|
اخذي بنصيحه رزان واذا مانفع وريها العين الحمراء
انا شخصيا صارت لي مشكله مع اختي وتغلط على وتسبني وانا اقول جزاك الله خير وماقصرتي وانا ابكي من داخلي بعدين شفتها تتمادى وانا اعرفها جبانه مو حق مواجهه كله مسجات بعدها حشرتها في زاويه وبينت لها الصح من الغلط قلت انا محترمه وانتي تماديتي فيني مو من ضعف شخصيتي ماارد بس احترام لك ولنفسي بس انتي مو كفو احترام << كأني انفعلت بعدها والله بطلت مسجات وهدت وصارت تحترمني << طبعا كان على اثر سؤ تفاهم صار بينا الله يهدي بالك وتتزوجين وترتاحين من المشاكل |
الله يفرج همك غاليتي عندنا وعندك خير كأنك تتكلمني عن اختي الله المستعان الدنيا أصبحت غريبة لما الأخوات يكرهون بعضهم لما يتعاملون مع بعضهم بجفاء لما الغيرة والحسد ؟؟ ليه الأفكار السلبية عن بعض |
ـأللهـِ يهديهآِ ـإنِ شآءـأللهِـ ’
إذآِ تبينِ تخففينِ منِ ـآلشعورِ بآلغيضِ وـآلقهرِ منهآِ ’ تذكريِ ـإنهِآ مريضةِ , مبتلآةِ ’ لأنِ الإنسآنِ ـآلسويِ مستحيلٍِ يسويِ كذآِ ’ , وـآنآِ معِ ـآختيِ رزآنِ ’ جربيِ معهآِ هـِ ـآلأسلوبِ ’ ـآمدحيهِآ لكنِ بدونِ مبآلغهـِ عشآنِ مآتقولِ تحسدنيِ ’ ولآِ تمدحينِ الأشيآءِ ـآلليِ عندهِآ بسِ موِ عندكـِ ’ لأنِ ـآكيدِ بتفكرِ ـإنِ هذآِ حسدِ ’ وإذآِ صليتيِ لآِ تبخلينِ لهآِ بآلدعآءِ ’ إنِ ـأللهِـ يشفيهآِ ’ ويعطيكـِ خيرهِآ ويكفيكِـ شرهآِ ’’ وهيِ ـآكيدِ موِ سآكنهـِ عندكمِ ’ إذآِ مآِ فآدِ فيهِآ خلآصِ ـآبتعديِ عنهِآ ولآِ تحتكينِ فيهآِ نهآئياًِ ’’ وـآختكِـ ـآلصغيرةِ ـآجلسيِ معهآِ وكلميهآِ ’ وقوليِ لهآِ إنكِـ تحبينهِآ ’’ وأختكِـ ـآلكبيرةِ لآِ تفرِ رآسهآِ بأفكآرهِآ ـآلسودآءِ ’ وجيبيِ لهآِ موآقفِ تبينِ هـِ ـآلشيِ ’ وإنكِـ ـإنتيِ مظلومةِ ’’ عِ الأقلِ عصفورِ بآليدِ ولآِ عشرةِ علىآِ ـآلشجرةِ ,, ـأللهـِ يصلحهِآ ويهديهِآ ويسخرهِآ لكـِ ’ وـأللهِـ يرزقكِـ ـآلزوجِ ـآلصآلحِ ـآلليِ ينسيكِـ ـآلدنيآِ وهمومهآِ ومشآكلهآِ ’ , دمتيِ بخيرِ ’’ |
السلام عليكم .. قرأت الموضوع لكن ماقرأت الردود ومستعجله جدا لكني ماابغى اسجل خروجي قبل ماارد عليك .. بصراحه الموضوع مره ضايقني وحاسه فيك لانو عندنا نموذج بالبيت وبصراحه انا قاعده احاول احل هالمشكله بقراءه سوره البقره بشكل يومي + الاستغفار .. واحاول ابعد عن اي نقاش او مزح معاهم عشان مااعطي فرصه للغلط .. وبغيت اقولك حاولي تكلمين امك او ابوك بهالمشكله اللي تحسينه متفهم اكثر اشرحيله الوضع .. ورديلي اذا صار معاك اي نتيجه .. الله يصلح الحال .. |
الله لا يفرق بينكم
