الزوجه من اكرام الزوجه يعني العمليه مرتبطه ببعضها البعض بعدين ياخوي فهد .. المفروض انك تشاركها في مساعدة اهلها يوم وصلوا البيت و تخدمهم عشان تكسب ودهم و راضاهم اكثر و اكثر |
|
اخ فهد .. رغم اني ما اختلف عن غيري من البنات .. اهلي فوق كل اعتبار
ولكن شخصيا تعلمت ما اسمح لهالشي يكون على حساب حق زوجي علي كلامك في معظمه مقنع .. افهم شعورك لما تكون مكرم اهل زوجتك وفاتح بيتك لهم وتجي زوجتك تسفهك ولا كنك موجود قدامهم .. رايي انك ما تكتم هالشي وتصارحها باسلوب مزح .. ومشكلة جمودها العاطفي ناحية البنات .. مشكلة ما ينسكت عليها حاول تشوف هل المشكلة تعب وارهاق نفسي (سببه ادوية او روتين او شقاوة البنات او شغل البيت ) او هي جزء من طبيعتها .. اذا جزء من طبيعة زوجتك فسبحان الله الشغلات هذي ما تتغير بسهولة الا بارادة ربي ولكن ان كانت تعب وارهاق فاتصور لو خففت الضغط عليها شوي حاولت كل فترة وفترة تكسر روتين حياتكم .. ان شاء الله يجيب هالشي نتيجة مع زوجتك وتحس ببناتها اكثر .. حاول ما تخلي مشكلة عاطفتها القليلة مع بناتك تتداخل مع مسالة اهتمامها باهلها .. |
الحساسية والغيرة زايدة عندك حبتين
زوجتك تعامل اهلك مثل الضيوف وتبي تبيض وجهها ووجهك جدامهم لذلك اهملتك من غير قصد المفروض ان تقول لها وقت الاكل من باب الدعابة اي من لقى احبابه نسى اصحابه او من هذا القبيل يعني تذكرها باسلوب مرح وفرفوشي الصراحة انا ما الومك ولا الومها وبالنسبة لولائها من رايي مثل ما قالوا اللي ما له اول ما له تالي واللي ينكر اهله اللي ربوه وكبروه 100% راح ينكر اللي جاي بين يوم وليلة |
اهتمام المرأه بأهلها وبالحدود المعقوله
يعتبر طبيعي جدا كما تحدثوا الأخوات ولكن بعض الزوجات تغار من اهتمام زوجها بأهله حتى لو كان ضمن الحد المعقول بمعنى ان اهتمام الزوجه بأهلها يجب ألا يزعج الزوج ويجب ان يتفهم ويراعي مشاعرها بينما اهتمام زوجها بأهله يزعجها الى جانب غيرتها - بالطبع - من امه واخواته |
الاخ الكريم الظاهر انك دورت و مالقيت عيب في زوجتك...وكلامك الي ذكرته مجرد حجج لك عشان تتزوج الثانيه
الان بديت تدقق في الامورالبسيطه وتنتظرمنهاالزله..اعتقدليس باالضروره ان تناولك كاس الماء في اي وقت حتى وقت انشغالها اخي الكريم لاتنسى ان طوال ال10سنوات وزوجتك تخدمك وتخدم ابنائك وانت تمثل عليهاالحب.. المصيبه انك تهتمهاباالجفاء وغيرحنونه على بناتها..ياشيييخ اتقي الله مافي ام ماتحن على اولادهاواعتقد عدم تقبيلهم وضمهم لايدل على انعدام الحنان..واتمنى تجاوب على سؤالي بامانه...متى اخرمره قمت بااحتضان وتقبيل بناتك؟؟هل احتضنتهم اليوم؟؟ صدقني كل انتقاداتك تهون امام تمثيلك عليهابمشاعرك الزائفه..هذا ماصرحت به انت في موضوع سابق يخصك اخي الكريم فهد كيف تبي زوجتك تحس فيك وفي اولادك اذالم تحس في اهلهاواخوانها؟؟ولاتنسى ان هذول اهلهاقبل لاتكون انت زوجها...والي مافيه خيرلاهله مافيه خيرلغيره.. |
اقتباس:
والله لوكان الزوج يحب زوجته مايدقق في هذي الامورالتافهه لكن الي مايحبهامن الاساس اكيد بيقعد يدقق في تصرفاتها ويمسك عليها الزله..هذاشي معروف عندكم ياالرجال...حرام عليكم..راجع نفسك يااخي |
الاخت "ليه الغرور؟"
انا اعني سلوكها العام و ليس في موقف واحد وحيد .. انا اقصد سلوكها بصفة عامة و بشكل مستديم .. اقصد تفضيلها لاهلها باستمرار و بشكل عام و ليس موقف وحيد .. لو موقف وحيد لكان الامر سهلا و لكن انا اتكلم عن سلوك مستمر .. |
اخي الفاضل
والله انا اللي اعرفه ان سبحان الله الناس تختلف اللي ولائها لبيت زوجها >> ولاء زوجها لاهله وسبحان الله هذا الاختلاف لابد منه هون على قلبك وطول بالك وانا اتوقع انها لمن تكون ببيت اهلها تقول على بيتها بيتي او بيتنا تقصد مملكتها التي تتكون منك ومنها وبعدين شي تاني ** على الجمود العاطفي ان المصارحة شي مهم جدا ياخي لازم تقول لها عليه بمنتهى الوضوح والرفق__وشي مهم جدا ان تكون انت معها تعلمعا بسلوكك الايجابي كيف تدر بالعاطفة على ابنائها معليش ياخي هي ممكن عندها عاطفة كثيرة بس مو كل انسان عنده وسيلة لاظهارها ضروري انك تعلمها خلال حياتك اليومية مثلا--تجي تصحي الولد الكبير من نومه وتمسح على راسه واكتافه تقول له ها بابا كيفك حبيبي نمت كويس اليوم!! واتركه لينصرف بعدها انت علق عالموقف دا وقول لها كدة ابغاك تعملي كل كم يوم مع العيال وبين لها ان هالموضوع يهمك جدا واتربويا هو مهم اصلا وان دا ضروري عشان يعيشوا حياة مستقرة ويساعد الاحتضان قبل النوم على تقوية جهاز المناعة عند الاطفال ومن هالكلام>>وان هذا الشي يضمن لنا عدم انحرافهم عند الكبر ان شاء الله ((الله يحفضلك هم من كل سوء)) لكن لابد انك تعلمها وتتكلم معها كل كم فترة عالموضوع دا وتكون انت قدوتها الله يوفقك لكل خير |
| الساعة الآن 12:35 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
