منتدى عالم الأسرة والمجتمع - انا مصدومة . ادخلو و وجهوني احس برتكب بنفسي جريمه

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

مادام الرقم من سنه مخزن يمكن هو ناسي الرقم وصار الرقم لوحدة اثيوبية!!!!

يعني هذا مو دليل..

شوفي لوكان مخربط هناك.. وعجبه الوضع .. راح يقعد معاك وهو متكدر.. وظايق خلقه..

وتلاقينه يتأفف وطفشان.. وممكن يجيب لك سيرة السفرة لحالة مرةثانية..

وإذا خربط وندم.. صدقيني بيرجع لك مثل أول وزيادة..وراح يهتم فيكم.. لأنه ضميره عذبه.. ولا عاد يجيب لك سيرة انه بيسافر لحاله.

وإذا ما خربط .. راح يكون معاك طبيعي .. مثل ماراح جا..يعني ماراح يتغير لا أحسن ولا أسوأ..

ربي يعينـــــــــك ويفرج همك الصبر الصبر

انا ما اعرف بس رأي البسيط ... لا تخربين على نفسك واي تتدقيق من قبلك سيكون مرفوض منه وراح يكون رده عنيف..

نصيحه مني .. طنشي الموضوع وسافري مع زوجك وخلي اولادك عند اهلك ..

او استاذني من مدارسهم .. نصيحه لا تنكدين عليه ولا على نفسك ..

سافري وخلي زوجك هو صديقك..

شاركيه هواياته..

حبيبتي دلوعة مودي

في جوالي مسجلة 3 أرقام بدون اسم ..
تلقيني مرات مستعجلة و أسجل رقم محتاجته ، زي مكتب أو مطعم أو فندق ..
و مع العجلة ، مافيا أسجل الإسم و أنساه

زوجك مسجل الرقم من ( سنة ) ..
فلا تخلي الشيطان يوسوس راسك

و زوجك قال لك ، بأخذك إنت و الأولاد ..
فاستغلي الفرصة هذه و روحي غيري الجو معاه ..

و أسبوعين ممكن تتركي الأطفال مع أهلك أو أهله ..
أو مثلا تسافروا الأربعاء و ترجعوا ليلة السبت ..

فتصير 10 أيام .. و تغيبي الأطفال 10 أيام عن دراستهم ..

الموآجهة هي الحل ..

خلي موقف قوي لا تضعفين بمثل هالامور ..

و ان هالشئ لا يغفر له ان تكرر

وانه لازم يسوي فحص وبأسلوب ودي وصريح

ولفقي له كم سالفة لصديقاتك ممن سافر ازواجهم ورجعوا بعدوى (مطعم ملوث - حلآق - الخ )

وان رفض استخدمي اسلوب الصعق :)

اقتباس:

المشاركة الأصلية كتبت بواسطة &دلوعة مودي& (المشاركة 2537836)

خلاص مابقى فيني اعصاب تتحمل

ولا ابغى اتهور واندم

دلوني وجهوني ارشدوني انا ضايعه تايهه وشوركم راح اخذ فيه واسويه

زوجي رجع من السفر

والله العظيم رجعته ماكنت اتوقعها كلامه بالجوال وشوقه وحنينه غير اللي شفته لما رجع
اللي كان يكلمني بالجوال كان انسان آخر رومانسي حنون طيب مشتاق
والانسان اللي رجع لي كأنه زعلان ومتضايق والكلام الحلو واهتمام راح بس كان ع الجوال من الدولة اللي رايح لها انصدمت لما جاء ماكأنه سافر لا شوق ولاحنين عادي جدا كأنه شايفني قبل ساعه

ممكن انه كان مشتاق فعلا ولانه مرتاح ومبسوط ظهرت رومانسيته لكن لما رجع البيت وحس فيك متضايقة ومو طبيعية خف حماسه واستعد للمعركة :) خاصة انه انتي عاتبتيه فعلا وهو مسافر ...وأكيد يبان على الزوجة لما تكون متضايقة مهما حاولت تظهر طبيعية ....

