اختي يمكن سبب التسقيط يتوقف عليه الاكسجين والغذاء اللي تجيه من الدم
شوفي بقول لك طريقه وان شاء الله تنفع ..

اولآ/ اقعدي 6 شهور بدون حمل
ثانيآ/ جددي ثقتك بنفسك خلال الست الشهور ماعليك من كلامه وتهزيء لك اسحبي عليه ولا يأثر فيك شيء خليك قويه قدامه وقولي اذا هزأ تعودت عليك عادي وما عاد بزعل لأني اخذت عليك وصار مايحرك فيني شعره وشوفي شو ردة فعله بتنبسطين ..
ثالثآ/ قولي لزوجك الحمل انا برتب وضعي فيه ابشر باللي تبي بس عطني مهله ولا تكرر علي خلني اعرف شنو اسوي رجائي انساني شوي وانتي تغلي عليه ولا يدري بمخطاطاتك كلها والله هذا علاج هالفئه بيزيد احترامه وان شاء الله بينصلح كل اللي تبين ترى انا مثلك بس وربي صابرة ..
بعدين اذا حسيتي نفسيتك وصحتك تمام فكي الحبوب : احملي وهذا بيد رب العالمين .
بس وقت ماتدرين انك حامل روحي للمستشفى واشرحي لهم حالتك مع التسقيط وقولي يمكن مايوصله الاكسجين والغذاء يعني نبهي لهم واذا صار السبب نفس اللي قلت

تاخذين: ابر هيبرين +حبوب سيبرين =كلها ماتخلي الدم يتخثر وبسهوله يروح للجنين ..

..وربـــي يوفقك ويسخرلك يالغــاليه من تحبين عيشي حياتك وانبسطي لايهمك كلام احد ولا تعبت نفسيتك وجاك شيء ماحد بينفعك واقري قرآن بعد كل صلاة واستغفـــري وادعي اللهم اشرح صدري ويسر امري ..

ماشاء الله
الله يبارك لها فيهم
انا اقرى على نفسي وإن شاء الله ربي بيرزقني
وبالنسبة للناس هذي مشكلته يعلم كل الناس لما احمل
طبعا بعد آخر واحد كأنه آخذ درس
حتى يشوف زملاه مايدري عنهم الا بالبشارة

بالنسبة للحمل
أصلا انا اعتبر والدة لأنه ولدته ولادة
ونفست عليه الله يجعله شافع
والدكتورة هي اللي شبت عليه
قالت عادي لو حابة تحمل بس تاخذ الفوليك
بس انا تعبانة نفسيا لأن حملي مهدد مااتحرك
ويصيدني خوف لما ادخل دورة المياه وانتي بالكرامة
فخاطري اريح شوي
الله يختار الخير

اما تعامله
مانفع معاه الا الصمت
لأني لما اتكلم يزيد
وممكن يرمي علي كلام ماارضاه
بس الصمت ينزل اللي براسه ويسكت
بس انا اكرهه من بعدها واصير مااطيق اجلس معاه
ويبي لي وقت انسى
أما شخصيتي فالحمد لله قوية وواثقة وهو شايف هالشيء فيني كثير يستشيرني لما يتردد وأحيانا ياخذ من طريقة كلامي وتصرفاتي،ماادري ليه يعاماني بهالطريقة>>طبعا لما يعصب


آميـــــن يارب
والله يرزقك انتي كمان بالذرية الطيبة الصالحة ويجعلهم بررة وقرة عين

معك حق انا آخذ اسبرين
ووقفته نسيان ومات الجنين
عموما ان لي موعد بعد شهر يشوفون الاسباب الله يسهلها

أما زوجي
مشكلته يندم اول ماينزل اللي بخاطره
يعني هو مو سيئ بس بأقل شيء ينقلب وحش
بعدين يندم وأشوف الندم من تصرفاته
قلتله مرة انت رضاك وزعلك عندي واحد لأني لو أخطيت خطأ كبير والا صغير والا هندي البقالة أخطأ بلقى نفس الهوشة
قال غصب عني شسوي

الله يشرح لي صدري وييسر لي امري يارب

السلام عليكم ورحمة الله وبركاته /

لا ياأختي الطلاق والإنفصال أستبعديه ولاتفكرين فيه , أنت الآن نفسيتك تعبااانة لاو يمكن نفسيتك في الأرض لأن الوحدة وقت النفاس تتعب نفسيا ويجيها إكتئااب وطفلها طيب ومعاها فمبالك بوضعك أكيد تتعبين وتبكين طبيعي والإنساان مايهون عليه شي كيف طفله الي هو جزء منه .

الله يعوض عليك خير ,وأحتسبيه مارااح عليك عند الله فيه حديث ( إن السقط ليسحب أمه بسرته إذا أحتسبته)أو فيما معناه
لكن ودي أستفسر منك , أنت وش سبب التسقيط أو توقف النبض , إذا أثبت أنك سليمة أنت وزوجك , أتجهي للرقيا والطب العربي , إحتمال عمل شيطااني وله علاماات يعني لو كاانت قرينة أرحاام لماتحملي تتحلمين بكواابيس أو أحد يحاول يضربك على بطنك أو هواام تقرصك أو أحد يهاجمك.وعلى فكرة أحيانا الزوج هو المصااب بمرض روحي يأثر على حمل زوجته .

الآن لازم تغيرين جو وتطلعين من جو الكآبة المحيط بك , وأعملي بحث في نفس الموضوع والله راح تستفيدين ,وإذا حملتي أكتمي الخبر حتى يتم الحمل وأكثري من الصدقة والإستغفار وسورة البقرة يوميا . وأن شاء الله تبشرينا بأخبار طيبة .


شوفي راح أرفع معنويااتك, أنا توفى لي 6 أطفال والآن بفضل من الله ومنه معي 6 الله يخليهم لي .


وشي ثاني ترى زوجك أكيدعنده حسناات وسيئاات غضي النظر عن السيء وتذكري ماهو حسن , الله يألف بين قلوبك ويملأ حيااتكم بالذرية السليمة والمباركة .

الا الحمد لله
مايخلو من محاسن كأي شخص
لكن اكبر قلق عندي مسألة الحمل
أخلاقه أكتشفتها من أول الزواج
وقررت أكمل
بس حبه الشديد للأطفال
وعجزي والكل عاجز إلا بإذن وعون الله
هم اللي جددوا هالتفكير

مشكورة ياعسل
عطيتيني أمل والأمل بالله
حسبنا الله سيؤتينا الله من فضله إنا إلى الله راغبون