اوف اوف اصبحت لاسمع ولا طاعه وتجاهر بالمعصيه علنا فشلتنا عند الجيران بصوتها العالي انا كذا وكذا ياربي شسوي فيها وكل وقت الثاني تقول وصل عريس يلا زووجوني لما اسال عنه لانعرفه ولا من فصلنا ولا شىء ومشكله توه ماخلص الثانوي لاادري على اي اساس تفكر بالشىء هذا مبكرا اتعبتني ياناس والله صرت كل شوي اشك فيها تفكر تنتحر تفكر بوساوس سيئه الذكر الله يرحم من ييساعدني ويعطيني حل فكرت بدكتور نفسي او شيخ دين لكن متردده انها تفشلني او تحرجني وتلغي الموعد ياربي ساعدوني ساعدوني اصبحت اكرها

الله يكون بعونك
انا بعطيك بعض الحلول لعل الله ينفع بها
1/حاولي قدر الامكان انها ماتمسك التلفون وتكلم في خلوة ((لانه واضح انها قاعدة تطبق كلام ونصائح اللي قاعد يغازلها فهو اللذي مقوي شوكتها ويدعمها )) يعني اجلسي معها اطول وقت ممكن خصوصا اذا كانت تكلم((ضيقي عليها النطاق)) وضعي قانون ينص على منع نقل الهاتف من الصاله ((الغي الافياش داخل الغرف)) واذا امكن سوي تسجيل للمكالمات ((للتلفون الثابت)) +الغاء الجوالات لكل الابناء بقصد الهدف المادي!! /امنعيها من قفل الغرفه على نفسها وخذي المفاتيح من الغرف ( المفروض احنا نعطي ابنائنا الحريه اذا احترموها لن اذا اسائو استخدامها مباشرة نسحب هذي الحريه منهم عشان تقدر النعمة اللي كانت عندها ))/ خليها تستعمل النت بوجودكم وياك من دخول المسنجر

لان الابن اذا امن العقوبه اساء الادب //قولي لها انك اعطيتيها الحريه لانك تثقين بقراراتها وانك تظنيها كبيرة وتفهم لكن اذا انت بهذا الشكل ساسحب كل الامتيازات منك وابتعدي كل البعد عن العقاب الجسمي والظرب والشتم انما اكتفي بسحب الحريه والنت والجوال يعني عقاب راقي واوعديها اذا هي انظبطت انك راح ترجعين ثقتك فيها

وقولي لها ان هالمشكله سر بينا واحنا ستر وغطاء عليك وكل البنات يصير لهم كذا وبعدين يكتشفون انهم على خطاء وكلنا مرينا بها المرحله /واحمدي ربك اني(( امك)) متفهمه وتحبك وتنصحك
غيرك مسكين مايلقى من ينصحه


قولي لها تتوقعين هاللي يغزلك ما يغازل عشر غيرك!!!

تراة مايستاهل ظفرك

تتوقعين انه يستاهل تبيعيني انا وابوك عشانه!!


يعني انت اقطعيها عن هاللي يغازلها ويدعمها وبنفس الوقت حاولي انت تدعمينها نفسينا وتتقربي منها حتى لو صدت عنك


خليك ملازمه لها 24 ساعه اذا تقدرين علاوة على انك حاولي تخلطينها ببنات خيرات من العائله وحاولي تمدحينها قدامهم متلا قولي بنتي فلانه ماشاء الله عليها ما يفوتها فرض الصلاة ابد / دايم تساعدني/ ((حتى لو تكذبين)) حتى لوكانت العلاقات بينكم متوترة بيني قدام الناس انكم سمن على عسل وانها احسن الناس وانك دايم تفخرين بها حاولي صقل سمعتها قدام الاخرين حتى تقتنع هي بذلك وتحس انه فعلا هي بحاجه للمحافظه على تللك السمعه اللي عرفها عنها الاخرون وتخاف من اي شي قد يشوبها

قربيها لك خليها ذراعك اليمين//مو يقولون اذا كبر ولدك خاويه!!!
خذي منها اسرارها واحفظيها لها وتقبلي كل ماتقوله برحابة صدر وانزلي لمستواها واياك من ان تهزئي بما تقوله او تعارضيه مباشرة يعني خلي بينك وبينها(( شعرة معاويه)) لاتنقطع


يعني مثلا لو تعارضت الاراء بينكم لاتقولين لها(( لا خطاء عليك!!!
انما قولي لها اممممم ممكن رايك قد يكون صحيح بس ما تتوقين ان كذ ا وكذا قد يكون افضل ((اعطيها مساحه تعبر عن رايها ولا ترفضيه ابدا لكن عطيها بطريقه غير مباشرة ((الحل الامثل)) وبعدين قولي لها //انا واثقه انك تعرفين تختارين الحل بنفسك انت ابخص بامورك!!
اعطيها خصوصيه الاختيار المقنن
معليش لو اخطأت مرة او مرتين عادي لاننا نتعلم من اخطائنا المهم لايكون خطأء فادح
لازم تعرفين ان الاجيال تغيرت وطرق التعامل مع الابناء تغيرت
شوفي وش اهتماماتها وشاركيها اطلعي معها للسوق والمطاعم واشتري لها مفاجأت تناسب ميولها واعدي بنات عمها بمطعم محترم / اشتري لها هدايا مودرن مع عبارات حب وورد وحركات وقولي ان هالهديه من ماما وبابا
احتويها عاطفيا /ضميها لك/ قبليها امام الجميع / احجزي لها مكان جنبك عالغداء واذا جت قولي لها هالمكان بس للغالين وتراي حاجزته لك /حسسيها انها مهما سوت انك تحبينها لذاتها رغم رفضك لبعض سلوكياتها لكن حبها لايزعزعه شي

