|
لم أتوقع منك هذا الرد يامعدن الرجولة -لأني أرى ردودك لبعض الاعضاء _ كنت متزوجة وأحب زوجي كان كل حياتي باعترافه وهو من كان يطلب مني الابتعاد أما شريكة لحياته فهو من كان يبعدني يريد الرأي له وحده وإن لم أقل سمعا وطاعة _حتى وإن كان مجرد رأي لا فرض شئ عليه _ أصبح في نظره قليلة احترام وطلقني لا أعرف أنا ومن حولي السبب لكن كلمة قالها أني لم أقصر معه بشئ أرى كلام الأخت في محله وأريح نفسيا |
إيه والله صدقتي يا أحلاهم كلامك دورر وحكم فعلا الرجل تحطينه كل حياتك ينحاش لاكن تحطينه جزء منها يجري وراك بصراحه عجبتني هلكلمتين يا أحلاهم بارك الله فيك وأنا مجربه هالشي وعشرة عمر مع زوجي ألاحظ لما أهتم فيه بزياده أحسه ماعاد يفكر تجاهي مثل قبل بس مجرد ما أبتدي أتساهل في إهتمامي فيه يلاحظ ذلك
و يدور عليه و ينك ما أشوفك حريصه عليه مثل أول وش فيك تغيرتي زعلتك بشئ ضايقتك بشئ فيه شئ موعاجبك فيه أو في البيت العيال أزعجوك في حاجه ويجلس يحن ويقرقني آخر شئ أجيب عذر من راسي وأصرفه حتى لوصار خلاف بيننا بسيط والحمدالله أنا وزوجي إختلافنا دائما في تربية عيالنا لأني أنا أحسه مو حازم في تربية عياله وأنا أشد عليهم وأبوهم يرخي لهم وماعمره حاسب طفل على غلط وعذره دائما طفل باقي صغير ما يستوعب ووقت ما أزعل من طريقة تصرفه وأطنشه وأرو ح غرفه ثانيه يجي الغرفه إللي أنا فيها بحجة إنه يدور شئ طايح منه وأشوفه يقرب صوبي و يقول وينه وينه حصلته و يمسك راسي ويبوسه و يتعذر وبعدها أضطر إني أقبل عذره وأسامحه لأنه ماعمره طلع من البيت وخاطري زعلان عليه في شئ وأحس إن مهما سويت له في حقه قليل بس هاذا في قلبي من الداخل وأعطيه منه بتقسيط أخاف أطلع له كل إهتمامي فيه ويطير الرجل عني لاكن أ سدد وأقارب أفضل حل لأن فعلا أحيانا التطنيش يجيب نتائج ويخلي زوجك يراكض وراك مثل النحله بس التطنيش ماينطبق على كل الرجال بعضهم ماتفرق معاه طنشت قربت باعدت منه زوجته كله شئ واحد بالنسبه له أهم شئ عنده يشوفها جالسة عنده بالبيت بين عيالها وبس وأنا كنت في السابق أسوي لزوجي مساج ليليا ومهتمه فيه لآخر د رجه في البدايه كان يشكرني ويمدح طريقة تدليكي له وبعدها صار ساكت لامدح ولاحتى شكرا وأنا ليليا أسخن زيت ويالله تدليك بإستمرار يديني تورمت وأنا أدلك وأتفنن بالحركات والله لوبغيتوا الجدار ينطق كان نطق ما أشيل يدي عنه إلا وشخيره واصلن الباب نايم لاوبعد يصحى الصباح يسألني البارح سويتي لي مساج ولا نسيتي أقوله طيب أنا أوريك يعني يديني ورمت وأنا أدلك فيك وآخرشئ تقول لي نسيت طيب بسيطه هين وأختصرت المساج وصرت أسويه له في الأسبوع ثلاث مرات أو أربع بس إنما إيش مدح وثناء وكلام حلو وإذا المساج وافق نهاية الأسبوع أيام الخميس والجمعه أصحى ألاقي الغداء جاهز أو يصحيني هو يقول قومي الغداء جاهز وزوجي ماشاء الله عليه شيف في فنون الطبخ ويضبط القهوه والشاي ويرتب البيت طبعا بمساعدة السريه حقته عياله مايقصرون معاه كل واحد يعطيه مهمه يقوم فيها وذاك اليوم أجلس كأني ضيفه عندهم هو و عياله وأحيانا لما يكون فيه خلاف ويشتد بيننا النقاش وأشوفه يناقش بصوت فيه زعل أخليه وأقوم من عنده وبعد شوي أقسم بالله أشوفه جاي يعتذر و يتأسف ليه من نفسه وزوجي الحمدالله هاذا طبعه وأذكر قبل فتره من الوقت وحده من صديقاتي المقربات كنا مجتمعين مع حريم نعرفهم قالت لي يا أختي نفسي أعرف الخلطه السريه إللي مسويتها لزوجك أنت وزوجك بينكم عيال وعشرة عمر طويله و مازلتم تعاملون بعضكم مثل العرسان وأ كثر وماعمري سمعت هناك خلاف بينكم وش مسوية لزوجك أبغى السر فنحرجت من الحاضرين وقلت لها أول شئ قولي ماشاء الله تبارك الله ثاني شئ هاذا توفيق من ربنا عزوجل . وعقبها بطلت من السهرات و التجمعات مع الحريم إلا في الضرورة فقط . أختي صاحبة المو ضوع مشكوره علآ طرحك الرائع وجزاك الله الف خير . |
[COLOR="Red[/COLOR]
اقتباس:
كلامك وايد صح زي ما عودتينا دايما يا غاليتي اتحداهم انا كنت من قبل اليوم اعتبر زوجي كل حياتي بس خلاص من اليوم ورايح راح يصير جزء منها وراح اعامله زي ما يعاملني لان اكتشفت انه انسان اناني ومتكبر انا صار لي يومين مريضة بالام الظهر والحمد لله على كل حال ما اقدر اقوم واليوم تعبت وايد حتى الغدا سويته بالغصب لاولادي ومستحيل انه يواسيني ولو بكلمة حنونة مثلا سلامتك او على الاقل الله يشفيك وما يشتري لي الدواء رغم انه باين علي الا لما اقوله وانقهرت صراحة من داخلي وكانو ما لازم امرض وصراحة ما قدرت اصبر وقلتله تدكر زين ادا مرضت راح اعاملك نفس المعاملة وانا مريضة ولا تلومني وش رايكم مش من حقنا اننا نعتبرهم جزء من حياتنا اعدريني عزيزتي لاني طولت بس والله موضوعك خلاني افضفض باللي بقلبي من قهر وارجو ان تتقبلي مروري |
اقتباس:
اوما شخيره واصلن الباب تووووووووحفة.. مقرود من التعب مايدري هو تمسج ولا لأ..هههههههههه عساك على القوة .. ويكبرك في عين زوجك.. ويسخرك له ويسخره لك.. ويخليكم لعيالكم .. |
النهاية..
