|
اقتباس:
بالنسبة لنفقة السكن ,,العمل سيعطيه زيادة عن راتبه ,,يومية تتراوح بين 400-600 ريال يعني في الشهر لو حسبناه 400 راح يطلع 12000ريال زيادة عن راتبه و هو يدبر بذلك السكن و الطعام,,,سمعت ان اجار الشقق تتراوح بين 10 لأالاف (اقل شي) بالشهر و مو متأكدة من المعلومة المشكلة ان زوجي ايضا مشترك بجمعية ,,قيادوب هالزيادة تكفي الأيجار و الطعام من راتبه الأساسي فكرة اني ما اروح تزن في راسي أكثر,,, |
اقتباس:
أنا أيضا غاب زوجي لأربعة سنوات كان يحضر شهرا ويغيب شهرا وأحيانا أكثر وأحيانا أقل ... أعدها رغم صعوبتها من أفضل ما حدث لحياتنا الزوجية ... أنعشها وزاد التقارب بيننا وكسر الروتين ... |
أقترح عليك البقاء مع أهلك ..
حتى لا تضيقي على زوجك ماديا .. لان ضيق ذات اليد يولد ضيق الصدر و ما يجر خلفه من مشاحنات .. و عليه يتخلل هذه المدة زيارات منك له ومنه لكم .. |
أبوظبي مو بعيدة وثلاث شهورة كثيرة بس مو مررره
برأيي ولو كنت مكانك بجلس مادام إننا متفقين أنا وزوجي وعارفه إنه مصلحة أسرتنا من كذا جهة هو عدم السفر وأكيد بيحصل ويك اند ويجيكم أو إنتِ تسافرين له وتزورينه كل شهر مره .. |
لو كنت مكانك بروح ..
خصوصاً ان بناتك صغار ..والروضة امرها هين بما انها كملت الترم الاول .. الله يختار لك الخيرة الطيبة |
انا برأيي تجلسي في بيتك لحد مايخلص
والله يكون بعونك لان من كلامك سلبيات الذهاب معه اكثر من ايجابياته الله يكتبلك الي فيه الخير |
والله انا اشوف من واااقع تجررربة انك تروحي معاه طبعا
صدقيني لو تغيرت العاطفة بينكم صعب ترجع مثل اول انا جربت واسأليني غبت عن زوجي 4 شهور ، وليومك هذا جهاد وكفاح عشان نرجع مثل قبل بس الموضوع مو بالسهولة اللي كنت اتصورها طبعا غير الفراغ العاطفي اللي انتي بتحسيه ، لا تنسي العلاقة الخاصة والرجل لا يستطيع التحمل وهذا معروف لان الرجل المتزوج ليس كالرجل العزوبي وهناك فتن وانفتاح ، وهو وحيد ، وانتي دورك حبيبتي كزوجة صالحة انك تكوني سبب في اعفاف زوجك الفلوس اتفه شي في نظري ، تروح وتجي ، لكن الامور المعنوية هي اللي باقية زوجك راح يقدر وقفتك معاه واقتصادك في المصاريف هناك وراح يشوف انه خاض تجربة جديدة في حياته وزوجته شريكة حياته كانت معاه وما تخلت عنه الرجل ياحبيبتي اذا تزوج مااااايقدر يرجع عزابي من جديد ، خلاص تعود على وجود الانثى ورقتها في حياته تعود على لمساتها ، صدقيني صعبة عليه يصبر ويتحمل ، عالاقل انتي بين اهلك لكن هو بيكون وحيد وفي وضع جديد عليه لاول مرة بالنسبة لبنتك انا اقترح تخليها عند اهلك تروح روضتها ، بنتك سهل تعوضيها اذا رجعتوا ، لكن زوجك صدقيي صعب وانا جربت ملحوظة هامة (((( الرجل يبحث عن من تشاركه ادق ادق ادق تفاصيل حياته ، فكوني انتي اللي تشاركه مو اللي تتخلى عنه )))) الله يسخر لك الخير |
اقتباس:
