المشاركة الأصلية كتبت بواسطة نبض الدان (المشاركة 2570087)

بالنسبة لي
ما أحب أناقشه كثير خصوصا أنه يكره النقاش
بس مثلا بعض المواقف أضطر أني أحط بصورة لو كنت مكاني
كمثال
مرة أتصل على أهله على أساس نزورهم فقالت أمه حياكم بس بكره بيجتمعون البنات أنا فهمت أنها تحب نجي بكرا
وزوجي فهم أنه تعالوا اليوم وبكرا بما انه أمه
وزعل علي لما رفضت أروح ذاك اليوم واتهمني أني ما أبي أهله فقلت له بكل بساطة لو أخذت موعد زيارة مع أبوي وقالت الله يحيك وتعال بكرا مع الشباب وش راح تفهم وعلى طول بفضل الله تفهم وجهة نظري

وأحيانا ماتمشي
بشوال كان عندي سونار الشهر الخامس
وطول الطريق وهو يازين حريم أول الوحدة ماتروح المستشفى إلا ع الولادة المهم لما سويته طلع الجنين ميت فاقتنع

أمممم بخصوص التربية أحيانا يقتنع بكلامي وأحيانا لا بس طبعا ما ألزم على وجهة نظري يعني هو أب ومقتنع مثل ما أنا مقتنعة فأخليه يسوي اللي فباله

المشاركة الأصلية كتبت بواسطة شوكه بين ورد (المشاركة 2572343)

اختي عندي نصيحه وعن تجربه من احدى الاخوات وانا جربتها الدعاء ثم الدعاء في كل وقت وخصوصا بالليل وربي حيقق لك كل شي تتمنيه اهم شي تتاكدي ان ربي حيستجيب دعوتك وان طال الزمن
انا كنت زمان ابكي ولااحصل على اللي ابغاه لكن بعد الدعاء الحمدلله تغير زوجي صار احسن من اول وحتى لوماجاب اللي ابيه انا اقتنع واسكت لان الراحه والسعاده ماتجي من الاشياء اللي نتوقع انها لوكانت عندنا حنكون سعداء
السعاده تجي بالعباده وطاعة الله واننا نتاكد ان القناعه والرضا اهم شي في الحياه

المشاركة الأصلية كتبت بواسطة الذووق (المشاركة 2572763)

اسمحولي بالمشاركه
انا من رايي انه هنالك طريقه وان شاء الله تنجح معك ومع غيرك
1/ اختيار الوقت المناسب لأن الرجل جنونه المشاوير والزحمه لأنها فعلا مجهده ومتعبه وخصوصا اذا كان عمله ذو ساعات طوال او متعب
2/طلبك يكون فيه مرونه بمعنى انك تعطينه وقت كفايه
3/صيغة الطلب تكون بالسؤال وليس بالأمر مثال (توديني السوق؟ ياابو فلان او حبيبي او قلبي الخ... ) وليس (ابي اروح للسوق)
4/في حالة الرفض أو الكلمة اللي متعودين عليها الرجال (بعدين) قولي له ان شاء الله على امرك بس وقت ما تفضى وديني
5/واذا تم اللي انتي تبينه لا تبخلين عليه بكلمة شكر (الله يعطيك العافيه يا...كلمه حلوه ) (ماقصرت) الخ.........
تحياتي