كذلك

اشغليها ثم اشغليها ((لان الفراغ مفسدة))

مثلا اشتري لها الوان فخمه ولوحات وقولي لها خل نرسم//اشتري مسبح كبير وخلي بناتك يسبحون مع بنات خالاتهم/خذو لكم سفرة مع عائله محافظه تعرفونهم عشان تتقرب من بناتهم /مثلا وانتم بالسيارة افتحوا شريط عن بر الوالدين واجرة العظيم
شوفي ووش هواياتها

سوي فلترة على الدش /الكمبيوتر /اسحبي مفاتيح الغرف /الجوالات//باختصار خذي منها الحريه المفتوحه واعطيها الحب المفتوح

ولا تنسي الدعاء ثم الدعاء

ممكن الاستعانه باخصائيه اجتماعيه اذا استدعى الامر

وبالتوفيق

فيه مقطع يوتيوب عنوانه((اسمعوا المغازلجي يقول للبنات أنا أحبك وأموت فيك))مع الشيخ العريفي خليها تشوفه لعل الله ينفع به

كلك باليوتيوب ابحثي ((:22:برنامج 99 حلقة الابتزاز))

ليت اهلي مثلك

مشكور مشكور كوب كابتشينو وكثر الله من امثالك , انا سحبت تلفون البيت نهائيا منها اخذت تستغل هاتفي الخاص وصار شبه ازعاج اتعبتني وذهبت للاخصائيه النفسيه فتجاوبت معاي وادخلتها بطالبات النظام مشكوره وساعدتها مع صديقات شاطرات ومحترمات وذهبت بها اخصائيه نفسيه فتجاوبت معاي غيرت رقمي الخاص على امل ان تتحسن وفصارحتها لماذا تكلمين شباب السوء قالت ابي كل شىء من ومن ومن قلت مستعده اوفر لك جهاز بلاك بيري مثل ماتريدين ولابتوب كما تريدين ولبس جديد مع اني مو مقصره بالشىء هذا لكن بشروط ان تبتعد عن هالشباب السيئيين وتصلي وتشد حيلها بالدراسه اكثر واالسمع وطاعه للوالدين فماريكم هل اوفر لها جهاز خاص ام لا؟؟ شوروا علي لاني من غيركم لاستطيع فعل شىء والله يوفقكم ويحفظكم,,, وهمي داخل فمي -- مافهمت قصدك ليت اهلي مثلك

جربتي تحتوينها بدل ماتتفشلين منها طول الوقت تقولين فشلتنا وفشلتنا اختي هذي بنتك امانه برقبتك واعتقد ان اللي يريد الحلو يصبر على مره اختي بنتك في سن حرجه محتاجه احد يحسسها انها حلوه وجميله وكبيره وعاقله وتتحمل المسؤليه اسلوبك مررررررررررره غلط قسوه وضرب ودلع ماله سنع يعني يوم تبنها تصلح تصلحين الغلط بالغلط تهديها بلاك بيري زوجي مو راضي يجيبه لي تعطينه مراهقه عمرها 13 قولي لها انا احبك واموت فيك ومستعده اخليك احلى بنت واكشخك بس بلاك اسمحيلي اخاف عليك مقدر البي طلبك واصري على موقفك لاتتنازلي ابد عشان ماتهتزين قدامها طنشيها يعني قامت تصيح وتقول كلام خلاص طنشيها ماكأنك سمعتي شي ابد وكلمي اخوانها والا روحي غرفتك وخليها تصارخ الين ينهد حيلها لا تنبذيها وتصيري ماتكلميها وعامليها بلطف وحنيه مثلا صلاة الفجر مو صيحين فيها قومي انتي ماتصلين انتي وانتي وانواع الاتهامات تكره نفسها منها لا اجلسي عند راسها وامسحي على شعرها قولي حبيتي قومي صلي فديتك قومي صلي عشان ربي يحفظك لي واجلسي عند راسها وقولي هالكلام وبوسيها الين تستحي على نفسها وتقوم تصلي والله ان الين ماكان بشي الا زانه وانتي تبين الورد اتعبي عليه اسقيه لاتخليه يذبل وتسهي عنه الين غيرك يقطفه باقي ما اينع وكمان قللي طلعاتك من البيت وحاول تاخذيها معاك السوق الملاهي اذا عندك صديقات عندهم بنات بسنها زوريهم وخذيها معاك تتعرف عليهم بنت موناقصها ولاشي مادي ناقصها عائله تحتويها تحسسها انها اغلى شي وانها مسؤله بذا العائله والدعاء اولا قبل كلشي ادعيلها وهي تسمع قولي يارب يحفظك لي ويبارك فيك انتي بكري القمر قولي يارب يسخرك للصلاه عشان اخاف عليك النار يابنتي ذكريها قبل كل شي غلط تسويه وقبل تعاقبيها انك تحبيها وانها اغلى شي بالدنيا بس لازم تحميها من الشيطان ونفسها ولا تقولي مابوصلها اخصائيه اخاف تفشلني وماتجي لا حاولي واحجزي بدل المره الف لان هذي بنتك اصبري وجاهدي وربي مابيخيبك ان شاء الله