اختى قريت موضووعك وقريت ردوود الشباب انا اتووقع قبل ماا اتووقع كيف معاملة ابوك وامك لك تختلف مع اخوواتك او اختك الكبيره ؟؟ اختى الشيطاان حريص على زرع الغيره بين الاخوان وزرع العدااوه اذا كاان تعامل ابوك وامك لك يختلف عنهم مثلا لو كان يدلعوونك اكثر منهم ويعطوونك وكلامك مسمووع اما هم عكسك فا كيد بيكرهوونك ويعملوونك بحقد >>> مثل قصة النبى يوسف مع اخوته حينما قالوا قال تعالى ((اذ قالوا ليوسف و اخوه احب الى ابينا منا و نحن عصبه ان ابانا لفي ضلال مبين )) ربمااا حسد وغيره فنصيحتي لك انك تعاملينهم بالطيب والكلام الطيب وضحكين معهم حتى لو تعرفينهم على صديقاااتك وانك تبينين انك ماا تقدرين تستغنين عنهم واذا تكلمتي معهم سووي نفسك اصغرهم ماا تفهمين الدنيا كثرهم ساليهم اخذي راايهم الله يصلح اختك اتمنى اني وفقت على ردي اذا اصبت فمن الله وان اخطاات فهو منى ومن الشيطااان |
السلام عليكم ورحمة الله وبركاته
سبحان الله المشكله واضح انها ليست مقتصره عليك فقط من الردوود واضح انه يعاني منها عدد لا باس به من البيوت ان لم تكن في معضمها وهذا كله بسبب البعد عن الله وحب الدنيا والعياذ بالله اصبري على مبتلاك ومثل مانصحتك الاخت رزان امدحيها , وفي نفس الوقت طنشيها اذا حدثت مشكله تجاهليها وكتمي غيضك ولا تنسي اجر كتم الغيض ... فحتسبيه ل الله تعالى . ولا تبدين تصرفات او سلوك تندمين عليه معها وفي الاخير لا يصح الا الصحيح الله يوفقك ويعجل بتفريج همك |
وعليكم السلام ورحمة الله وبركاته
أختي أنا نفسج كنت حاطة مشكلتي من قبل .. وعن أختي الحقودة الله يهديها.. هي من يوم وأنا صغيرة تحقد علي وتغار مني بشكل فظيع ..عيونها علي بكل شي بدراستي بشكل بالخطاطيب.. تبا تكون أحسن وحدة بالبيت ودايما تحاول اطلع عيبي بشكل غير مباشر .. المهم مشاكل ومواقفي معاها كثيرة.. الحينة بدت معاملتي تتغير معاها .. بديت معاها بمبدأ التطنيش..أي حركة أو أي كلام تقولي اياه ..أخلي عمر ما سمعتها وأطنشها ..أو أبتسم .. بتشوفينها زادت غيظ.. وبتشوفج أكبر من جيه.. وتعرفين أنا اكتشفت الشي اللي يخليها تحب تنرفزني ..وأكيد أختج مثلها.. هي تعرف إنج تتنرفزين لما توجه لج الكلام واتحطين بخاطرج وتصيحين.. يعني باختصار تعرف نقطة ضعفج ..فتستغل نقطة ضعفج وتحب تشوفج حزينة ومكسورة الخاطر.. الصراحة أنا ما ابين لأحد نقطة ضعفي أو ليش زعلانة ..عشانهم لا اراديا بتشوفينهم على طول يذكرونج وينرفزونج.. حاولي أبدا ما تتضايقين جدام أحد ..وخليج فرفوشة ..وإذا قالت لج بتعنسين ومن هالكلام .. قولي لها يزاج الله ألف خير وايي منج أكثر..:25: وقولي لها كل شي بيد الله ..وخليج كوول وطبيعية .. ولا تعطينها ويه وايد ..وحاولي تتجنبينها اذا حسيتيها تبا تسوي مشاكل .. ما عليه أختي أنا وااايد عانيت ولين الحينة أعاني .. بس لما أتذكر قصة يوسف عليه الصلاة والسلام وأقراها في القرآن ..أحس براحة عجيبة .. وأقول سبحان الله كيف وصل سيدنايوسف عليه الصلاة والسلام وكيف تغيرت أحواله واستوى أحسن من أخوانه.. يمكن ابتلاء من رب العالمين.. عيشي حياتج ولا تخلين شي تافه يكدر عيشتج .. ترى باجر ان شاء الله بتعرسين وبتروحين بيت زوجج .. الحمدالله أنا الحينة أحسن من قبل وااايد وصارت ما تهمني .. واقري على عمرج واقري المحصنات.. والله يسعدني ويسعدج حبيبتي..وأي تطورات خبيريني.. أوكيك.. |
