شكرا لكم

ماشاء الله تبارك الله أنت ريلاكس وباين عليك في كل تعاملك مع الناس ريلا كس بارك الله فيك ياعمري أنا بصراحه ساكنة بمنطقه بعيده
عن ديرة أهل زوجي ومانسافر
لهم إلا بالإيجازات والعطل وحنا عندنا بيت لنا خاص قريب جنب بيت أهله ولما نوصل من السفر طبعا نوصل بيت أهل زوجي أول شئ نسلم عليهم ونجلس معهم ساعة ساعتين ومن ثما
زوجي يروح ينزل عفشنا وشناطنا في بيتنا الخاص وبعدها أروح أنا وعيالي لبيتنا ونريح فيه طبعا هما مايقصرون
قبل مانوصل من السفر يروحون عندهم مفتاح لبيتي ينظفونه ويغسلونه و يبخرونه وما أوصل إلا وبيتي جاهزنظيف من الغبار ومرتب جزاهم الله خير وطبعا أول ما أوصل عماتهم ثلاث بنات وجدتهم فيه وحده من عماتهم وجدتهم وجدهم متعلقين في عيالي مره طبعا عماتهم الباقين مو معناته مايحبونهم بس إنهم مايحبوا الإزعاج وقرقة العيال وأصغر واحده عندهم بالبيت عمرها حول 18سنه متعودين ماعندهم أطفال صغار يلعبون مع عيالي بس مو لدرجة متعلقين فيهم لا عادي عندهم بالنسبه لعمتهم الكبيره وجدتهم أقسم بالله من يوم مانوصل تجي هيه و أم زوجي عندنا البيت بعد مانرتاح من سفرنا وياخذون ملابس عيالى من شنطتهم وتاخذهم معاها كلهم لبيت جدهم ماتبقى عندي إلا أصغر بنت في عيالي والباقي عندهم كل ما أبغى آخذهم جدهم و جدتهم و عمتهم يرفضون طلبي أحيانا أشتاق لعيالي أفتقدهم خلاص ما أحصلهم في الصباح والعصر مع جدهم وجدتهم بالمزرعه وحوش الغنم ولو بغيت واحد من عيالي أرسله يمرني بالبيت
يجي يكلمني من عند باب الشارع هاه يا أمي وش تبغين فيه ياالله جدي ينتظرني بروح له بسرعه قولي وش عندك والله أنا وزوجي نصير كأنه ماعندنا إلا بنت وحده عايشه بالبيت معانا والأربعه الباقين عند جدهم طول الإجازه أنا لما أروح لبيت عمي زياره عادي عندي وعندهم كأنا أخوات والله إني أترك زوجي وأبوه وأمه سوالف بالمجلس لحالهم وأنا وأخوات زوجي الثنتين الباقيات نجلس بالمطبخ نضبط حلا وقهوه وشاي وفصفص ونفرش السفره وندقها سهره حتى الساعه 2 باليل سوالف وفرفشه و ضحك وبصراحه وناسه ماتتعوض وأخت زوجي الكبيره تجلس بغرفه ثانيه مع عيالي مسويه لهم حضانه متى ما نومتهم جت تكمل معانا أنا وأخواتها سهره وكل شوي تقوم تطل على غرفتهم تشوفهم تطمئن عليهم وتنام عندهم بغرفتهم توكلهم وتنظفهم وتغسل ملابسهم عندها وتحبهم بجنون كل فلوسها ألعاب و بسكويتات وحلويات لعيالي طبعا أنا وزوجي مانقصر والله أحيانا لما نروح من بيتنا نطلع السوق أو مشوار نمر على بيت أبوه وأنا أسأل أم زوجي وأخواته إذا ناقصهم شئ أجيبه لهم وكمان هو يسأل أمه وأبوه أحيانا ناخذ عشا من برى ونمرهم نتعشى عندهم و نسولف معاهم ولو شريت شئ أحسب عليهم فيه وأمر عندهم لوكان في المشتريات إختلاف أحطها قدامهم وأحلف
عليهم إلا يختارن هم بأنفسهم
