عاد كلمة حرمه حلوه ومافيها شئ لاكن وين أحسن تنادي على زوجتك تقول لها ياحرمه وإلا ياهيه ياولد وإلا إحي إحي مع كحكحه ولايناديها بإسم إبنها مايقول يا أم لا يقول فلان على طول كلمة أم يحذفها تعجزه ينادي عليها يا أم فلان أو يا أم فلانه نماذج كثير شفتها في إستراحات المستشفيات لما ينادون على زوجاتهم وهناك مصطلحات كثيره منها يقول عن زوجته الأهل أو العائله أو المدام ومن الأسماء الطريفه وزارة الداخليه وأنا أشوف إن كلمة ياحرمه أحسن من ياهيه وإلا يتنحنح ويكحكح عند باب أقسام النساء لو عجز لسانه عن مناداتها بأم فلان أو حتى بإسمها الرسول عليه الصلاة والسلام لما سألوه من أحب الناس إليل يارسول الله قال عائشه عليه أفضل الصلاة والسلام نطق بإسمها ولم يقل زوجتي أو يتنحنح مثل بعض الرجال الآن بداعي العيب والحياء وإذا كان محرج من مناداتها بإسمها خلاص يناديها أم فلان حتى وإن لم يكون عنده عيال لابد أن يكون له هو كنية مثلا أبو فلان فزوجته لها نفس الكنية أم فلان أنا عارفه إني أنا طلعت عن الموضوع وإن السؤال عن المصطلح وليس مناداة المرأة لاكن كمان منادآة المرأة لها إرتباط وثيق بمصطلح ياحرمه أو ياإ مرأة أو يا أمة الله مثل مانقول لرجل يارجل أو يا بعل أو يا زلمه وأخير نشكر الأخ صقر الشرقيه على هاذا الموضوع الطيب والله يجزاك خير .

بنت الحكمي ..

لو كنت مثلا في غرفة الإنتظار و سمعت زوجي يناديني ( يا حرمة ) .. :(
بأذببببببببببببحه .. :29:


ليشششش ؟ ما عندي إسم ؟؟؟؟؟؟ :(
زوجي يناديني بإسمي ، أو مرات نادرة بإم فلان ..
و الغالب طبعا يدق على جوالي ..

مع إني ما أحب أحد يناديني يا ( حرمة ) و لا ( أم فلان ) ؟
أحسهم ( دقة قديمة ) .. :24:

.
.

و خاصة كلمة ( حرمة ) ؟
أحسها تقليل من الشأن إذا أحد قالها لي و ما تعجبني أبدا ؟؟؟

معليه لا أحد يزعل من رأيي الخاص :D

هلا والله بروح الطير حياك أنا مثلك كنت بالأول قبل ماجيب عيال كان يناديني بإسمي وبعد ماجبت أول طفل خلاص صار يناديني أم سلطان أو يدق جوال
طبعا مايدق إلا إذا راح الصيدليه يصرف علاج أوكان بعيد شوي مثلا راح مختبر تحاليل حينها يتصل يقول إطلعي أنا واقف برى عند باب المستشفى وأحيانا فيه إستراحه في خارج المستشفى أجلس أنتظره فيها وأول ما أشوفه جاي على طول أطلع معاه بدون ماينادي أويرسل واحد من العيال إذا ما أنتبهت له طبعا أنا أفضل دائما يناديني بأم سلطان حتى في البيت وفي كل مكان أرتاح لهاذا الإسم بغض النظر قديمه أو جديده والظاهر من كثر مايناديني زوجي وكل من حولي أهلي وجاراتي وصديقاتي شكلي نسيت إسمي
وبرجع أراجع كرت العائله أدور عليه هههههه
بالنسبه لك أنتي عادي مافيها شئ يناديك بإسمك أحسن شئ
لاكن أنا شفت نماذج لبعض الأزواج يوقف خلف ستارة الباب وينادي هيه ياحرمه إطلعي أو يتنحنح بصوت عالي ويقول ياالله ياالله بس تدرين ياروح ألاحظ إن كل زوجة تفهم زوجها
وتعرفه من طريقة مناداته لهاحتى لو تنحنح أو كحكح تعرف صوته وعلى طول تطلع
أنا بصراحه لوتنحنح أوكحكح أو قال ياهيه ياحرمه ماراح أرد عليه حتى يعرف كيف يناديني قدام الناس بس الحمدالله كل هاذي المصطلحات ماهي موجوده عنده ياإنه يتصل أوينادي يا أم سلطان بالنسبه لو جاء طاري فيه ذكر لي يقول زوجتي أو أم سلطان مايعرف غيرها بس لوفيه تسجيل موعد أو بغى يصرف علاج من الصيدليه وراح وشاف إللي يصرفون أو يسجلون مواعيد بنات يرجع لي ويقول روحي أنتي خلصيها مافيه إلا حريم هناك يعني يطلق مصطلح حرمه أو حريم في المواضيع اللي إللي يجي فيها طاري نسوان عادي وفي النهاية ياغاليتي كل واحد وله وجهة نظر تخصه في مناداته بألإسم إللي يحبه وتقبلي تحياتي يا أجمل روح طير .