احمد الله تعالى واشكره اني عرفت هذا الموقع الراقي واني لقيت أخوات وإخوان كرام لا يبخلون علي بالحلول الله تعالى عوضني بيكم فانتم بدالها. ما قصرتوا قريت حلولكم كلها حرف حرف وفكرت فيها كلها رزان هي سيئة الظن وحقوده علي بطريقة احس فيها حقد كبير مش مجرد كلام هي ما تسمحلي ارويها العين الحمرا لان تجرحني وايد روحي مجروحه الله يجبر كل جروحك وجروحنا ما اعرف ليه هاذا التسلط جاذبيه هيه مقهورة منها وتيلي غصه كل ما اذكرها واذكر كلامها وهي مو ساكنه عنا بس على طول عنا انثى بس غير النماذج وايد كاثره هاذي الايام إن شاء الله بجرب الاستغفار وقراءة القرآن muhammed10 فعلا يمكن كلامك صحيح انا اصلا احتاج ليها ولكن هي اذلني مذله و اقسم بالله تتفنن كنت بذكر موقف بس خليها مستورة احسن حياتي لها معني شكرا لاهتمامك والله يرفع البلاء عني وعنك وعن كل مهموم صح كلامك ما ابي اعمل شي اندم عليه بحر السكون الله يرفع البلاء عنا جميعا يعني التطنيش احسن حل هي تعق الكلام وهي عارفه أنه رح أتغيظني وتعرف تختار الأوقات انزين ليش كل ها التصميم لأنها معقده وتبيني أكون نفسها مريضه تنتعش لما اتعق الكلمه كانه في زورها وزاعتها علي صرت لما اذكرها أحس بالغيظ |
واستخلصت إني ما رح احتك او أشوف حتى وجهها:29: لمدة أسبوعين لين تصفى النفوس وعشان أتفدى إي مشكله ثانيه الخطوة الثانية انا كلمت أمي واتفقت معها انه إذا احتقرتني مره ثانيه انه هي أترد عليها مب إنا عشان أتعرف انه حد وراي حد يسال عني ،،،أخر مره صح إني انهنت لكن كان منها في صالحي لان انكشفت على حقيقتها والخطوة الثالثة سميتها الحرب البارده ههههههه:d إني اعملها بالزيين الطيبة بالرغم اني أحس انها ما تستأهل وامدحها في الأشياء اللي نشترك فيها ، ورح أسوي اللي أبيه على جرعات يعني مثالا خاطري البس او اكشخ بس بدون تعالي عليها طبعا وإذا استحقرتني وحاولت تغيظني بسوي نفسي ولا شي يهمني والله يقوني لانه هي تتفنن في احتقاري لين ما انهار وأنا في نفس الوقت بزيد في كشختي لين ما تمل عشان ابين انه محاولتها فاشلة واموتها غيظ :18:. بس الله يستر علي ما دورلي مصيبة ثانيه لان قبل شككت اهلي فني اني بنت صايعه. ورح اخبركم بعدين التطورات ودمتم بخير |
الله يفرج همك يالغاليه وأمك وش دورها في الموضوع يعني لما شافتها تصارخ عليك وتحتقرك وتتمسخر فيك وش سوت؟؟
بصراحه دنيا غريبه الأخوات لازم يكونوا قلب وااااحد وأيد وحده الله المستعان بس |
| الساعة الآن 01:17 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©