هي مأجورة.. بإذن الله

وأنت آثم .. بإذنه

أخي .. من لا يرحم لا يرحم .. أتق الله .. لديك أبناء لا تتسبب لهم في عقد نفسية

غداً يكبروا وينتقموا لوادتهم منك ..

اخوان انا ما ارضها ولكن ما بيدي حيله ارجع واندم وابكي بيني وبين نفسيى
في اغلب الاوقات هي تكون معي اسعد الناس ولا قصر معها بشي
بس اوقات ماقدر اتحكم بنفسي ويمكن هي تنرفزني
مره بالليل برمضان ضربتها وقامت تبكي آخر الليل
وانا من شدة ندمي جلست ابكي بغرفة ثانية وحاولت انتحر

صقر الشرقية
جزاك الله خير على اسلوبك الرائع ونصحك مريح
واشكر باقي الاخوة والاخوات

استغفر الله العظيم ،،، انا لي فتره طويله ماكتبت بالمنتدى ،، ولكن ابغض شي بالوجود بالنسبه لي هو ان لرجال يضرب زوجته او اي انثى كانت مهما كاان السبب عظيم ،، حتى لو كان السبب خيانه .

اخوي انا احترم طرحك لهالمشكله بكل شجاعه ،،، ولكن ماتشوف ان الرجال الي يمد يده على اي انثى كانت ، يكون ناقص برجولته ؟ يا اخي الرجوله ماهي بضرب الزوج لزوجته ، الرجوله هي انك تتحمل الغضب قدام اي انثى بكللل قوه علشان تكسب احترامها لك وتخليها تخجل من حالها ،، الرجوله هي انك تدلل زوجتك علشان تحسسها انها بكامل انوثتها بين يدينك وبوجودها معك ،، الرجوله انك تعظم قدرها بعينك علشان تجتهد بزياده لك اكثر من الجهد الي تلبيه لك لمجرد خوفها منك ،،، الرجوله انك تلبي لها احتياجاتها بكل حنان وموده علشان تحس انك رجل البيت والشخص الي تستند عليه وتحس معه بالامان ، الرجوله انك اذا اخطيت عليها بأي كلمه تعتذر منها ( ووالله العظيم انها قمه الرجوله والشهامه ) انت تدري يابلوتو انك تجرح وتهين كرامتها كل يوم؟؟ ،، انت تدري انها كلل يوم تحزن على الساعه الي وافقت فيها عليك كزوج ؟؟ انت تدري انك كل يوم معيشها برعب وعلى اعصابها ؟؟ يااا اخي انت تدري انها تسامحك على ايي خطأ بدر منك مهما كان عظيم وبكل سهوله بمجرد كلمه حلوه منك ،، وانت ماتسامحها على اتفه الاسباااب ؟؟؟ يا بلوتو تذكر ان ابوك وامك وعيالك وكل العالم الي حولك بيبتعدون عنك والدنيا بتلهيهم عنك إلا زوجتك ،، هي رفيقتك الوحيده لك بالحياه لين الله ياخذ امانته منك او منها ،،، يا بلوتو تأكد ان اي رجال يحترمك ويعرف انك تمد يدك على زوجتك بتكون بنظره شخص تافه وحقير ومصدر سخريه واول كلمه بيقولها من ورا ظهرك (( هذا مهوب رجال ))،، يا اخوي سألتك بالله تجاوبني تقدر تمد يدك على اي رجال بكل سهوله ؟؟ والله العظيم ماتقدر لأنك تدري انك ياذابح يا مذبوح ،، بس بسهوله تمد يدك على زوجتك لأنك تدري انها اضعف منك بكثير وماتقدر ترد عليك (( بالله هذي رجوله ))،،، خذها مني كلمه ولا تستحقر كلامي ،،، اتخذ موقف حازم بينك وبين نفسك ،، وروح اشتري ورده حمرا وعطها زوجتك واعتذر منها عن كل الالم الي سببتها لها ،، تراها ورب البيت قمة الرجوله ،، وسبحان الله بتسامحك بوقتها وبتكون اسعد انسانه بالعالم ، وبعدها يا اخي حسسها برجولتك الحقيقيه طول العمر ولا تخليها تفكر بيوم من الايام انها ندمت على الزواج برجال يحتقرونه الرجال اكثر من الحريم ، واعتقد يكفيك ان الاعضاء الي قبلي كلللهم لما قرو موضوعك ،، قالو بينهم وبين نفسهم (( الله يصبر هالمسكينه على بلواها )) . ماتحس انها قويه بحقك !!!

موفق يا بلوتو والله يسعدك ويهديك ،،،، واتمنالك التوفيق بحياه افضل من هالحياه الي انت خلقتها لنفسك ولأهل بيتك ...

خالد الذابح
جزاك الله خير

كلامك صحيح وسليم جزاك الله خير الجزاء... انا ارضربها ربما لانها ضعيفه واعترف باني من يسوي سواتي ناقص وفيه خلل

الحين انا معها سمن على عسل وامشيها واسفرها واعطيها كل شي تتمناه ولكن ما يحدث احيان قليلة يعني ما يمر شهر الا ويحصل ان اضربها والله العظيم ما ودي اضربها بس انا يمكن شخصيتي كذا ماعندي مشكلة في الاعتذار وتقديم الهدايا لها ولكن مشكلتي في ضربها واهانتها

اخوي خالد الذابح
جزاك الله خير الجزاء اهنيئك على اسلوبك مسيت داخلي بقوة الكلمة الطيبة صدقه

غريب امرك ياصاحبنا !!!!


انصحك اذا عصبت لاتجلس عندها حاول تعود نفسك تخرج برى البيت

اهم شي عارف انك تسوي شي غلط وحرام عليك
يعني عشانها صابرة وساكته تتمادى
اخي فكر شوي وقول لو تركت البيت انت قلت مارح تتحمل
فراح تصير تروح عند اهلها وتترجى وتدخل واسطات عشان ترجعلك ويمكن ماترجع
فلا توصل نفسك لهالطريق
الله يهديك

[QUOTE]انا ارضربها ربما لانها ضعيفه واعترف باني من يسوي سواتي ناقص وفيه خل[/QUOTE

ها انت قلت بنفسك ان ضعفها هو اللي يخليك تتمادى معها بالضرب والاهانه لان سلوكك غيز سوي..

هناك بعض الرجال يستلذ بضرب زوجته الضعيفه ولكن لو كانت زوجتك شخصيتها قويه كان ما تجرأت و ممدت يدك عليها

لانها سوف لن تسكت لك ابدا ..

لو كانت بنتك تأتيك كل شهر و تقول لك زوجي ضربني لاني ضعيفه و منكسره بماذا سوف تنصحها ؟؟

اتقى الله يا رجل ..