إللي يعجبهم من الأغراض إللي أشتريتها سوى بخور أو أوآني مطبخ كاسات فناجين ترامس قهوه أ و شاي أو تحف أو زينة للبيت عاملهم مثل أهلي وهما والله مايقصرون معي بشئ أبد دائما لي رأي وكلمه عندهم حتى زوجي أحيانا يغار من تعاملهم معاي يقول لي يسمعون كلامك ورأيك أكثر مني ليه ودائما يردد لأمه أنتم تحبون زوجتي أ كثر مني وتعاملو نها أحسن مني وحتى أم زوجي الله يحفظها ويخليها والله أي شئ تشتريه لبناتها من عطور وكريمات وملابس وأنا عندهم تحسب عليه أقولها ماناقصني شئ الله يحفظك تزعل وتتظايق وتقول لي أنا أمك وأنتي بنتي أخت بناتي وأنا حاسبتك بحسبتهم والله إنا لماتخلص إجازتنا ونسافر من عندهم تقول لي أخت زوجي نجلس أسبوع مانقدر ناكل الأكل كل مانحط سفرة الأكل ونجتمع عليها نتذكركم ونذكر عيالك كيف كانوا مالين علينا البيت وتجلس أمي تبكي على العيال وحنا نبكي معاها ونفوسنا تنسد عن الأكل ونخليه ماعاد نقدر ناكله وجدتهم وعمتهم تخلي عندها لكل واحد من عيالي لبسه من ملابسه تقول أشم ريحتهم فيها وأتذكرهم وأذكر لعبهم قدامي في اليل ما أقدر أنام أتخيلهم قدامي في البيت وفي المزرعه
وحتى عيالي يفتقدون جدتهم وجدهم وعمتهم هاذي إللي تحبهم وقت سفرنا إللي أبوه يركبه بالقوه في السياره ويقفل عليه الباب ويجلس يتشوت في القزاز الخلفي وباب السياره و يصرخ بقوه مايبغى يسافر وطول الطريق مايرضى ياكل لنا ولا وجبه هاذا أكبر واحد في عيالي أما الباقين بكي ودموع بس بدون إنهيارات عصبيه ومانصدق إنهم ينسون شوي عن بيت جدهم ومزرعته وغنماته مدري هو حب لجدهم وجدتهم وإلا لحوش الخرفان والمزرعة حق جدهم . وبصراحه يا أختي عامل الناس كما تحب أن يعاملوك أنا بصراحه ماأروح إجازه إلا وهدايا أم زوجي وأخواته جاهزه مغلفه وما آخذ هدايا لهم إلا قطع ذهب خواتم أو حلق أو سلاسل وتعليقات أو أساور غير العطور الفخمه رغم إنهم يزعلون مني لوجبت لهم أشياء غاليه ودائما يرددون شوفتكم عندنا أغلى هديه بالنسبه لنا بس بصراحه أنا أحبهم من كل قلبي لأنهم أخوات والنعم فيهم وفي أخوتهم وكمان أم زوجي والله إنها من خيرة الأمهات والله إن لوحصل خلاف بيني وبين إبنها أقسم بالله إنها توقف معي بوجه ولدها وأحيانا أنا وهو نختلق مشكله ونفبركها قدامهم نشوف ردة فعلهم بس الحمدالله الكفه تميل لي أنا في صالحي وزوجي ياخذ له تهزيئه على مستوى من أبوه وأمه ودائما يرددون على زوجي في حضوري وغيابي إحمد ربك إنه رزقك زوجه مثل فلانه والله إن ماراح تلقى لها مثيله حافظ عليها ودائما لما زوجي يتصل على أمه توصيه عليه بإستمرار وتقول له ترى أم سلطان في ذمتك أمانة عندك لو أنت تحبني وتبغى زضاي عليك
ماتزعلها ولاتكدر خاطرها بشئ رغم إن زوجي طيب معاي ويحبني ومايرضى فيه أبد .
الأخت ريلاكس أعذريني يا أختي أخذت مساحه كبيره من موضوعك وجلست أحكي لك حكايتي مع أهل زوجي وكل هاذا نقطه في بحر من مشاعرهم تجاهي ومشاعري تجاههم أحيانا أحس إنهم أقرب لي حتى من أهلي في تعاملهم معاي يأتمنوني أخوات زوجي على أسرارهم و سوالفهم يتشاورني في الأشياء إللي تخصهم ويارب يخليهم لي ويحفظهم ويرزقهم عيال الحلال الطيبين إللي يحبونهم ويسعدونهم يارب .
مشكوره أخت ريلاكس على هاذا الموضوع وإتاحة الفرصه لي كي أتكلم عن طريقة تعامل أهل زوجي معايه .