انتي سألتي و انا اجاوبك انا زوجي غاب عني لمدة 6 شهور او بمعنى اصح انا اللي غبت عنه لأني كنت عند اهلي ببلد ثاني و كنت اخلص اجراءات السفر و كمان اخلص اخر سنه دراسه ثانويه + كنت حامل و كنا مقررين اولد عند اهلي لأنه اسهلنا من ناحية اجراءات قانونيه طبعا اكذب عليكي لو قلتلك ان البعد كان سهل لا بالعكس كان صعب و كنت ابكي و احزن بدونه بس هذا كان بالبدايه بعد شهر تقريبا اتغير الأحساس و صار شي عادي لأنه كان مشغول بدراسته و شغله و انا نفس شي كنت مشغوله بالدراسه و الأختبارات بس اللي سهل عليا الوضع اننا كنا نتكلم يوميا يا تلفون او مسنجر صوت و صوره و كمان اتصالات الفيديو سهلت علينا اكثر كنت كل ما اشتقت له اتصل عليه بالفيديو عشان اشوفه بأي وقت نهار او ليل :o و هو نفس الشي و كمان رسالات sms :22: بالعكس حسيت انه كنا قريبين من بعض و نتكلم لساعات و عرفنا بعض اكثر و يعني كل شي الحمدلله و كلنا شوق و حب و وله لبعض كنا نعد الساعات عشان نشوف بعض و كمان نرسل لبعض هدايا و مفاجات و الله كانت احسن 6 شهور بحياتنا بالرغم البعد و الفراق الجسدي الا كنا قريبيين من بعص عاطفيا و الحمدلله وجود الأهل سهل لي الكثير بسبب ظروف الحمل و التعب كنت احس بساندتهم و احتياجاتي كلها مجابه و هذا كان يخلي زوجي يغار لأنه يقول هذا دوري و شغلي كزوج و كأب :d فنصيحتي لك انك تبقي مع البنات و مع اهلك و فترة 3 شهور تعدي بسرررررعه و مارح تحسي لأنك مع اهلك و صديقاتك و هي فرصه كمان عشان يتجدد الحب و يزيد الشوق لبعض استغليها كويس كمان تقدري تستغلي فترة غيابه بشي حلو مثل انك تنحفي كم كيلو اذا محتاجه و ارجعي عروسه و فاجئيه و الله ما يحتاج تروحي معاه خاصة و الميزانيه مثل ما قلتي يعني يمكن البنات يمرضوا مثلا لا سمح الله و تحتاجوا تكاليف دكاتره و ادويه و ما راح تقدروا بس تقعدوا بالبيت و تحبسي البنات 3 شهور بسبب الميزانيه و نفسيتك راح تسؤ من الملل و الوحده لأنه اكيد زوجك بيكون مشغول بشغله و يرجع تعبان و ينام و اذا اشتكيتي اكيد راح يقولك انا قلتلك و و و فبلاها احسن و خليه يعوضك بهديه حلوه او انه ينزل عندكم بين فتره و فتره و وموفقه ان شاء الله |
الحقيقة لا أعرف عن الشقق والإيجارات الكثير .. ولكنني سألت زوجي فقال أن متوسط الإيجارات في أبوظبي ما بين 50 و60 ألف في السنة (شقة غرفتين وصالة) .. يعني في الشهر تقريباً 4000 درهم .. ولكن طبعاً المبلغ قد يزيد أو ينقص حسب المكان وعمر المبنى.
على كل حال .. نقطة العزيزة أم داليا جديرة بالنظر .. ففي حال قررتِ عدم الذهاب معه فيفترض بزوجكِ أن يأتي لزيارتكم بين وقت وآخر .. في نهاية كل أسبوعين أو ثلاثة مثلاً .. وقد كنت سأقترح عليكِ أن يستخدم طيران العربية باعتباره أرخص وإن كان الإقلاع يتم عن طريق مطار الشارقة .. ولكنني لا أدري هل ظروف جدة ستسمح بذلك .. باعتبار أن طيران العربية يتوجه إلى مطار جدة. |
اقتباس:
هذا ما يؤرقني ..و كذلك ترفيه الأطفال يعني لما يكون الأب غائب فترة ,,الخروج من اليت صعب ,,حتى لو اخوتي عادي عندهم بس زوجك تمونين عليه تصدقي من كم كنت محتاجة اغراض من البقالة و اخوي جابهم لي و من ضمنهم كيس توست و بعد يومين خلص التوست احس استحي اطلب منه مرة ثانية |
| الساعة الآن 09:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©