|
السلام عليكم
حبيبتي ممكن علشان انت مو قادره تنسين خطيبك الاول قاعده تقارنين هذا من عيوب القاءات فترة الخطوبه قبل الزواج لو عندنا يصلخونها و ينتفونها ولا تطلب تكلم خطيبها المهم مو موضوعنا اسمعني حبيبتي لا تشوفين نص الكاسه الفاضي و ركزي على النص المليان انت تقولين طيب و حنون و رومنسي و كريم وااااو ما شاء الله تبارك الله هذا احلى شئ تحتاجه المراه من زوجها يا بنت هو حد لاقي هالمواصفات اليوم اقول اعقلي يا بنت و اذا مو عاجبك حوليه علي أنا احطه بعيوني>>>>>> امزح يا عيوني لا تعصبين أسأل الله ان يوفقك و يسعدك معاه و يصير ملاك بعيونك و تذكري ارضى بما قسم الله لك تكن اغنى الناس وتذكري انو فيه ملايين البنات تتمنى بس تسمع كلمه حلوه و لو بالحلم انبسطي مع زوجك و عيشي حياتك تحياتي لك |
اولا احمدي ربك انو ربي عوضك
ثانيا ماحدا كامل وايش عرفك يمكن هو كمان في شي مو عاجبو فيكي ومو قادر يقول لانو يحبك انت جيبها عن طريق انك خايفة على صحتو وانو السمنه الزائده لها اضرار ممكن لما يحس انو تبغيه ينحف عشان صحتو مو بس عشان شكله يمكن يقتنع جربي معاه ولا تيئسي بس فعلا اختي الشكل مو كل شي تخيلي يجيكي رجل جذاب وحلو ومايعرف شي بالرومانسية وراعي بنات وسفر بقلك قصه مرة متعتبتني انا خطيبي مارح اقول حلو بس جذااب بسم الله ماشاء الله وطبيعه عملو اغلبها مع النساء وتخيلي نساء جالسين يحاولو يتعرفو عليه او بس اكون معاه طالعين البنات تطالع فيه !!! أي احسن بنظرك؟ ماحدا كامل يااختي وانتي اولي معاه لا تيأسي |
اقتباس:
ذكرتني حكاية الوردة بزوجي الحبيب .. عندما أضيء شمعة أو شمعتين (لزوم الجو الرومانسي) يأتي ويطفئها لأنه يقلق من التلوث وانبعاث ثاني أكسيد الكربون من الشمعتين الصغيرتين ;) عزيزتي.. أسئلتكِ عن شعوركِ وسلوككِ معه فيما بعد بسبب شكله لن يستطيع أحد الإجابة عنها إلا أنتِ .. فمثل هذه الأمور تحكمها القناعة أولاً وأخيراً .. وكذلك تحكمها أولوياتكِ فيما تتمنينه في شريك حياتكِ .. بمعنى إن كان الشكل يمثل أمراً جوهرياً بالنسبة لكِ فلن تتمكني من التغلب على ما تشعرين به الآن والذي سيتضخم فيما بعد بطبيعة الحال .. أما إن كانت صفاته الأخرى ـ التي تقولين عنها إنها كاملة تبارك الرحمن ـ هي الأهم بالنسبة لكِ فعندها ستتراجع أهمية الشكل في نظركِ وستتمكنين من التكيف والقبول به كما هو. بالمناسبة .. ربما لا تكون المرة الأولى التي أتحدث فيها عن هذا الأمر .. وفي نفس الوقت ربما تكون في الإعادة إفادة كما يقولون .. فزوجي الحبيب ليس وسيماً على الإطلاق .. ولو كنت رأيته قبل أن أكلمه فلم يكن ليلفت انتباهي أبداً .. ولكن نظرأً لأن الشكل لم يكن من ضمن أولوياتي .. ونظراً لأنه يتمتع بصفات إيجابية كثيرة فإنني استطعت تجاوز نقطة عدم الوسامة ببساطة شديدة .. بل ألفته وأحببت شكله وهو على قلبي مثل العسل :22: |
اقتباس:
مشكوووورة على مرورك الحلوووو يا حلوة :28: وربي اسعدني .. و اسعدتني أكثر دعوتك .. الله يحببك فيه الله يحببني فيه . و نفتك بئى أما اخواني يجبروه يشترك بناديهم .. بحاول والله اقول لاخواني مع اني احس خطيبي ما يسوي الا الشي اللي مقتنع فيه .. ما احد يقدر يجبره على شي ما يبي يسويه ممكن يروح مرة أو مرتين عشان ما يكسر بخاطري .. بس أكيييد ما بيكمل .. بس بحااااول معاه أما المقارنات .. والله يا قلبي .. الله لا يحطك بموقف مثل كذا يمكن كمان اللحين أهوووون من بداية الملكة .. كان الوضع بالبداية مززززري .. غصب عني اتذكر .. غصب عني تمر في بالي المواقف مثل الافلام .. و الاماكن كمان لها تأثير .. تذكرك غصب بس اللحين الوضع في تحسن الحمد لله .. يعني تصرفات خطيبي اللحين و كرمه أحس تمحي أغلب لمواقف اللي عاصرتها من قبل .. بس قضية الوسامة .. شوي يبي لها وقت و مجهود يمكن مشكووورة حبيبتي ع مرورك .. و لا تحرميني تواجدك |
اقتباس:
مرحبا حبيبتي دارك قرافيتي .. نورتي الحتة .. مرورك لطيف جداً .. أسعدني و الله .. الله يسعدك بالنسبة لخطيبي .. ما اعرف وزنه بالضبط .. بس أتوقع وزنه ممكن يكون 100 .. هو كمان طوييل و عريض هو عنده علم اكيد ان السمنة مو زينة عشان صحته .. بس للحين جالس ياكل .. مدري ليه ههههه بس تدرين عجبتني مررررررة فكرة اني اشترك معاه في نادي رياضي .. حلوووة الفكرة .. مع ان جسمي ما يحتاج .. بس ما يمنع عشان اللياقة مثل ما تفضلتي .. بس اتوقع يبغى لها دراسة .. عشان زحمة الدوام و الالتزام .. اوووف .. بس بناقشها صراحة فكرة خراااافية :22: أما الطبخ .. الصراحة انا مو راعية طبخ .. في الحقيقة و الواقع .. هو اللي فنان في الطبخ مو أنا .. يعني ما علينا خوفة خخخخ أما للتوضيح بالنسبة لقضية الصدر .. اممممم شفتي بعض الرجال اللي يكون صدرهم بارز شوي .. هو كذا .. اتوقع من السمنة .. بس المهم هالشي يقرفني صراحة .. بس قريت ان الناس لما يضعفون يخف هالشي .. بس يعني شنو مافي حل ثاني .. قريت ان في شي مثل الشفط .. عملية جراحية .. بس صراحة أخاف عليه .. لو يجيه شي لا سمح الله ما راح اسامح نفسي أبدا .. بكون تسببت في الولد و هو كان قاعد في بيتهم مرتاااح اقتباس:
صح لسانك .. ربي ما يحرمني وجودك |
اقتباس:
اخوي سامر عسيري .. مشكووور على مرورك و تعليقك .. اختي دارك قرافيتي .. ردت و قالت اللي في بالي .. الله جميل و يحب الجمال .. و دام الشي هذا في يدنا .. ليش ما نسعى لتحسينه انا ما عبت عليه لون بشرة و لا خشم و لا عين .. انا متوكله على الله في جميع اوقاتي .. و للمعلومية احنا مملكين اللحين .. بس هو زاد وزنه اكثر بعد الملكة .. على قولته الراحة النفسية و الحب يفتحون الشهية !! ارجو انك فهمتني .. انا مقدرة النمة اللي ربي عطاني اياها .. و ما ابغى اخسرها عشان شي ممكن يكون تافه بالنسبة للأمور اللي قاعدة تصير في بيوت كثيرة .. عشان كذا أنا استشرتكم .. مشكووور اخوي مرة ثانية على مرورك |
اقتباس:
و يسعدك يا رب يا عريس بكرتونك هههههه والله المشي .. ممتع صراحة .. كنا نمشي مع بعض في بداية ملكتنا قبل ما يساااافر .. كنا نمشي و نسولف و ننسى نفسنا .. شوي و نوصل الحدود ههههه بس اللحين اسم الله عليك .. شايف الجوووو شلوووون .. حتى الواحد ما يبي يطلع من بيتهم مو بس يمشي ههههه راح اشتري الكتاب ( افتح النافذة فثمة ضوء ) بالفعل أنا محتاجة اغير نفسيتي مشكووور اخوي على مرورك اللطيف اقتباس:
وهــ فديتك بس يا دااارك قرافيتي .. خذي راااحتك و انشكحي على الآآآخر البيت بيتك و المطرح مطرحك .. وهــ بس ههههه مشكووورة يا قلبي على الاضافة المفيدة .. بس بسألك .. أنا سمعت ان الشاي الاخضر ممكن يأثر على الكلى صحيح ؟؟ و فيه له مضاعفات ثانية ناسيتهم و الله انا اللحين .. بس صحيح و لا لا ؟؟ طيب في اعشاب .. ناسة اسمها بالضبط .. لكن اظن اسمها herbal life ,, أنا مشيت عليها فترة من الفترات مرة علي كنت زاد وزني في رمضان كثير .. فقلت يا بنت الوضع كذا ما يمشي .. مشيت على برنامج الاعشاب هذا .. المفروض 30 يوم .. بس أنا ما قدرت اكمل الا 20 يوم بس . بس ضعفت كثييييير ودي يجربهم .. احسه بينتحر مسكيييين ههههه تعرفي .. أنا احس اني مو قااادرة اسيطر على أكله .. لأننا مخطوبين .. يعني مو جالسين مع بعض بنفس البيت و امه ما شاااء الله عليها طبخها لذييييييييذ و لا يقاوم جربته أنا .. و كمان ملياااااان سعرات حرارية و لا تفكر اصلا انها تقلل .. صحيح اغلب اخوانه سمينين .. حتى البنوتات .. هم كذا .. عشان العادات الغذائية في بيتهم موش و لا بد .. بيتهم يبغى له شغل جامد ههههه |
اقتباس:
لا ما يرضيني .. بس كمان تفكيري مو مادي .. اني أعد وضعه المادي الجيد و منصبه .. مميزات بالنسبة لي .. أنا ما اعتبره تفكير مادي .. كل وحدة تبغى تتزوج واحد مرتاح ماديا .. عشان هي كمان ترتاح .. عموما انا قلت كذا .. و المقصد النهائي انه ما يعيبه شي استغفر الله .. اعرف ان المقارنات بهالطريقة ما تجوز .. بس اعوووذ بالله من ابليس عاد تدري .. أنا كثير أحاول اشتت تفكيري عن شكله و اقول أنا كمان تنقصني اشياااء و هيك بس برضووو ارجع بعدين و افكر في شكله .. مخي يبي له تنتيييف :29: |
اقتباس:
مشكووورة على مرورك اللطيف يا نور الذاكرة مو دايما جيدة .. الذاكرة احيانا تصير جزمة .. بس وسعي صدرك حبيبتي .. و ان شاء الله ربي بيسهلها أما بالنسبة للجمال .. هو صحيح فيه اشيااااء كثيره تغطي على سالفة الجمال .. بس ياربي .. كل احد يتمنى يكون شريك حياته على درجة عالية من القبول .. و مثل ما قلت انا في بداية موضوعي .. أنا خايفة من المستقبل .. يعني كنت حابة اعرف تجارب الناس .. هل الاشياء و المشاعر هذي تضمحل مع الزمن .. و لا بالمقابل تزيييد و تستفحل .. ! |
اقتباس:
عجبني ردك مررررة و ضحكني ههههههه لا خشمه عااادي .. و عيونه عاديييين .. يعني مو مشكلة عويصه بس جسمه هو مشكلته .. كمان ف ناس يكونوا سمينين بس مالهم صدر كبييير .. هو استغفر الله صدرةه كبير .. وشو حل هالمشكلة ؟ رايك يعني اسجله في قناة المجد ؟ ههههه |
| الساعة الآن 12:23 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©