شوفي يا ستي العزيزة انا اغبطك بالبداية لانو الناس الي انتي بتتعاملي معهم في منهم نتيجة
انا خوات زوجي بضلهم قاعدين بس و اذا فتحنا اي موضوع بردو بالمختصر و زي ما بحكو سكت دهرا و نطق كفرا و فهمك كفاية

نصائح من ذهب انا عن نفسي مطبقة 80%منها وان شاء الله اطبقها كلها

اقتباس:

لا والله مو الكل لية التعميم

انتي فعلا عمة غيرررررررررررررررررررررر ياريتك عمت اولادي

كلام جميل

مع التحفظ على فكرة احضار الشاي والقهوه لان كثير من الناس تتحسس منها وممكن تكون سبب المشاكل
لكن انا مع احضار طبق من الحلو او المالح لمنع الاحراج اذا لم تتوفر عندهم الضيافة

وفي شي برأيي انو لازم تكلمهم قبل زيارتك عشان يكون الوقت مناسب لهم

الى الاخوات اللي قالو الخالات احن او يتحملون اكثر من العمات
هاذا الكلام غير صحيح طبعا
الى احساس عمري
حسستني اني عمه شريره
هههههههه
بالعكس الله الشاهد اني احبهم واييد
بس انتي شكلج تملكين زوجت اخ حنونه وطيبة القلب وتعرف ما عليها وما لها
وشكلج ما عمرج جربتي النوع الثاني من زوجات الاخ
وانا ما ابي اسرف في الكلام مثل المره الاولى
لاني اعترف انه كان ردي غير لائق والسموحه
بس من الغيض اللي فيني
طبعا انا ما انكر انه في العكس
يعني اخوات الزوج تاعبين الزوجه ومعذبينها
بس انا كتبت الرد الاول عن تجربتي وناتج عن ما شفته

الحمد لله أنا لي 12 سنه متبعة هذه الطريقة ولله الحمد أنا وهم زي السمن على العسل وإذا عندهم ناسبة أتكفل ساعات بالحلى لأن على حسب كلامهم إني خطيره فيه وإذا دخلوا المطبخ طبعا أساعدهم وإذا شفت زوجي بيفتح معهم موضوع خاص أخرج من الغرفه وأسوي نفسي رايحه لأي غرض يخص أولادي
وبالنسبة للأولاد ما عندي مشكله لو تركوا أولادهم عندي سواء زوجة أخي أو أخوات زوجي لأن عندي أطفال ينسجموا معاهم
الله يوفق الجميع

ريلاكس اهنيكي على رجاحة عقلك .. والله يهنيك بحياتك ..
وبنت الحكمي والله ماألوومك .. لو منك اتكلم ليل ونهار من فرحتي ومااحد بيلوومني لان الجو العائلي المرن المتعاطف اللي قلوبهم على بعض مايتعوض ابد .. وان زوجة الولد هي بنتنا قبل ماتكون زوجة ولدنا .. بالدنيا ومافيها ,,
ماأدري اش الفايده من ورى اختلاق المشاكل ؟سواء من زوجة الابن او من اهل الزوج ..
والله لو كل مين حط باعتباره بانها دنيا فانيه وان نتيجة هذا الدفء العائلي ..هو نجاح الحياه وراحة البال وانتاج احفاد ابناء لنا ..
ماكان البيوت تدمرت ,,
أأأأخ كم تمنيت اني اعيش كذا مع اهل زوجي ,, لكن الله المستعان ,,
ووالله يااخت ريلاكس ان عندنا زوجات اخ .. وموظفات وكنا نمسك عيالهم الين العصر يوميا ..
لان احنا اهل .. ونعاملهم كانهم بناتنا وحفظنا كرامتهم وبيوتهم وحفظنا عيالهم .. ويحبونا ويعزونا ,,
لكن الللي قدمناه لبنات الناس ماشفته !!
للأسف