|
الله يعينك أخوي فتره وتعدي إن شاءالله وكلها شهور بسيطه وتخلص ولاتحط في بالك إن كل حمل بيصير معاها كذا لا كل حمل ووحم يختلف عن الثاني إلا سبحان الله بعض الحريم يتشابه وحمهم بس موكلهم والبنت بكريه وأكيد نفسهافي موالح وحوامض ووجبات معينه من الأكل نفسها فيها الحين وأنت ماتقصر بس أحيانا الحرمه تشتهي أكله أو شئ
أمها إللي تعرف تظبهاوالحين بالشهور الأولى تحتاج تغذيه وعنايه جيده علشان صحت الجنين أفضل شئ إنك وديتها عند أهلها صح هو صعب عليك بس إستحمل علشان خاطرالنونو إللي جاي الله يجبيبه لك بالسلامه ويخلي لك زوجتك ويحفظها يارب . |
آمين أخوي ضاري وجزاك الله خيرا وبارك فيك على النصيحة خففت عني وصدقت لازم أصبر اختي سعوديه جزاك الله خير وبارك فيك على النصحية بعد ردك تواصلت معها وسألت عنها وصحيح انا مافهمت هذه المسألة جيدا اخوي روح الطير جزاك الله خيرا على النصيحة سأحاول اخوي المدمر جزاك الله خير وبارك فيك واستجاب دعاءك جزاك الله كل خير اختي ميس وضحتي لي الكثير من الامور سأطبق ما قلتيه ان شاء الله جزاك الله كل خير اختي l7aaaly على التوضيح وعلى النصيحة سأطبق ما قلتيه إن شاء الله اختي عاشقة الغالي جزاك الله خير على النصيحة وقد طبقت نصيحتك ونصيحة إخواني وتواصلت معها وسأسافر إليها غدا لعل تهدأ وترجع معي أختي ماريا جزاك الله خيرا وكتب لك اجر الدلالة على الخير اختي نعمات جزاك الله خيرا على نصيحتك وعلى تجربتك ووالله ان هذه القصص تخوفني الله يستر ويتتم على خير جزاك الله خير اختي بنت الحكمي على هذه النصيحة وعلى هذه المعلومة وصدقت وفقك الله أسأل الله أن يوفقكم ويبارك فيكم ويسعدكم ويشرح صدوركم ويرزقكم الخير والذرية الصالحة أينما كنتم على هذه النصائح وعلى هذه التوجيهات خففتم علي وساعدتموني في مشكلتي |
طبيعي جدا انا من واقع تجربتي في اول حمل ببنتي تعذبت عذاب من الوحام كرهت زوجي وغرفتي وكرهت نفسي بعد لما اناظر المرايا ابكي وبس انام او استفرغ تكرمون والا العطورات اتعذب لما اشمها واخذت اجازه من الدوام ولما زدت على زوجي ماكنت اقدر استحمله في علاقتي الحميمه كان يزعل وينجرح مني ويقول لي انتي وش تحسين فيه ؟
المهم صرنا نتهاوش باليل وبالنهار ماقدرت اتحمله اخذني ورماني على اهلي خمس شهور هو كان زعلان وانا كنت مرتاحه اني ابعدت عنه بس دخلت السابع مدري الثامن رجعني ورجعت الامور احسن ولما ولدت انتهى كل شئ بس كان يقول لي انتي تتدلعي وانتي مريضه نفسيا ليش كنا في اول زواجنا عسل واللحين تغيرتي وكنت انجرح منه لكن لما ولدت ورجعت طبيعي قال لي ماكنت ادري ان الوحام كذا يسوي !!! وصدقني بس وش عقبه بعد ماتركني 5 شهور عند اهلي وصارت الناس تحكي فينا صدقني زوجتك محتاجتك اكثر من اول انت لازم تحن عليها وترحمها والله هي بحاله الله اعلم فيها بس انت اصبر عليها لين تدخل الخامس او السادس من الحمل وممكن بعض الحريم الين تولد وهي توحم وبكرا الله يرزقكم بطفل وتجيب بالسلامه تنسون كل هالمشاكل وترجعون زي قبل واحلى طولت عليك بس حكيت من واقع تجربتي وفقكم الله وجمع بينكم .. |
اخى الله يعينك هذا تقريبا نفس مشكلتى زوجتى على وشك الولادة و لكن الحين لديها 7 اشهر فى بيت اهلها مجرد حدوث الحمل حدثت بيننا مناوشات الحين هى تطلب منى الطلاق و لا شى غير الطلاق ليش لانى رفعت صوتى عليها و كذلك اننى لم افرح بالقدر الكافى عند الحمل المهم نحن فى انتظار مولود و الكل يقول لى بعد الولادة ستتحسن الامور و انا لا ادرى |
طبيعي حتى انا طلبت الطلاق وكنت مصره والحمدلله اهلي صبروني وصبروه وعدت الامور على خير ولاانسى ان زوجي ماكان متفهم لوحامي لدرجة انه قام بضربي احد المرات وقام بالس والشتم لكني اكتفيت بالبكاء والذهاب لاهلي وطلبت الطلاق لكن انحلت الامور ورجعني صحيح بقى الجرح يمكن سنه اوثمان شهور بعد الولاده لكن والله فرحة المولود تنسيكم كل شئ ...
|
اقتباس:
عزيزتى طفولة اذا سمحتى ممكن توضحين مشكلتك اكتر اي لاى اي مدى كنتى تصرين على الطلاق و كيف كانت علاقاتك مع زوجك فى فترة الخلاف و لماذا تراجعتى عن قرارك بعد الولادة .... ارجو الافادة اذا سمحتى لان هذا المر يعنينى جدا جدا لاننى امر بنفس التجربة وشكرا |
أصـــبر آخـوي الله يفرج همك و يسخركم لـبعض |
اقتباس:
فرج الله همك ورزقكم المولود اللي ينسيكم تعاسة وهموم الحياة ومشاكلها ويوفقكم ويجمعكم على خير... لك مني دعوة بظهر الغيب ...لاني مريت بالتجربه... اسفه ع الاطاله وعذرا لصاحب الموضوع |
| الساعة الآن 07:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©