|
السلام عليكم
حسب اعتقادي انك اعتذرت لزوجتك بطريقة اكتشفت فيها ضعفك وشدة حبك لها وانك لا تستطيع الاستغناء عنها وعن ابنك لذلك هي ترى انها الآن ندا لك وترد الكلمة بمثلها خاصة وأنت تهينها بالتلفظ بكلمات تدل على احتقارك لها ساعدها في تربية ابنك فهو ليس ولدها وحدها وفي تنظيم وقت نومه حتى يكون لديكما وقت تقضيانه معا كما كنتما قبل ولادته فقد تكون متعطشة لحنانك وحبك وتشعر بالفراغ العاطفي بعد الانجاب وتعصب عليك و تريد منك ان تفهم ذلك بدون ان تطلب (بعض النساء والرجال كذا) والافضل عند ما تعصب انت ان تخرج من البيت حتى تهدأ أعصابكما ثم تحلا المشاكل بهدوء دون ان تظهر لها ضعفك وقلة حيلتك فالمرأة مهما كانت لاتهتم بمشاعر الرجل الضعيف أو من يحاول احتقارها والتقليل من شأنها اتمنى ان تعيش حياة هانئة |
اقتباس:
صدقيني انا عارف كلامك صح بس مشكلت دمعتي مافي امل تنزل والحين حاس نفسي ماقدر اكلمها هي غلطانه وكم مره فهمتها |
اقتباس:
|
اقتباس:
انا استفدت منكم الله يعافيكم من ناحية ان لساني يكون افضل من بعض الكلمات الشينه مثل انقلع والخ ... |
اقتباس:
وباذن الله ربك يسر الله كل امر |
اقتباس:
بعدين من ناحيت النفسيه اذا مو حبوب منع الحمل يمكن فيه شي مضايقه مو شرط من تجاهك يمكن من صديقاتها قرابتها احد جارحها بكلمه وعشانك انت اقرب الناس لها واثقه انك تحبها وهي تحبك صارت بس تتهاوش معاك ياخي اقرب مثل المره ماعندها شي اغلا من ضناها واذا تمشكلة مع زوجها او كانت متضايقه من شي حطة حرتها في ضناها كذا زوجتك صارت بس تنتظرك ترد البيت وتتهاوش معاك انا ما اقولك اعتذر اذا مو غلطان لاتعتذر بس لاتكون جاف معاها حاول تتجاهل الزعل بالبيت خلك رسمي اشوي عشان هي اتحاول يخف زعلها وبتلاحظ تغيرك واذا اسئلتك قول عشان نبعد عن الهواش وجع الراس بتقولك انت تغلط وتقولي كلمات شينه قول انا اعتذرت وعدتك ما اعودها بس انتي مو مصدقتني شسوي شفت ان هاذا انسب حل لنا بس احذر انك تتجاهلها انا اقول تجاهل الزعل سولف معاها طالعو التلفاز جميع عادي بس بثقل اشوي ومزح خفيف مثل عطيني مويه ياحلوه كلمات حلوه مع ثقل اذا شفتها تغيرت اشوي خفف الثقل حتى ترجعون مثل اول واحسن واذا تناقشتو في الموضوع قولها انتي زوجتي وام اعيالي انا اخترتك شريكت حياتي موبس زوجه يعني اذا انتي ماتحملتيني منو بيتحملني انتي نظر عيني وقطعه مني صدقني الكلام الحلوو ياثر بالمره الله يوفقكم ويسخركم لبعض |
اخوي كأنك تتكلم عن زوجتي ..
صراحة انا مريت بكل اللي قلت عليه مع بعض الإختلافات.. أولا احب انبهك لشي ضروري تحل المشكلة عاجلا ولا بتوصلو مواصيل حتى الطلاق ما يحلها لأنها ممكن تدمر نفسيتك وتعقدك .. الشي الثاني عليك بالحزم الحزم ثم الحزم معها .. وأنا اللي عملته انها يوم خرجت وكانت واصلة معاي .. يوم رجعت لقتني لميت كل أغراضها وحطيتها في شنط .. وقلت لها خلاص اللي بينا انتهي هيا على بيت اهلك .. ووضحت لها الاسباب كاملة .. واخدتها على بيت امها .. هي انصدمت وما اتوقعت لأنو كان على بالها اني ما اقدر استغني عنها .. وبعد شهر قلت لها ترجعي بس بشروط .. وشهدت امها علي شروطي .. والحمد الله الآن بدأ ينصلح حالها .. ولكنها احيانا تخرج عن طورها فأمشي لها المرة الأولى فقط .. ولكن بمجرد ما تكرر انبها بقوة وبحزم .. ولكن من دون رفع صوت او تلفظ .. جرب الطريقة هادي وان شاء الله تنجح .. ولكن اياك ثم اياك ان تبكي لها .. فسوف تستأسد عليك زيادة .. |
في خطوات:
- الاحترام المتبادل - الحب يعني التسامح والمغفرة والتنازل - لا تتلفظ بالكلمات التي تثيرها وتشغل غضبها حتى لا تتلفظ هي في المقابل - كن حاسماً إذا بدر منها كلمة بذئية في حقك مع التهديد والوعيد بعدم تكرارها - العقاب بالهجر والدعاء بالصلاح - حاول ان تغيروا نفسيات وأجواء وأماكن .. التغيير مهم ويجدد - الكلمة بالكلمة والنديه لا ينتج عنها سوى الزعل (شد وارخي.. وتجاوز) - الكلمة الطيبة صدقة .. لا تبخل بمشاعرك ولا يقلل النطق بها من قدر نفسك ونفسها - .... هذا ما استحضره الآن من واقع تجربتي. |
اخوي اجلس معها جلسه مصارحة
وكلمها عن كل الاشياء الي تدايقك وهي بالمثل واتفقو تتغيرو ولو تقدرو سافرو مكان هادي غيرو جو شوي وفعلا لو صار بينكم مشكله لاترد عليها واطلع من البيت شوي وبس ترجع لاتكلمها للمسا وبعدين اطلب منها تجلسو وااكلمو بلي صار وتحلوه وان شاء الله ربي يسعدك ويهديها |
مدري وش اقولكم بصراحة يارب يارب يسعدكم ويجعلكم من أهل الجنة كل من وقف معي ورد علي قوولو آمييين
وبصراحة بدونكم مدري وش راح اسوي الله لايحرمكم الأجر .. ابشركم لما قريت كل كلامكم ابشركم بفضل الله علينا انحلت المشكلة معها بعد ماسمعت اغلب كلامكم وطبقته والحمد لله والشكر طلعت بنيجه معها وباذن الله يبعد عنا وعنكم المشاكل ويسعدنا ويسعدكم . اشكركم |
| الساعة الآن 02:48 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©