المهم في الموضوع الان

شافني زوجي متضايقه وما اتكلم كثير كلمه ورد غطاها وواضح علي الحزن

سألني وش فيك انتي وش مضايقك ؟؟

جلست معاه وانا زعلانه ومتضايقه وناقشته

وقال باقي من اجازتي اكثر من اسبوعين ابغى اسافر انا وانتم لنفس الدولة وش رايك؟؟

وهنا أشوف أكبر أدله براءته .... لو كان يخربط بتلك البلد لكان اقترح تسافروا بلد غيرها ... لو انه رايح حتى يخربط كان ما طلب منك تسافري معاه ...

طبعا كلامي معه استدراج بشوف وش اللي يدور براسه

أشوف انك انتي اللي وصلتي الامور الى أنه يسافر وحده ...كيف يكون هذا دليل ضده ؟؟؟

لو انك طلبتي تسافري معاه ورفض أوافقك على طول وأشك فيه

المشكله تبدأ من الاتي :

واخذت جوال زوجي وهو نايم

وجلست ابحث في خانة الاسماء

وقررت اتصل اشيك بنفسي

جبت جوالي ودقيت الرقم من جوالي وانا ادعي ان الله يطمني ويكون اللي يرد علي رجل

وكانت الصدمه ردت علي امرأه جنسيتها اثيوبيه لسانها طويل تتكلم وانا سااااااااااااااااكته

وقفلت الخط انا وانا مصدووووووووووووووووووومه

فهمتي شيء من كلامها ؟؟؟؟

بعدها بدقيقه اتصلت هي فيني وانا رديت وانا ساكته وهي ساكته

وقفلت انا الخط

ومازالت حتى اللحظه تتصل وانا ما ارد عليها

انتظرررركم

حبيبتي ...لا تخلي الشيطان يلعب فيكي ...انت كنتي شاكه وهو مسافر وقبل ما يرجع ...وشكك منبعه تصرفات صديقه مو تصرفاته هو ... لا تخربي بيتك بيدك ...

سافري معاه وشوفي تصرفاته هناك ...

ومن رأيي تحاولي تكسبيه حتى لو كان مخربط .... رديت عليكي بأحد مواضيعك السابقة ونصحتك تعطي زوجك فرصة يندمج بأسرتكم أكثر ....لا تشيلي حمل العائلة وحدك ... خليه يحس انك بحاجته ... وصدقيني هذي النقطة وحدها راح تأثر تأثير كبير على حياتكم ...

الرجل يحتاج يشعر انه زوجته محتاجته وتعتمد عليه .. يحتاج يشعر انه عنده أنثى ضعيفه وهو الرجل سندها وظهرها ... اشغلي كل تفكيره فيكم وبأموركم ..

يا أختي هدي بالك وريحيه شكله جى من السفره وأنتي فل من الضغوط والتفكير إللي عليك في غيابه وهاذي ردة فعل بعدين يا دلوعه الأثيوبيه وش فيها بيجذبه لها كلنا خلقة رب العالمين بس الله خلق وفرق والجمال مصدره خليجي والدلع شامي كبري عقلك وبعدين يمكنها صاحبة مطعم ياكلون فيه ويتصلوا علشان تجهز الوجبات أو إنهاموظفه
في الفندق يمكن يتصلون يحجزون الغرف من عندها أوصاحبةمكتب حجز سفر
الحين بدل ماتستقبلينه من سفرته بترحيب وتجلسي معاه وتتفاهموا في جلسة هدوء ولو شفتيه ماإلتفت فيك بعدين إستخدمي الوجه الثاني الله يعينك ويهدي بالك

حطي احتمال انه يكون رقم مطعم او مغسله او مكتب بالدوله الي يروح لها زوجك .. لانه هناك مو نفس السعوديه النساء كل مكان تعمل .. فتأكدي عدل وحسبيها عدل .. لانه اذا طلعت هالمرأه غير الي في بالك راح ينقلب الموضوع كله عليك

الله يبعد عنك كل شر

بعدين صراحه اذا تبين زوجك يشتاق لك ويغرقك بالكلام الجميل.. لازم تستقبلينه استقبال جميل مش بنكد