خليه كل حياتك ينحاش.. خليه جزء منها يركض وراك..»» مع هذه النهاية والقاعدة ???% وعلى فكره حتكون مفيده وفي صالح الطرفين وأتمنئ من جميع النساء تطبيقها |
اقتباس:
بعدين شوفي ما في شك انه غالب الرجال يحبون انفسهم .. لكن بنفس الوقت مش معناته انهم ما يحبونا.. انا اشوف اخوي.. طيب وحنون .. وكريم.. وحليم.. بس مايعرف يراعي أنه الشخص تعبان.. في نظره طالما قامت من حالها فمعناته أنها إن شاء الله طيبه.. ما يعرف يقول : لا لاتتعبين نفسك.. وبسم الله عليك .. مو لازم اليوم تتطبخين.. :29:. ((مو بس مع زوجته .. حتى مع أمي )):23: ماااااااااايعرف.. حنا نقوله: يويلك من الله المرا تعبانة وانت متفرغ تسالها وش الغدا:( يقول ما أدري ما انتبهت.. قالت لي جيب معاك اغراض للغدا وحسبالي انها طيبه.. ففي بعضهم ما يعرفون :d |
والله قاعدة تحفة يا أحلانا
بس يبغالها قلب..الله يقويني واطبقها مدري حزات احس اني امه من كثر ما اقلق عليه. كيف ابطل هالعادة ؟؟؟ اعطوني طرق ووسائل. .خربوني عليه هع هع هع |
سمو الاميره...
صدقتي في كل كلمه انا ملاحظه هذا الشي بصراحه وشفت كثيييير اقربهم خالتي اخت والدتي حاطها زوجها محور حياتها لدرجة انها قلبت شخصيتها وانتحلت شخصيته ومخها وكلامها صار نفس كلامه...بصراحه احنا انزعجنا منها ومن تصرفاتها كنا نقلها لاتبينيله انه نقطت ضعفك...وماسمعت ...والله ان عيالها أطول منها وزوجها يضربها قدامهم ومو حاسبلها حساب وفي الاخير تزوج عليها مرتين...ليش الله اعلم...البيت مليان عيال..وزوجه ماشاءالله عليها طباخه ونظيفه ومهتمه حتى نعاله الله يكرمكم تمسحها له قبل لايطلع من البيت وكثير نصحناها ماتمسح نعاله قدامه عشان مايهينها عادي تمسحها بس ماتخليه يشوفها لكن ماسمعت الكلام..بس مابين في عينه ...والحين فهمت ليش لانها لازقه فيه ومبينتله انها ماتستغني عنه... وعلى الفكره حتى الزوجه ينطبق عليها نفس الكلام...والدليل كثير من الاخوه الازواج يشتكوا من زوجاتهم وعنادهم وحرمانهم من حقوقهم الشرعيه ومع ذلك يقلك احبها ويفكر فيها ومايبي يطلقها ولايتزوج عليها .. والمثل يقول ((شوت الكوره على الجدار ترجعلك)) وآخر يقول (( اتركه تملكه )) |
اقتباس:
اقتباس:
لكن لكل فعل ردة فعل.. |
(ابعد عن حبيبك حبه تزيد في قلبه محبه)
بشــــــــــــــــــــــــــــــــــــــــــــــــ ــــــــــــــــــــــــــــــــــــــــــــرط ابعدي بثقــــــــــــــــة بالنفـــــــــــــــس بس بأسلوب دلـــــــــــــــــــــــــــــــــــــــــــع أم لجين علينا هذا الكلام؟؟؟ تبغي تقولي تثقلي وتبعدي عن أبو لجين وأنا أمس شايفة لك موضوع أدعوا لزوجي يوصل بالسلامة وبتموتي من الخوف والقلق عليه :17: |
| الساعة الآن 01:21 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©